| 1937 ᠤᠨ ᠤ 7 ᠳ᠋ᠤᠭᠠᠷ ᠰᠠᠷᠠ ᠵᠢᠨ 7 ᠦ ᠡᠳᠦᠷ᠂ ᠶᠠᠫᠤᠨ ᠡᠵᠡᠷᠭᠡᠭ ᠲᠦᠷᠢᠮᠡᠬᠡᠶᠢᠳᠡᠨ ᠬᠤᠤᠪᠢᠯᠳᠤᠵᠤ | ᠯᠦ ᠭᠸᠦ ᠴᠢᠶᠣᠣ ᠬᠦᠭᠦᠷᠭᠡ ᠵᠢᠨ ᠬᠡᠷᠡᠭ ᠬᠤᠪᠢᠰᠤᠯ ᠢ ᠡᠭᠦᠰᠭᠡᠨ᠂ ᠮᠠᠨ ᠤ ᠤᠯᠤᠰ ᠲᠤ ᠪᠦᠬᠦ ᠲᠠᠯᠠ ᠵᠢᠨ | ᠲᠦᠷᠢᠮᠡᠭᠡᠶᠢᠯᠡᠯ ᠶᠠᠪᠤᠭᠤᠯᠤᠭᠰᠠᠨ ᠶᠤᠮ᠃ ᠡᠭᠦᠨ ᠡᠴᠡ ᠡᠬᠢᠯᠡᠵᠦ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠯᠡ ᠦᠨᠳᠦᠰᠦᠳᠡᠨ ᠦ | ᠠᠷᠠᠳ ᠲᠦᠮᠡᠨ ᠦ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠬᠦ ᠦᠨᠳᠦᠰᠦᠳᠡᠨ ᠦ ᠴᠢᠯᠤᠭᠡᠯᠡᠯᠲᠡ ᠵᠢᠨ ᠲᠠᠶᠢᠨ ᠴᠤ ᠪᠦᠬᠦ ᠲᠠᠯᠠ ᠪᠡᠷ | ᠡᠬᠢᠯᠡᠵᠦ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ ᠲᠡᠥᠭᠡ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠬᠦ ᠲᠠᠶᠢᠨ ᠤ ᠴᠠᠭ ᠦᠶᠡ ᠳᠦ ᠤᠷᠤᠵᠠᠢ᠃ | ᠬᠦᠬᠡᠬᠤᠲᠠ ᠪᠣᠯ ᠮᠠᠨ ᠤ ᠤᠯᠤᠰ ᠤᠨ ᠤᠮᠠᠷᠠᠳᠤ ᠤᠷᠤᠨ ᠤ ᠴᠢᠬᠤᠯᠠ ᠭᠠᠵᠠᠷ᠂ ᠤᠷᠳᠤ ᠬᠤᠭᠤᠴᠠᠭᠠᠨ ᠤ | ᠲᠡᠦᠭᠡᠨ ᠬᠦᠭᠵᠢᠯᠲᠡ ᠵᠢᠨ ᠶᠠᠪᠤᠴᠠ ᠳᠤ ᠦᠪᠦᠷ ᠮᠤᠩᠭᠤᠯ ᠤᠷᠤᠨ ᠤ ᠤᠯᠤᠰ ᠲᠥᠷᠥ᠂ ᠠᠵᠤ ᠠᠬᠤᠢ᠂ | ᠰᠤᠶᠤᠯ ᠤᠨ ᠲᠥᠪ ᠪᠣᠯᠣᠭᠰᠠᠨ ᠪᠦᠭᠡᠳ ᠲᠡᠦᠭᠡᠨ ᠡᠴᠡ ᠪᠠᠨ ᠴᠡᠷᠢᠭ ᠦᠨ ᠡᠷᠳᠡᠮᠲᠡᠳ ᠦᠨ ᠵᠠᠪᠠᠯ ᠪᠤᠯᠢᠶᠠᠯᠳᠤᠬᠤ | ᠭᠠᠵᠠᠷ ᠪᠠᠶᠢᠵᠤ᠂ ᠮᠠᠰᠢ ᠴᠢᠬᠤᠯᠠ ᠴᠡᠷᠢᠭ ᠲᠠᠶᠢᠨ ᠤ ᠪᠠᠶᠢᠯᠳᠤᠬᠤ ᠪᠤᠳᠤᠯᠭᠠ ᠵᠢᠨ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ᠃ ᠶᠠᠫᠤᠨ | ᠡᠵᠡᠷᠭᠡᠭ ᠲᠦᠷᠢᠮᠡᠬᠡᠶᠢᠲᠡᠨ ︽ᠮᠠᠨᠵᠤ ᠮᠤᠩᠭᠤᠯ ᠤᠨ ᠲᠦᠷᠥ ᠵᠢᠨ ᠪᠣᠳᠣᠯᠭᠠ︾ ᠪᠠᠨ ᠶᠠᠪᠤᠭᠤᠯᠬᠤ ᠶᠠᠪᠤᠴᠠ ᠳᠤ᠂ | ᠣᠨᠴᠠᠭᠠᠶᠢᠯᠠᠨ ᠰᠦᠢ ᠶᠤᠸᠠᠨ ᠴᠠᠬᠠᠷ ᠵᠶᠠᠷ ᠲᠥᠪ ᠪᠣᠯᠭᠠᠭᠰᠠᠨ ︽ᠮᠤᠩᠭᠤᠯ ᠬᠠᠭᠠᠨᠳᠤ ᠤᠯᠤᠰ︾ ᠢ ᠪᠠᠶᠢᠭᠤᠯᠬᠤ | ᠪᠡᠷ ᠭᠤᠷᠢᠳᠠᠵᠤ ᠪᠠᠶᠢᠭᠰᠠᠨ ᠥᠶᠡ ᠳᠦ᠂ ᠬᠥᠬᠡᠬᠤᠲᠠ ᠵᠢ ᠲᠦᠷᠢᠮᠡᠬᠡᠶᠢᠯᠡᠨ ᠡᠵᠡᠯᠡᠬᠦ ᠵᠢ ᠮᠠᠰᠢ ᠴᠢᠬᠤᠯᠠᠴᠢᠯᠠᠨ | ᠦᠵᠡᠵᠦ᠂ ᠬᠥᠬᠡᠬᠤᠲᠠ ᠪᠡᠷ ᠰᠠᠭᠤᠷᠢᠨ ᠭᠠᠵᠠᠷ ᠪᠣᠯᠭᠠᠵᠤ ᠲᠦᠷᠢᠮᠡᠬᠡᠶᠢᠯᠡᠯ ᠦᠨ ᠬᠦᠷᠢᠶᠡ ᠬᠡᠪᠴᠢᠶᠡ ᠪᠠᠨ | ᠥᠷᠭᠡᠳᠭᠡᠬᠦ ᠪᠡᠷ ᠰᠠᠨᠠᠭᠠᠷᠬᠠᠵᠤ ᠪᠠᠶᠢᠵᠠᠢ᠃ ᠶᠠᠭ ᠡᠶᠢᠮᠦ ᠡᠴᠡ ︽ᠲᠤᠯᠤᠭᠠᠨ ᠰᠠᠷᠠ ᠵᠢᠨ ᠲᠤᠯᠤᠭᠠᠨ ᠤ ᠬᠡᠷᠡᠭ | ᠬᠤᠪᠢᠰᠤᠯ︾ ᠤᠨ ᠲᠠᠷᠠᠭᠠ ᠬᠥᠬᠡᠬᠤᠲᠠ ᠨᠢ ᠶᠠᠫᠤᠨ ᠡᠵᠡᠷᠭᠡᠭ ᠲᠦᠷᠢᠮᠡᠬᠡᠶᠢᠲᠡᠨ ᠦ ᠥᠪᠥᠷ ᠮᠤᠩᠭᠤᠯ ᠤᠨ ᠪᠠᠷᠠᠭᠤᠨ | ᠣᠷᠣᠨ ᠳᠤ ᠴᠡᠷᠢᠭ ᠲᠠᠶᠢᠨ ᠤ ᠲᠦᠷᠢᠮᠡᠬᠡᠶᠢᠯᠡᠯ ᠶᠠᠪᠤᠭᠤᠯᠬᠤ ᠭᠤᠣᠯ ᠬᠠᠷᠠᠯᠲᠠ ᠪᠣᠯᠣᠭᠰᠠᠨ ᠪᠠᠶᠢᠪᠠ᠃ | ︽ᠲᠤᠯᠤᠭᠠᠨ ᠰᠠᠷᠠ ᠵᠢᠨ ᠲᠤᠯᠤᠭᠠᠨ ᠤ ᠬᠡᠷᠡᠭ ᠬᠤᠪᠢᠰᠤᠯ︾ ᠤᠨ ᠲᠠᠷᠠᠭᠠ᠂ ᠴᠠᠬᠠᠷ ᠰᠦᠢ ᠶᠤᠸᠠᠨ | ᠣᠷᠣᠨ ᠨᠢ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠬᠦ ᠡᠮᠦᠨᠡ ᠹᠷᠤᠨᠲ ᠪᠣᠯᠵᠤ ᠠᠳᠡᠬᠢ ᠡᠯᠡ ᠥᠨᠳᠦᠰᠦᠳᠡᠨ ᠡᠯᠡ ᠡᠳᠡᠭᠡᠳ ᠡᠯᠡ | ᠲᠠᠪᠬᠤᠷᠭᠠ ᠵᠢᠨ ᠡᠬᠡ ᠤᠷᠤᠨᠴᠢ ᠠᠷᠠᠳ ᠲᠦᠮᠡᠨ ᠴᠦᠮ ᠪᠠᠶᠢᠯᠳᠤᠬᠤ ᠪᠡᠷ ᠪᠡᠯᠡᠳᠭᠡᠵᠡᠭᠡᠵᠦ ᠪᠠᠶᠢᠪᠠ᠃ ᠬᠦᠬᠡᠬᠤᠲᠠ | ᠨᠢ ᠮᠦᠨ ᠬᠦ ᠰᠦᠢ ᠶᠤᠸᠠᠨ ᠴᠠᠬᠠᠷ ᠣᠷᠣᠨ ᠤ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠵᠦ ᠮᠦᠬᠦᠯ ᠡᠴᠡ ᠠᠪᠤᠷᠠᠬᠤ ᠲᠥᠪ ᠪᠠᠶᠢᠵᠤ᠂ | ᠠᠳᠡᠬᠢ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠵᠦ ᠮᠦᠬᠦᠯ ᠡᠴᠡ ᠠᠪᠤᠷᠠᠬᠤ ᠡᠯᠡ ᠵᠦᠢᠯ ᠦᠨ ᠪᠦᠯᠬᠦᠮ ᠨᠢᠭᠡᠴᠡ ᠶᠠᠫᠤᠨ ᠢ | ᠡᠰᠡᠷᠭᠦᠴᠡᠬᠦ ᠬᠦᠴᠦᠨ ᠢ ᠨᠢᠭᠡᠳᠭᠡᠵᠦ᠂ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠵᠦ ᠮᠦᠬᠦᠯ ᠡᠴᠡ ᠠᠪᠤᠷᠠᠬᠤ ᠰᠢᠨᠡ ᠥᠷᠨᠢᠯᠲᠡ ᠵᠢ | ᠪᠣᠢ ᠪᠤᠯᠭᠠᠬᠤ ᠵᠠᠮ ᠢ ᠬᠠᠶᠢᠵᠤ ᠪᠠᠶᠢᠯᠠ᠃ | ︽ᠲᠤᠯᠤᠭᠠᠨ ᠰᠠᠷᠠ ᠵᠢᠨ ᠲᠤᠯᠤᠭᠠᠨ ᠤ ᠬᠡᠷᠡᠭ ᠬᠤᠪᠢᠰᠤᠯ︾ ᠤᠨ ᠲᠠᠷᠠᠭᠠ᠂ ᠭᠤᠮᠢᠨᠳᠠᠩ ᠤᠨ ᠰᠦᠢ | ᠶᠤᠸᠠᠨ ᠴᠠᠬᠠᠷ ᠤᠷᠤᠨ ᠳ᠋ᠡᠬᠢ ᠴᠡᠷᠢᠭ ᠦᠨ ᠬᠦᠴᠦᠨ ᠨᠡᠯᠢᠶᠡᠳ ᠶᠡᠭᠡ ᠪᠠᠶᠢᠵᠤ᠂ ᠮᠠ ᠵᠠᠨ ᠱᠠᠨ ᠵᠶᠠᠷ ᠶᠡᠷᠦᠩᠬᠡᠢ | ᠰᠧᠯᠢᠩ ᠪᠤᠯᠭᠠᠭᠰᠠᠨ ᠵᠡᠭᠦᠨ ᠬᠤᠶᠢᠳᠤ ᠵᠢᠨ ᠭᠠᠪᠰᠢᠭᠠᠶᠢᠯᠠᠬᠤ ᠴᠡᠷᠢᠭ ᠡᠴᠠ ᠭᠠᠳᠠᠨᠠ᠂ ᠹᠦ᠋ ᠽᠦᠸᠧ ᠢ ᠪᠡᠷ | ᠶᠡᠷᠦᠩᠬᠡᠢ ᠰᠧᠯᠢᠩ ᠪᠣᠯᠭᠠᠭᠰᠠᠨ ᠳᠣᠯᠤᠳᠤᠭᠠᠷ ᠨᠢᠭᠡᠳᠬᠡᠯ ᠠᠷᠮᠢ᠂ ᠲᠠᠩ ᠡᠸ᠋ᠨ ᠪᠦᠸᠧ ᠪᠡᠷ ᠶᠡᠷᠦᠩᠬᠡᠢ ᠰᠧᠯᠢᠩ | ᠪᠣᠯᠭᠠᠭᠰᠠᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠨᠢᠭᠡᠳᠭᠡᠯ ᠠᠷᠮᠢ ᠪᠠ 20000 ᠰᠢᠬᠠᠮ ᠤᠷᠤᠨ ᠨᠤᠲᠤᠭ ᠤᠨ ᠴᠡᠷᠢᠭ ᠪᠠᠭᠠ | ᠳ᠋ᠠᠭᠠᠨ ᠨᠡᠶᠢᠲᠡ 10 ᠲᠦᠮᠡ ᠳᠦ ᠬᠦᠷᠴᠦ ᠪᠠᠶᠢᠪᠠ᠃ 8 ᠳ᠋ᠤᠭᠠᠷ ᠰᠠᠷᠠ ᠵᠢᠨ ᠡᠬᠢᠨ ᠵᠶᠡᠷ᠂ ᠹᠦ᠋ ᠽᠦᠸᠧ ᠢ ᠵᠢᠨ | ᠴᠡᠷᠢᠭ ᠠᠩᠭᠢ ᠴᠠᠬᠠᠷ ᠤᠨ ᠬᠤᠶᠢᠲᠤ ᠬᠡᠰᠡᠭ ᠦᠨ ᠶᠠᠫᠤᠨ ᠤ ᠴᠡᠷᠢᠭ ᠲᠦ ᠳᠠᠭᠠᠷᠢᠯᠲᠠ ᠶᠠᠪᠤᠭᠤᠯᠵᠤ᠂ ᠤᠳᠠᠯ ᠦᠭᠡᠢ | ᠱᠠᠩᠳᠤ᠂ ᠬᠤᠸᠠᠳᠧ ᠢ ᠡᠭᠡᠭᠦᠯᠦᠨ ᠠᠪᠴᠠᠢ᠃ ᠭᠡᠪᠡᠴᠦ ᠶᠠᠫᠤᠨ ᠡᠵᠡᠷᠭᠡᠭ ᠲᠦᠷᠢᠮᠡᠬᠡᠶᠢᠲᠡᠨ ᠲᠤᠮᠳᠠᠳᠤ ᠵᠢ | ᠲᠦᠷᠢᠮᠡᠬᠡᠶᠢᠯᠡᠬᠦ ᠶᠠᠫᠤᠨ ᠴᠡᠷᠢᠭ ᠦᠨ ᠤᠮᠠᠷᠠᠳᠤ ᠵᠢᠨ ᠴᠡᠷᠢᠭ ᠠᠩᠭᠢ ᠵᠢ ᠪᠠᠶᠢᠭᠤᠯᠵᠤ ᠴᠢᠭᠤᠯᠤᠯᠳᠤ ᠬᠠᠭᠠᠯᠭᠠ ᠵᠢ | ᠰᠢᠬᠠᠮᠳᠠᠭᠤᠯᠤᠭᠰᠠᠨ ᠡᠴᠠ 1937 ᠣᠨ ᠤ 8 ᠳ᠋ᠤᠭᠠᠷ ᠰᠠᠷᠠ ᠵᠢᠨ 27 ᠦ ᠡᠳᠦᠷ ᠴᠢᠭᠤᠯᠤᠯᠲᠤ ᠬᠠᠭᠠᠯᠭᠠ ᠶᠠᠫᠤᠨ | ᠡᠵᠡᠷᠭᠡᠭ ᠲᠦᠷᠢᠮᠡᠬᠡᠶᠢᠲᠡᠨ ᠳᠦ ᠡᠵᠡᠯᠡᠭᠳᠡᠪᠡ᠃ ᠶᠠᠭ ᠡᠨᠡᠬᠦ ᠪᠠᠴᠢᠮ ᠪᠠᠶᠢᠳᠠᠯ ᠳᠤ᠂ ᠶᠠᠨ ᠰᠢ ᠱᠠᠨ ᠱᠠᠨ ᠱᠢ ᠰᠦᠢ | ᠶᠤᠸᠠᠨ ᠤ ᠭᠤᠣᠯ ᠴᠡᠷᠢᠭ ᠦᠨ ᠬᠦᠴᠦᠨ ᠵᠶᠡᠷ ᠵᠶᠡᠨ ᠶᠠᠫᠤᠨ ᠴᠡᠷᠢᠭ ᠲᠠᠢ ᠳ᠋ᠠᠲ᠋ᠦ᠋ᠩ ᠳᠤ ᠪᠠᠶᠢᠯᠳᠤᠬᠤ ᠭᠡᠵᠦ | ᠪᠠᠶᠢᠭᠰᠠᠨ ᠲᠥᠯᠥᠪᠯᠡᠭᠡ ᠪᠠᠨ ᠬᠠᠶᠠᠵᠤ᠂ ᠳᠣᠯᠣᠳᠣᠭᠠᠷ ᠨᠢᠭᠡᠳᠭᠡᠯ ᠠᠷᠮᠢ ᠵᠢᠨ ᠴᠡᠷᠢᠭ ᠢ ᠰᠢᠯᠵᠢᠬᠦᠯᠦᠨ ᠰᠦᠢ | ᠶᠤᠸᠠᠨ ᠢ ᠤᠷᠬᠢᠵᠤ᠂ ᠱᠠᠨ ᠱᠢ ᠵᠢ ᠬᠠᠮᠠᠭᠠᠯᠠᠬᠤ ᠪᠡᠷ ᠰᠢᠢᠳᠴᠡᠢ᠃ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠨᠢᠭᠡᠳᠭᠡᠯ ᠠᠷᠮᠢ ᠵᠢᠨ | ᠴᠡᠷᠢᠭ ᠠᠩᠭᠢ ᠴᠤ ᠠᠯᠢ ᠡᠷᠲᠡ ᠨᠠᠨ ᠺᠸᠦ ᠤᠷᠤᠭᠤ ᠰᠢᠯᠵᠢᠭᠰᠡᠨ ᠡᠴᠡ ᠴᠠᠬᠠᠷ ᠰᠦᠢ ᠶᠤᠸᠠᠨ ᠤ ᠴᠡᠷᠢᠭ ᠦᠨ | ᠬᠦᠴᠦ ᠶᠡᠭᠡ ᠪᠡᠷ ᠬᠠᠰᠤᠭᠳᠠᠵᠤ᠂ ᠡᠨᠡ ᠨᠢ ᠶᠠᠫᠤᠨ ᠲᠦᠷᠢᠮᠡᠬᠡᠢ ᠴᠡᠷᠢᠭ ᠦᠨ ᠰᠦᠢ ᠶᠤᠸᠠᠨ ᠢ ᠲᠠᠭᠠᠷᠢᠬᠤ ᠳᠦ | ᠵᠠᠪᠰᠢᠶᠠᠨ ᠤᠯᠭᠤᠭᠰᠠᠨ ᠶᠠᠪᠤᠳᠠᠯ ᠪᠤᠯᠪᠠ᠃ | ᠲᠤᠬᠠᠢ ᠵᠢᠨ ᠦᠶᠡ ᠳᠦ ᠴᠠᠬᠠᠷ ᠤᠨ ᠶᠡᠬᠡᠩᠭᠢ ᠬᠡᠰᠡᠭ ᠨᠢᠭᠡᠨᠲᠡ ᠡᠵᠡᠯᠡᠭᠳᠡᠵᠦ᠂ ᠵᠡᠭᠦᠨ ᠬᠤᠶᠢᠳᠤ ᠵᠢᠨ | ᠭᠠᠪᠰᠢᠭᠠᠶᠢᠯᠠᠬᠤ ᠴᠡᠷᠢᠭ ᠴᠤ ᠲᠠᠶᠢᠨ ᠳᠤ ᠢᠯᠠᠭᠳᠠᠭᠠᠳ ᠰᠦᠢ ᠶᠤᠸᠠᠨ ᠳᠤ ᠤᠬᠤᠷᠢᠵᠤ ᠬᠦᠷᠦᠭᠰᠡᠨ ᠪᠠᠶᠢᠪᠠ᠃ | ᠰᠦᠢ ᠶᠤᠸᠠᠨ ᠳᠦ ᠰᠠᠭᠤᠭᠠ ᠴᠡᠷᠢᠭ ᠠᠩᠭᠢ ᠳᠤ ᠰᠦᠢ ᠶᠤᠸᠠᠨ ᠮᠤᠵᠢ ᠵᠢᠨ ᠤᠯᠤᠰ ᠠᠷᠠᠳ ᠤᠨ ᠴᠡᠷᠢᠭ᠂ | ᠮᠤᠩᠭᠤᠯ ᠬᠤᠰᠢᠭᠤᠳ ᠤᠨ ᠲᠤᠰᠠᠭᠠᠷ ᠪᠠᠷᠢᠭᠠᠳᠠ ᠵᠢᠨ ᠴᠡᠷᠢᠭ ᠵᠢᠴᠢ ᠤᠯᠠᠭᠠᠨᠴᠠᠪ ᠠᠶᠢᠮᠠᠭ᠂ ᠴᠠᠬᠠᠷ ᠪᠠᠷᠠᠭᠤᠨ | ᠭᠠᠷᠤᠨ ᠳᠥᠷᠪᠡᠨ ᠬᠤᠰᠢᠭᠤ᠂ ᠲᠦᠮᠡᠳ ᠬᠤᠰᠢᠭᠤ ᠵᠢᠨ ᠮᠤᠩᠭᠤᠯ ᠴᠠᠭᠳᠠᠨ ᠰᠡᠷᠭᠡᠶᠢᠯᠡᠬᠦ ᠮᠤᠷᠢᠳᠤ ᠠᠩᠭᠢ | ᠪᠠᠭᠲᠠᠵᠤ ᠪᠠᠶᠢᠪᠠ᠃ ᠭᠡᠪᠡᠴᠦ ᠡᠳᠡᠭᠡᠷ ᠴᠡᠷᠢᠭ ᠠᠩᠭᠢ ᠳ᠋ᠦ ᠨᠢᠭᠡᠳᠦᠯᠲᠡᠢ ᠵᠢᠯᠤᠭᠤᠳᠤᠯᠭᠠ ᠲᠤᠳᠠᠭᠳᠠᠵᠤ ᠶᠠᠫᠤᠨ ᠢ | ᠡᠰᠡᠷᠭᠦᠴᠡᠬᠦ ᠨᠢᠭᠡᠳᠦᠯᠲᠡᠢ ᠬᠦᠴᠦᠨ ᠪᠣᠯᠵᠤ ᠪᠦᠷᠢᠯᠳᠦᠬᠦ ᠳᠦ ᠪᠡᠷᠬᠡ ᠪᠠᠶᠢᠯᠠ᠃ | ᠶᠠᠫᠤᠨ ᠳᠡᠭᠡᠷᠡᠮ ᠴᠢᠭᠤᠯᠤᠯᠳᠤ ᠬᠠᠭᠠᠯᠭᠠ ᠵᠢ ᠡᠵᠡᠯᠡᠭᠡᠳ ᠳᠡᠮᠡᠢ ᠤᠳᠠᠭᠰᠠᠨ ᠦᠭᠡᠢ᠂ 9 ᠳ᠋ᠤᠭᠡᠷ ᠰᠠᠷᠠ ᠵᠢᠨ | 13 ᠦ ᠡᠳᠦᠷ ᠳ᠋ᠠᠲ᠋ᠦ᠋ᠩ ᠢ ᠡᠵᠡᠯᠡᠵᠦ᠂ 22 ᠤᠨ ᠡᠳᠦᠷ ᠪᠣᠯᠬᠤ ᠳᠤ ᠤᠷᠢᠳ ᠬᠤᠵᠢᠳ ᠹᠧᠩ ᠵᠧᠨ ᠪᠠᠯᠭᠠᠰᠤ᠂ | ᠵᠢᠨᠢᠩ ᠢ ᠡᠵᠡᠯᠡᠭᠡᠳ᠂ ᠬᠦᠬᠡᠬᠤᠲᠠ ᠡᠵᠡᠯᠡᠭᠳᠡᠬᠦ ᠠᠶᠤᠯ ᠨᠢᠳᠦᠨ ᠡᠮᠦᠨᠡ ᠲᠤᠯᠭᠠᠷᠠᠵᠤ ᠢᠷᠡᠵᠡᠢ᠃ | ᠡᠮᠦᠨᠡ ᠹᠷᠤᠨᠲ ᠲᠡᠬᠢ ᠲᠠᠶᠢᠨ ᠳᠤ ᠢᠯᠠᠭᠳᠠᠭᠰᠠᠨ ᠡᠴᠠ ᠮᠠ ᠵᠠᠨ ᠱᠠᠨ ᠤ ᠵᠡᠭᠦᠨ ᠬᠤᠶᠢᠳᠤ ᠵᠢᠨ | ᠭᠠᠪᠰᠢᠭᠠᠶᠢᠯᠠᠬᠤ ᠴᠡᠷᠢᠭ᠂ ᠹᠧᠩ ᠵᠧᠨ ᠪᠠᠯᠭᠠᠰᠤ᠂ ᠵᠢᠨᠢᠩ ᠢ ᠰᠠᠬᠢᠵᠤ ᠪᠠᠶᠢᠭᠰᠠᠨ ᠤᠯᠤᠰ ᠠᠷᠠᠳ ᠤᠨ ᠴᠡᠷᠢᠭ ᠦᠨ | ᠨᠢᠭᠡᠳᠦᠭᠡᠷ᠂ ᠬᠤᠶᠠᠳᠤᠭᠠᠷ ᠬᠤᠷᠢᠶᠠ ᠵᠢᠨ ᠬᠢᠨ᠂ ᠰᠢᠩ ᠡᠾᠧ ᠰᠢᠶᠠᠨ ᠤ ᠲᠠᠷᠤᠭᠠ ᠮᠧᠩ ᠸᠧᠨ ᠵᠦᠩ ᠦᠨ | ᠲᠠᠭᠠᠭᠤᠯᠤᠭᠰᠠᠨ ᠬᠦᠳᠡᠭᠡ ᠲᠤᠰᠬᠤᠨ ᠤ ᠵᠢᠯᠤᠭᠤᠳᠤᠭᠴᠢ᠂ ᠥᠪᠡᠷ ᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠠᠩᠭᠢ ᠵᠢᠨ ᠨᠡᠶᠢᠲᠡ | 400 ᠭᠠᠷᠤᠢ ᠬᠦᠮᠦᠨ ᠪᠦᠭᠦᠳᠡᠭᠡᠷ ᠵᠶᠡᠨ ᠬᠦᠬᠡᠬᠤᠲᠠ ᠳᠤ ᠤᠬᠤᠷᠢᠪᠠ᠃ ᠶᠤᠸᠠᠨ ᠴᠢᠩ ᠽᠧᠩ ᠬᠠᠭᠠᠰ ᠢᠯᠡᠬᠦᠦ | ᠤᠯᠤᠰ ᠠᠷᠠᠳ ᠤᠨ ᠴᠡᠷᠢᠭ ᠵᠶᠡᠨ ᠠᠪᠴᠤ ᠶᠠᠪᠤᠭᠰᠠᠨ ᠤ ᠲᠠᠷᠠᠭᠠ᠂ ᠯᠢ ᠳ᠋ᠠ ᠴᠤᠤ ᠪᠤᠭᠤᠳᠤ ᠳᠤ ᠦᠯᠡᠳᠡᠭᠰᠡᠨ | ᠴᠡᠷᠢᠭ ᠠᠩᠭᠢ ᠪᠠ ᠲᠠᠭᠠᠬᠤ ᠪᠡᠷ ᠢᠷᠡᠭᠰᠡᠨ ᠪᠤᠰᠤᠳ ᠴᠡᠷᠢᠭ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ᠂ ᠰᠦᠢ ᠶᠤᠸᠠᠨ ᠮᠤᠵᠢ ᠵᠢᠨ | ᠤᠯᠤᠰ ᠠᠷᠠᠳ ᠤᠨ ᠴᠡᠷᠢᠭ ᠦᠨ ᠵᠠᠬᠢᠷᠭᠠ ᠵᠢ ᠪᠠᠶᠢᠭᠤᠯᠵᠤ᠂ ᠥᠪᠡᠷᠳᠡᠭᠡᠨ ᠰᠧᠯᠢᠩᠤᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠪᠠ᠃ | ᠪᠤᠭᠤᠳᠤ ᠳᠤ ᠪᠠᠰᠠ ᠰᠦᠢ ᠶᠤᠸᠠᠨ ᠮᠤᠵᠢ ᠵᠢᠨ ᠴᠡᠷᠢᠭ ᠵᠠᠰᠠᠭ ᠤᠨ ᠵᠦᠪᠯᠡᠯ ᠢ ᠪᠠᠶᠢᠭᠤᠯᠵᠤ᠂ ᠮᠠ ᠵᠠᠨ ᠱᠠᠨ ᠢ | ᠵᠥᠪᠯᠡᠯ ᠦᠨ ᠲᠠᠷᠤᠭᠠ ᠪᠡᠷ ᠰᠤᠩᠭᠤᠵᠤ᠂ ᠲᠤᠯᠤᠳᠤᠭᠠᠷ ᠨᠢᠭᠡᠳᠭᠡᠯ ᠠᠷᠮᠢ ᠵᠢᠨ ᠶᠡᠷᠦᠩᠬᠡᠢ ᠵᠠᠬᠢᠷᠭᠠ ᠪᠠ ᠰᠦᠢ | ᠶᠤᠸᠠᠨ ᠮᠤᠵᠢ ᠵᠢᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠴᠢᠳᠠᠪᠬᠢ ᠵᠢ ᠤᠷᠤᠯᠠᠨ ᠬᠦᠢᠴᠡᠳᠭᠡᠬᠦ ᠪᠡᠷ ᠲᠤᠭᠲᠠᠪᠠ᠃ 9 ᠳ᠋ᠤᠭᠡᠷ | ᠰᠠᠷᠠ ᠵᠢᠨ 25 ᠦ ᠡᠳᠦᠷ᠂ ᠨᠠᠢᠮᠠᠳᠤᠭᠠᠷ ᠵᠠᠮ ᠤᠨ ᠴᠡᠷᠢᠭ ᠫᠢᠩ ᠰᠢᠩ ᠪᠤᠭᠤᠮᠳᠠ ᠳᠤ ᠶᠠᠫᠤᠨ ᠤ ᠲᠦᠷᠢᠮᠡᠬᠡᠢ | ᠴᠡᠷᠢᠭ ᠢ ᠶᠡᠬᠡᠪᠡᠷ ᠢᠯᠠᠭᠰᠠᠨ ᠤ ᠲᠠᠷᠠᠭᠠ᠂ ᠰᠦᠢ ᠶᠤᠸᠠᠨ ᠮᠤᠵᠢ ᠵᠢᠨ ᠴᠡᠷᠢᠭ ᠵᠠᠰᠠᠭ ᠤᠨ ᠵᠥᠪᠯᠡᠯ᠂ ᠤᠯᠤᠰ | ᠠᠷᠠᠳ ᠤᠨ ᠴᠡᠷᠢᠭ ᠦᠨ ᠵᠠᠬᠢᠷᠭᠠ ᠪᠠ ᠮᠤᠩᠭᠤᠯ ᠬᠤᠰᠢᠭᠤᠳ ᠤᠨ ᠲᠤᠰᠠᠭᠠᠷ ᠪᠠᠷᠢᠭᠠᠳᠠ ᠵᠢᠨ ᠬᠢᠨ 27 ᠦ ᠡᠳᠦᠷ | ᠪᠤᠭᠤᠳᠤ ᠡᠴᠠ ᠬᠦᠬᠡᠬᠤᠲᠠ ᠳᠤ ᠪᠤᠴᠠᠵᠤ᠂ ᠤᠯᠤᠰ ᠲᠥᠷᠥ ᠵᠢᠨ ᠪᠠᠶᠢᠳᠠᠯ ᠢ ᠬᠤᠷᠢᠶᠠᠵᠤ᠂ ᠬᠦᠴᠦᠨ ᠵᠶᠡᠨ | ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠨ᠂ ᠶᠠᠫᠤᠨ ᠤ ᠲᠦᠷᠢᠮᠡᠬᠡᠢ ᠴᠡᠷᠢᠭ ᠲᠠᠢ ᠪᠠᠶᠢᠯᠳᠤᠬᠤ ᠪᠡᠷ ᠪᠡᠯᠡᠳᠭᠡᠵᠡᠢ᠃ | ᠲᠤᠬᠠᠢ ᠵᠢᠨ ᠦᠶᠡ ᠳᠦ ᠰᠦᠢ ᠶᠤᠸᠠᠨ ᠤ ᠴᠡᠷᠢᠭ ᠦᠨ ᠬᠦᠴᠦᠨ ᠪᠠᠭᠤᠷᠠᠢ ᠪᠠᠶᠢᠭᠰᠠᠨ ᠴᠤ ᠵᠦᠸᠧ ᠽᠢ ᠱᠠᠨ | ᠠᠭᠤᠯᠠ ᠵᠢᠨ ᠣᠶᠢᠷᠠᠯᠴᠠᠭᠠ ᠰᠡᠷᠭᠡᠶᠢᠯᠡᠯᠲᠡ ᠪᠠᠶᠢᠷᠢᠯᠠᠭᠤᠯᠤᠭᠰᠠᠨ ᠤ ᠬᠠᠮᠳᠤ ᠦᠴᠤᠸᠠᠨ ᠳᠤ ᠰᠠᠭᠤᠨ ᠰᠠᠬᠢᠵᠤ᠂ | ᠲᠠᠶᠢᠰᠤᠨ ᠤ ᠴᠡᠷᠢᠭ ᠲᠠᠯᠠᠨ ᠬᠠᠷᠠ ᠠᠭᠤᠯᠠ ᠵᠢᠨ ᠠᠷᠤ ᠲᠠᠯᠠ ᠡᠴᠠ ᠬᠦᠬᠡᠬᠤᠲᠠ ᠵᠢ ᠲᠠᠭᠠᠷᠢᠬᠤ ᠡᠴᠡ | ᠰᠡᠷᠭᠡᠶᠢᠯᠡᠪᠡ᠃ ᠡᠭᠦᠨ ᠦ ᠬᠠᠮᠳᠤ ᠨᠢᠭᠡ ᠮᠤᠷᠢᠳᠤ ᠴᠡᠷᠢᠭ ᠦᠨ ᠪᠠᠷᠢᠭᠠᠳᠠ ᠪᠠ ᠶᠠᠪᠠᠭᠠᠨ ᠴᠡᠷᠢᠭ ᠦᠨ ᠬᠤᠶᠠᠷ | ᠬᠤᠷᠢᠶᠠ᠂ ᠮᠤᠩᠭᠤᠯ ᠬᠤᠰᠢᠭᠤᠳ ᠤᠨ ᠲᠤᠰᠠᠭᠠᠷ ᠪᠠᠷᠢᠭᠠᠳᠠ ᠵᠢᠨ ᠬᠤᠶᠠᠷ ᠬᠤᠷᠢᠶᠠ ᠬᠦᠬᠡᠬᠤᠳᠠ ᠵᠢ ᠰᠠᠬᠢᠨ | ᠰᠡᠷᠭᠡᠶᠢᠯᠡᠪᠡ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ᠂ ᠮᠠᠨ ᠬᠠᠨ ᠱᠠᠨ ᠠᠭᠤᠯᠠ ᠵᠢᠨ ᠡᠯᠡ ᠠᠮᠠᠰᠠᠷ ᠲᠤ ᠴᠡᠷᠢᠭ ᠲᠤᠬᠢᠷᠠᠭᠤᠯᠵᠤ | ᠂ ᠲᠠᠶᠢᠰᠤᠨ ᠤ ᠠᠵᠢᠯᠯᠠᠭᠠ ᠵᠢ ᠴᠠᠭᠳᠠᠭᠤᠯᠤᠭᠰᠠᠨ ᠪᠦᠭᠡᠳ ᠬᠦᠬᠡᠬᠤᠳᠠ ᠵᠢᠨ ᠡᠮᠦᠨᠡ ᠪᠠᠶᠢᠳᠠᠭ ᠶᠡᠭᠡ ᠲᠥᠷᠭᠡᠨ | ᠭᠤᠣᠯ ᠤᠨ ᠬᠤᠶᠢᠳᠤ ᠡᠷᠭᠢ᠂ ᠬᠦᠬᠡᠬᠤᠲᠠ ᠵᠢᠨ ᠡᠮᠦᠨᠡᠬᠢ ᠬᠤᠲᠠ ᠲᠤᠭᠤᠷᠢᠭᠰᠠᠨ ᠵᠠᠮ ᠲᠡᠭᠡᠷᠡ ᠲᠤᠰ ᠲᠤᠰ | ᠰᠡᠷᠭᠡᠶᠢᠯᠡᠯᠲᠡ ᠵᠢᠨ ᠱᠤᠭᠤᠮ ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠪᠠ᠃ ᠲᠡᠭᠡᠷᠡᠬᠢ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠬᠦ ᠠᠵᠢᠯᠯᠠᠭᠠ ᠲᠤᠮᠳᠠ | ᠮᠤᠩᠭᠤᠯ ᠬᠤᠰᠢᠭᠤᠳ ᠤᠨ ᠲᠤᠰᠠᠭᠠᠷ ᠪᠠᠷᠢᠭᠠᠳᠠ ᠵᠢ ᠦᠨᠳᠦᠰᠦᠨ ᠳ᠋ᠡᠭᠡᠨ ᠡᠪ ᠬᠠᠮᠳᠤ ᠨᠠᠮ ᠡᠵᠡᠮᠳᠡᠵᠦ | ᠪᠠᠶᠢᠭᠰᠠᠨ ᠢ ᠭᠠᠷᠭᠠᠪᠠᠯ᠂ ᠤᠯᠤᠰ ᠠᠷᠠᠳ ᠤᠨ ᠴᠡᠷᠢᠭ ᠲᠤᠳᠤᠷᠠ ᠪᠠᠰᠠ ᠨᠢᠭᠡ ᠪᠦᠯᠦᠭ ᠡᠪ ᠬᠠᠮᠳᠤ ᠨᠠᠮ ᠤᠨ | ᠬᠦᠮᠦᠰ ᠴᠢᠬᠤᠯᠠ ᠦᠢᠯᠡᠳᠦᠯ ᠦᠵᠡᠭᠦᠯᠵᠦ᠂ ᠭᠤᠮᠢᠨᠳᠠᠩ ᠡᠪ ᠬᠠᠮᠳᠤ ᠨᠠᠮ ᠬᠠᠮᠳᠤᠷᠠᠯᠴᠠᠨ᠂ ᠴᠡᠷᠢᠭ ᠠᠷᠠᠳ ᠢ | ᠲᠠᠶᠢᠴᠢᠯᠠᠵᠤ᠂ ᠶᠠᠫᠤᠨ ᠲᠡᠭᠡᠷᠡᠮ ᠢ ᠡᠰᠡᠷᠭᠦᠴᠡᠬᠦ ᠪᠡᠷ ᠴᠢᠳᠠᠯ ᠤᠨ ᠵᠶᠠᠨ ᠬᠢᠷᠢ ᠪᠡᠷ ᠰᠡᠷᠭᠡᠶᠢᠯᠡᠯᠲᠡ ᠪᠠᠶᠢᠭᠤᠯᠤᠭᠰᠠᠨ | ᠪᠠᠶᠢᠪᠠ᠃ | ᠶᠠᠫᠤᠨ ᠤ ᠲᠦᠷᠢᠮᠡᠬᠡᠢ ᠴᠡᠷᠢᠭ 9 ᠳ᠋ᠤᠭᠡᠷ ᠰᠠᠷᠠ ᠵᠢᠨ 19 ᠦ ᠡᠳᠦᠷ ᠵᠢᠨᠢᠩ ᠢ ᠡᠵᠡᠯᠡᠭᠰᠡᠨ ᠦ ᠲᠠᠷᠠᠭᠠ᠂ | ᠰᠦᠢ ᠶᠤᠸᠠᠨ ᠢ ᠲᠠᠭᠠᠷᠢᠬᠤ ᠪᠡᠷ ᠪᠠᠶᠢᠭᠰᠠᠨ ᠶᠠᠫᠤᠨ ᠴᠡᠷᠢᠭ ᠦᠨ ᠤᠯᠠᠩᠭᠢ ᠨᠢ ᠱᠠᠨ ᠰᠢ ᠳᠦ ᠲᠠᠶᠢᠨ ᠳᠤ | ᠣᠷᠣᠯᠴᠠᠬᠤ ᠪᠡᠷ ᠶᠠᠪᠤᠭᠰᠠᠨ ᠡᠴᠠ ᠦᠯᠡᠳᠡᠭᠰᠡᠨ ᠴᠦᠭᠡᠬᠡᠨ ᠴᠡᠷᠢᠭ ᠨᠢ ᠲᠡᠷᠡ ᠲᠠᠷᠤᠢ ᠪᠠᠷᠠᠭᠤᠨᠰᠢ | ᠲᠦᠷᠢᠮᠡᠬᠡᠶᠢᠯᠡᠭᠰᠡᠨ ᠦᠭᠡᠢ᠃ 10 ᠳ᠋ᠤᠭᠠᠷ ᠰᠠᠷᠠ ᠵᠢᠨ 11 ᠦ ᠡᠳᠦᠷ ᠪᠣᠯᠣᠭᠠᠳ ᠶᠠᠫᠤᠨ ᠤ ᠴᠡᠷᠢᠭ ᠭᠤᠷᠪᠠᠨ ᠵᠠᠮ | ᠬᠤᠪᠢᠶᠠᠵᠤ ᠵᠢᠨᠢᠩ ᠡᠴᠡ ᠪᠠᠷᠠᠭᠤᠨᠰᠢ ᠲᠦᠷᠢᠮᠡᠬᠡᠶᠢᠯᠡᠵᠡᠢ᠃ ᠡᠭᠦᠨ ᠳᠦ ᠳ᠋ᠧ ᠸᠠᠩ ᠤᠨ ᠲᠠᠭᠠᠭᠤᠯᠤᠭᠰᠠᠨ ᠬᠠᠭᠤᠷᠮᠠᠭ | ᠮᠤᠩᠭᠤᠯ ᠦᠨ ᠴᠡᠷᠢᠭ ᠦᠨ ᠲᠥᠷᠪᠡᠨ ᠳ᠋ᠢᠸᠢᠽᠢ ᠲᠠᠯᠠᠨ ᠬᠠᠷᠠ ᠠᠭᠤᠯᠠ ᠵᠢᠨ ᠠᠷᠤ ᠪᠡᠯ ᠢ ᠲᠠᠭᠠᠵᠤ ᠦᠴᠤᠸᠠᠨ ᠢ | ᠦᠩᠭᠡᠷᠡᠭᠡᠳ ᠤᠷᠢᠳᠠᠪᠡᠷ ᠪᠠᠳᠤᠬᠠᠭᠠᠯᠭᠠ ᠵᠢ ᠡᠵᠡᠯᠡᠵᠡᠢ᠃ ᠯᠢ ᠱᠸᠦ ᠰᠢᠨ ᠵᠡᠭᠦᠨ ᠬᠤᠶᠢᠳᠤ ᠵᠢᠨ ᠬᠢᠲᠠᠳ | ᠬᠦᠮᠦᠨ ᠵᠶᠡᠷ ᠭᠤᠣᠯ ᠪᠣᠯᠭᠠᠭᠰᠠᠨ ᠬᠠᠭᠤᠷᠮᠠᠭ ᠮᠤᠩᠭᠤᠯ ᠦᠨ ᠴᠡᠷᠢᠭ ᠦᠨ ᠪᠤᠰᠤᠳ 4 ᠳ᠋ᠢᠸᠢᠽᠢ ᠵᠢ ᠵᠢᠯᠤᠭᠤᠳᠤᠨ | ᠫᠢᠩ ᠰᠦᠢ ᠲᠡᠮᠦᠷ ᠵᠠᠮ ᠢ ᠲᠠᠭᠠᠵᠤ ᠬᠦᠬᠡᠬᠤᠲᠠ ᠵᠦᠭ ᠴᠡᠷᠢᠭᠯᠡᠪᠡ᠃ ᠨᠦᠬᠦᠭᠡ ᠨᠢᠭᠡ ᠵᠠᠮ ᠤᠨ ᠴᠡᠷᠢᠭ ᠪᠣᠯᠬᠤ | ᠶᠠᠫᠤᠨ ᠤ ᠴᠠᠬᠠᠷ ᠲᠡᠬᠢ ᠴᠡᠷᠢᠭ ᠠᠩᠭᠢ ᠵᠢᠨ ᠬᠢᠨ ᠮᠠᠰᠢᠨ ᠲᠡᠷᠭᠡᠨ ᠳᠦ ᠰᠠᠭᠤᠵᠤ ᠯᠢᠶᠠᠩ ᠴᠧᠩ ᠢ ᠲᠤᠭᠤᠷᠢᠵᠤ | ᠮᠠᠨ ᠬᠠᠨ ᠱᠠᠨ ᠠᠭᠤᠯᠠ ᠵᠢ ᠳᠠᠪᠠᠭᠠᠳ ᠬᠦᠬᠡᠬᠤᠳᠠ ᠵᠦᠭ ᠤᠶᠢᠷᠠᠳᠤᠵᠠᠢ᠃11 ᠤ ᠦᠳᠡ ᠵᠢᠨ ᠬᠤᠶᠢᠨᠠ ᠤᠯᠤᠰ | ᠠᠷᠠᠳ ᠤᠨ ᠴᠡᠷᠢᠭ ᠦᠨ ᠮᠤᠷᠢᠳᠤ ᠴᠡᠷᠢᠭ ᠮᠠᠨ ᠬᠠᠨ ᠱᠠᠨ ᠠᠭᠤᠯᠠ ᠵᠢᠨ ᠪᠠᠷᠠᠭᠤᠨ ᠭᠤᠤ ᠵᠢᠨ ᠠᠮᠠᠰᠠᠷ ᠲᠤ ᠶᠠᠫᠤᠨ | ᠴᠡᠷᠢᠭ ᠲᠠᠢ ᠡᠰᠡᠷᠭᠦᠴᠡᠯᠳᠦᠪᠡ᠃ ᠶᠡᠭᠡ ᠲᠦᠷᠭᠡᠨ ᠭᠤᠣᠯ ᠤᠨ ᠡᠮᠦᠨᠡ ᠡᠷᠭᠢ ᠳ᠋ᠡᠬᠢ ᠶᠠᠫᠤᠨ ᠴᠡᠷᠢᠭ ᠭᠤᠣᠯ ᠤᠨ | ᠬᠤᠶᠢᠳᠤ ᠡᠷᠭᠢ ᠳ᠋ᠡᠬᠢ ᠤᠯᠤᠰ ᠠᠷᠠᠳ ᠤᠨ ᠴᠡᠷᠢᠭ ᠪᠠ ᠮᠤᠩᠭᠤᠯ ᠬᠤᠰᠢᠭᠤᠳ ᠤᠨ ᠲᠤᠰᠠᠭᠠᠷ ᠪᠠᠷᠢᠭᠠᠳᠠ ᠵᠢᠨ | ᠴᠡᠷᠢᠭ ᠬᠠᠷᠢᠯᠴᠠᠨ ᠭᠠᠯᠯᠠᠵᠤ᠂ ᠬᠡᠳᠦᠨ ᠴᠠᠭ ᠪᠠᠶᠢᠯᠳᠤᠭᠠᠳ ᠵᠤᠭᠰᠤᠵᠠᠢ᠃ ᠲᠤᠰ ᠤᠷᠤᠢ ᠳᠤ ᠨᠢ ᠮᠤᠷᠢᠳᠤ | ᠴᠡᠷᠢᠭ ᠦᠨ ᠪᠠᠷᠢᠭᠠᠳᠠ ᠬᠤᠶᠠᠷ ᠵᠠᠮ ᠬᠤᠪᠢᠶᠠᠵᠤ ᠭᠤᠣᠯ ᠭᠡᠳᠦᠯᠦᠨ ᠶᠠᠫᠤᠨ ᠴᠡᠷᠢᠭ ᠢ ᠭᠡᠨᠡᠳᠡᠭᠦᠯᠦᠨ ᠳᠠᠭᠠᠷᠢᠭᠠᠳ | ᠲᠠᠬᠢᠵᠤ ᠠᠶᠤᠮᠰᠢᠭ ᠦᠭᠡᠢ ᠲᠠᠭᠠᠷᠢᠯᠲᠠ ᠶᠠᠪᠤᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠤᠯᠭᠠᠵᠠᠢ᠃13 ᠤ ᠡᠳᠦᠷ ᠬᠤᠶᠠᠷ ᠲᠠᠯᠠ | ᠪᠡᠷ ᠵᠶᠡᠨ ᠥᠷᠭᠦᠯᠵᠢᠯᠡᠨ ᠪᠠᠶᠢᠯᠳᠤᠵᠤ᠂ ᠮᠠ ᠵᠠᠨ ᠱᠠᠨ᠂ ᠯᠢ ᠳ᠋ᠠ ᠴᠤᠤ ᠶᠡᠭᠡ ᠲᠦᠷᠭᠡᠨ ᠭᠤᠣᠯ ᠤᠨ | ᠪᠠᠶᠢᠯᠳᠤᠭᠠᠨ ᠤ ᠡᠮᠦᠨᠡ ᠹᠷᠤᠨᠲ ᠲᠦ ᠬᠦᠷᠴᠦ᠂ ᠪᠡᠶᠡ ᠪᠡᠷ ᠵᠶᠡᠨ ᠬᠢᠨᠠᠯᠲᠠ ᠲᠠᠯᠪᠢᠵᠠᠢ᠃ ᠡᠯᠡ ᠦᠨᠳᠦᠰᠦᠳᠡᠨ ᠡᠯᠡ | ᠡᠳᠡᠭᠡᠳ ᠦᠨ ᠬᠢᠨ ᠪᠦᠯᠬᠦᠮᠳᠡᠨ ᠨᠢᠭᠲᠠᠷᠠᠵᠤ ᠡᠮᠦᠨᠡ ᠹᠷᠤᠨᠲ ᠲᠦ ᠲᠤᠰᠠᠯᠠᠨ᠂ ᠵᠡᠷ ᠵᠡᠪᠰᠡᠭ᠂ ᠰᠤᠮᠤ ᠲᠠᠷᠢ᠂ ᠠᠮᠦ | ᠬᠦᠨᠡᠰᠦ ᠵᠢ ᠲᠠᠰᠤᠷᠠᠭᠠ ᠦᠭᠡᠢ ᠬᠦᠷᠭᠡᠵᠦ ᠪᠠᠶᠢᠪᠠ᠃ ᠬᠤᠲᠠ ᠵᠢᠨ ᠠᠷᠠᠳ ᠤᠨ ᠳᠠᠮᠨᠠᠭᠤᠷ ᠤᠨ ᠠᠩᠭᠢ | ᠰᠢᠷᠬᠠᠳᠤᠭᠰᠠᠨ ᠴᠡᠷᠢᠭ ᠪᠠᠶᠢᠯᠳᠤᠭᠴᠢ ᠵᠢ ᠡᠮᠨᠡᠯᠭᠡ ᠳᠦ ᠬᠦᠷᠭᠡᠨ ᠡᠮᠴᠢᠯᠡᠭᠦᠯᠵᠦ᠂ ᠶᠠᠫᠤᠨ ᠴᠡᠷᠢᠭ ᠦᠨ | ᠳᠠᠭᠠᠷᠢᠯᠲᠠ ᠵᠢ ᠪᠦᠳᠦᠮᠵᠢᠳᠡᠢ ᠬᠤᠷᠢᠭᠯᠠᠵᠤ ᠪᠠᠶᠢᠯᠠ᠃ ᠭᠡᠪᠡᠴᠦ ᠮᠧᠨ ᠪᠢᠨ ᠶᠤᠸᠠᠢ ᠵᠢᠨ ᠲᠠᠭᠠᠭᠤᠯᠤᠭᠰᠠᠨ ᠮᠤᠷᠢᠳᠤ | ᠴᠡᠷᠢᠭ ᠪᠠᠳᠤᠬᠠᠭᠠᠯᠭᠠ ᠡᠴᠠ ᠡᠮᠦᠨᠡᠰᠢᠯᠡᠭᠰᠡᠨ ᠳ᠋ᠧ ᠸᠠᠩ ᠤᠨ ᠬᠠᠭᠤᠷᠮᠠᠭ ᠮᠤᠩᠭᠤᠯ ᠦᠨ ᠴᠡᠷᠢᠭ ᠲᠠᠢ | ᠦᠴᠤᠸᠠᠨ ᠳᠤ ᠪᠠᠶᠢᠯᠳᠤᠭᠠᠳ ᠢᠯᠠᠭᠳᠠᠭᠰᠠᠨ ᠪᠦᠭᠡᠳ ᠵᠡᠭᠦᠨ ᠬᠤᠶᠢᠳᠤ ᠵᠢᠨ ᠭᠠᠪᠰᠢᠭᠠᠶᠢᠯᠠᠬᠤ ᠴᠡᠷᠢᠭ ᠦᠨ | ᠮᠤᠷᠢᠳᠤ ᠴᠡᠷᠢᠭ ᠬᠠᠭᠤᠷᠮᠠᠭ ᠮᠤᠩᠭᠤᠯ ᠦᠨ ᠴᠡᠷᠢᠭ ᠦᠨ ᠯᠢ ᠱᠸᠦ ᠰᠢᠨ ᠦ ᠴᠡᠷᠢᠭ ᠠᠩᠭᠢ ᠲᠠᠢ ᠪᠠᠶᠢᠯᠳᠤᠭᠠᠳ | ᠬᠦᠨᠳᠦ ᠬᠤᠬᠢᠷᠠᠭᠰᠠᠨ ᠪᠠᠶᠢᠪᠠ᠃ | ᠬᠦᠬᠡᠬᠤᠲᠠ ᠮᠠᠰᠢ ᠪᠠᠴᠢᠮ ᠳᠤ ᠪᠠᠶᠢᠳᠠᠯ ᠳᠤ ᠤᠷᠤᠭᠠᠳ ᠪᠠᠶᠢᠯᠠ᠃ ᠬᠦᠬᠡᠬᠤᠲᠠ ᠵᠢ ᠰᠠᠬᠢᠨ ᠬᠠᠮᠠᠭᠠᠯᠠᠬᠤ | ᠲᠠᠶᠢᠨ ᠳᠤ ᠬᠤᠲᠠ ᠵᠢᠨ ᠠᠷᠠᠳ ᠠᠳᠡᠵᠦ ᠰᠢᠷᠬᠠᠳᠤᠬᠤ ᠪᠠ ᠬᠤᠳᠠ ᠡᠪᠳᠡᠭᠳᠡᠵᠦ ᠰᠦᠢᠳᠬᠦ ᠡᠴᠡ | ᠵᠠᠶᠢᠯᠠᠰᠬᠢᠬᠤ ᠵᠢᠨ ᠲᠦᠯᠦᠭᠡ᠂ ᠮᠦᠨᠴᠦ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠬᠦ ᠴᠡᠷᠢᠭ ᠦᠨ ᠬᠦᠴᠦᠨ ᠵᠶᠡᠨ ᠬᠠᠳᠠᠭᠠᠯᠠᠬᠤ ᠵᠢᠨ | ᠲᠦᠯᠦᠭᠡ᠂ 14 ᠦ ᠦᠳᠡ ᠵᠢᠨ ᠡᠮᠦᠨᠡ ᠤᠯᠤᠰ ᠠᠷᠠᠳ ᠤᠨ ᠴᠡᠷᠢᠭ ᠦᠨ ᠵᠠᠬᠢᠷᠭᠠ ᠪᠤᠭᠤᠳᠤ ᠵᠦᠭ ᠤᠬᠤᠷᠢᠵᠤ᠂ | ᠦᠳᠡ ᠳᠦ ᠶᠡᠭᠡ ᠲᠦᠷᠭᠡᠨ ᠭᠤᠣᠯ ᠤᠨ ᠰᠠᠬᠢᠭᠤᠯ ᠴᠡᠷᠢᠭ ᠲᠠᠶᠢᠭᠠ ᠮᠤᠳᠤ ᠭᠠᠯᠳᠤ ᠲᠡᠷᠭᠡᠨ ᠥᠷᠲᠡᠭᠡ ᠳᠦ | ᠤᠬᠤᠷᠢᠵᠤ᠂ ᠭᠠᠯᠳᠤ ᠲᠡᠷᠭᠡ ᠪᠡᠷ ᠪᠠᠷᠠᠭᠤᠨᠰᠢ ᠵᠣᠷᠴᠢᠵᠤ᠂ ᠦᠳᠡ ᠵᠢᠨ ᠬᠤᠶᠢᠨᠠ ᠬᠤᠳᠠ ᠰᠠᠬᠢᠵᠤ ᠪᠠᠶᠢᠭᠰᠠᠨ | ᠮᠤᠩᠭᠤᠯ ᠬᠤᠰᠢᠭᠤᠳ ᠤᠨ ᠲᠤᠰᠠᠭᠠᠷ ᠪᠠᠷᠢᠭᠠᠳᠠ ᠵᠢᠨ ᠴᠡᠷᠢᠭ ᠪᠠᠰᠠ ᠭᠠᠯᠳᠤ ᠲᠡᠷᠭᠡ ᠪᠡᠷ ᠪᠠᠷᠠᠭᠤᠨᠰᠢ ᠤᠬᠤᠷᠢᠵᠤ᠂ | ᠮᠠ ᠵᠠᠨ ᠱᠠᠨ ᠴᠡᠷᠢᠭ ᠵᠶᠡᠨ ᠲᠠᠭᠠᠭᠤᠯᠵᠤ᠂ ᠬᠠᠮᠤᠭ ᠤᠨ ᠰᠡᠭᠦᠯ ᠳᠦ ᠬᠦᠬᠡᠬᠤᠲᠠ ᠡᠴᠠ ᠤᠬᠤᠷᠢᠪᠠ᠃ ᠡᠨᠡ | ᠦᠶᠡ ᠳᠦ᠂ ᠳ᠋ᠧ ᠸᠠᠩ ᠤᠨ ᠬᠠᠭᠤᠷᠮᠠᠭ ᠮᠤᠩᠭᠤᠯ ᠦᠨ ᠴᠡᠷᠢᠭ ᠲᠠᠯᠠᠨ ᠬᠠᠷᠠ ᠠᠭᠤᠯᠠ ᠵᠢᠨ ᠠᠷᠤ ᠪᠡᠷ ᠤᠩᠭᠤᠨ | ᠳᠠᠪᠠᠭᠠ ᠵᠢᠨ ᠤᠷᠤᠢ ᠳᠤ ᠭᠠᠷᠴᠤ᠂ ᠬᠠᠭᠤᠷᠮᠠᠭ ᠮᠤᠩᠭᠤᠯ ᠦᠨ ᠴᠡᠷᠢᠭ ᠦᠨ ᠯᠢ ᠱᠸᠦ ᠰᠢᠨ ᠦ ᠴᠡᠷᠢᠭ ᠪᠠᠰᠠ ᠫᠢᠩ | ᠰᠦᠢ ᠲᠡᠮᠦᠷ ᠵᠠᠮ ᠵᠶᠠᠷ ᠴᠠᠭᠠᠨ ᠰᠤᠪᠤᠷᠭᠠ ᠭᠠᠯᠳᠤ ᠲᠡᠷᠭᠡᠨ ᠥᠷᠲᠡᠭᠡ ᠳᠦ ᠬᠦᠷᠴᠡᠢ᠃ | ᠬᠦᠬᠡᠬᠤᠲᠠ ᠵᠢ ᠰᠠᠬᠢᠵᠤ ᠪᠠᠶᠢᠭᠰᠠᠨ ᠴᠡᠷᠢᠭ ᠤᠬᠤᠷᠢᠵᠤ ᠭᠠᠷᠤᠭᠰᠠᠨ ᠤ ᠳᠠᠷᠠᠭᠠ᠂ ᠭᠦᠢ ᠰᠦᠢ ᠵᠢᠨ | ᠬᠤᠳᠠᠯᠳᠤᠭᠠᠨ ᠤ ᠶᠠᠪᠤᠳᠠᠯ ᠤᠨ ᠨᠡᠶᠢᠭᠡᠮᠯᠢᠭ ᠡᠾᠧ ᠪᠢᠨ ᠸᠧᠨ ᠵᠶᠡᠷ ᠲᠤᠯᠤᠭᠠᠶᠢᠯᠠᠭᠴᠢ ᠪᠤᠯᠭᠠᠭᠰᠠᠨ ᠲᠦᠷ ᠴᠠᠭ | ᠪᠠᠳᠤᠯᠠᠬᠤ ᠨᠡᠶᠢᠭᠡᠮᠯᠢᠭ ᠢ ᠪᠠᠶᠢᠭᠤᠯᠬᠤ ᠵᠢᠨ ᠬᠠᠮᠳᠤ ᠲᠦᠯᠦᠭᠡᠯᠡᠭᠴᠢ ᠲᠤᠮᠢᠯᠠᠨ ᠶᠠᠫᠤᠨ ᠤ ᠴᠡᠷᠢᠭ ᠬᠦᠬᠡᠬᠤᠲᠠ ᠳᠤ | ᠣᠷᠣᠬᠤ ᠵᠢ ᠤᠭᠳᠤᠵᠠᠢ᠃ ᠠᠳᠡ ᠬᠦᠷᠦᠭᠡᠳ ᠬᠦᠬᠡᠬᠤᠳᠠ ᠶᠠᠫᠤᠨ ᠡᠵᠡᠷᠭᠡᠭ ᠲᠦᠷᠢᠮᠡᠭᠡᠶᠢᠳᠡᠨ ᠤ ᠭᠠᠷ ᠲᠤ | ᠤᠷᠤᠭᠰᠠᠨ ᠪᠠᠶᠢᠨᠠ᠃16 ᠤ ᠡᠳᠦᠷ᠂ ᠶᠠᠫᠤᠨ ᠤ ᠴᠡᠷᠢᠭ ᠦᠷᠭᠦᠯᠵᠢᠯᠡᠨ ᠪᠠᠷᠠᠭᠤᠨᠰᠢ ᠲᠦᠷᠢᠮᠡᠬᠡᠶᠢᠯᠡᠪᠡ᠃ ᠤᠯᠤᠰ | ᠠᠷᠠᠳ ᠤᠨ ᠴᠡᠷᠢᠭ ᠪᠠ ᠮᠧᠨ ᠪᠢᠩ ᠶᠤᠸᠠᠢ ᠵᠢᠨ ᠮᠤᠷᠢᠳᠤ ᠴᠡᠷᠢᠭ ᠪᠤᠭᠤᠳᠤ ᠡᠴᠠ ᠪᠤᠷᠤᠳᠤᠬᠤᠢ ᠵᠦᠭ ᠤᠬᠤᠷᠢᠵᠤ᠂ | ᠮᠠ ᠵᠠᠨ ᠱᠠᠨ ᠤ ᠵᠡᠭᠦᠨ ᠬᠤᠶᠢᠳᠤ ᠵᠢᠨ ᠭᠠᠪᠰᠢᠭᠠᠶᠢᠯᠠᠬᠤ ᠴᠡᠷᠢᠭ ᠪᠠ ᠮᠤᠩᠭᠤᠯ ᠬᠤᠰᠢᠭᠤᠳ ᠤᠨ ᠲᠤᠰᠠᠭᠠᠷ | ᠪᠠᠷᠢᠭᠠᠳᠠ ᠪᠤᠭᠤᠳᠤ ᠡᠴᠠ ᠡᠮᠦᠨᠡᠰᠢᠯᠡᠵᠦ ᠬᠠᠲᠤᠨ ᠭᠤᠣᠯ ᠢ ᠭᠡᠳᠦᠯᠦᠭᠡᠳ ᠶᠡᠭᠡ ᠵᠤᠤ ᠠᠶᠢᠮᠠᠭ ᠲᠤ ᠤᠷᠤᠵᠠᠢ᠃17 | ᠦ ᠡᠳᠦᠷ ᠪᠤᠭᠤᠳᠤ ᠪᠠᠰᠠ ᠶᠠᠫᠤᠨ ᠴᠡᠷᠢᠭ ᠲᠦ ᠡᠵᠡᠯᠡᠭᠳᠡᠪᠡ᠃ ᠡᠬᠦᠨ ᠡᠴᠡ ᠡᠬᠢᠯᠡᠵᠦ᠂ ᠬᠦᠬᠡᠬᠤᠳᠠ ᠤᠷᠤᠨ | ᠶᠠᠫᠤᠨ ᠡᠵᠡᠷᠭᠡᠭ ᠲᠦᠷᠢᠮᠡᠬᠡᠶᠢᠳᠡᠨ ᠳᠤ ᠺᠤᠯᠤᠨᠢᠴᠢᠯᠠᠭᠳᠠᠨ᠂ ᠦᠨᠳᠦᠰᠦᠳᠡᠨ ᠦ ᠢᠴᠢᠭᠦᠷᠢ ᠵᠢᠨ ᠺᠤᠯᠤᠨᠢᠴᠢᠯᠠᠯ ᠤᠨ | ᠤᠷᠤᠨ ᠤ ᠲᠡᠦᠭᠡ ᠪᠠᠨ ᠡᠬᠢᠯᠡᠭᠦᠯᠦᠭᠰᠡᠨ ᠶᠤᠮ᠃ | | ᠢᠷᠡᠯᠲᠡ᠄ ︽ᠬᠦᠬᠡᠬᠤᠲᠠ ᠵᠢᠨ ᠬᠤᠪᠢᠰᠬᠠᠯ ᠤᠨ ᠲᠡᠦᠭᠡ︾ ︵ᠦᠪᠦᠷ ᠮᠤᠩᠭᠤᠯ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠵᠢᠨ | ᠬᠡᠪᠯᠡᠯ ᠦᠨ ᠬᠤᠷᠢᠶᠠ 1999 ᠣᠨ ᠤ ᠬᠡᠪᠯᠡᠯ︶ ᠡᠴᠠ ᠤᠷᠴᠢᠭᠤᠯᠪᠠ | ᠲᠤᠳᠤᠷᠬᠠᠶᠢᠯᠠᠯᠲᠠ᠄ ᠲᠡᠭᠡᠷᠡᠬᠢ ᠠᠭᠤᠯᠭᠠ ᠳᠤ ᠢᠯᠡᠷᠡᠭᠰᠡᠨ ᠤᠨᠴᠠᠭᠠᠢ ᠲᠡᠦᠭᠡᠨ ᠨᠡᠷᠡ ᠦᠭᠡᠰ ᠢ ︽ᠦᠪᠦᠷ | ᠮᠤᠩᠭᠤᠯ ᠤᠨ ᠲᠡᠦᠭᠡ ᠵᠢᠨ ᠮᠠᠲ᠋ᠧᠷᠢᠶᠠᠯ︾ ︵ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠦᠨ ᠬᠤᠷᠢᠶᠠ᠂ 1984 | ᠤᠨ ᠤ ᠬᠡᠪᠯᠡᠯ︶᠂ ︽ᠦᠪᠦᠷ ᠮᠤᠩᠭᠤᠯ ᠤᠨ ᠲᠡᠦᠭᠡ ᠵᠢᠨ ᠲᠤᠶᠢᠮᠤ︾ ︵ᠦᠪᠦᠷ ᠮᠤᠩᠭᠤᠯ ᠤᠨ ᠰᠤᠷᠭᠠᠨ | ᠬᠦᠮᠦᠵᠢᠯ ᠦᠨ ᠬᠡᠪᠯᠡᠯ ᠦᠨ ᠬᠤᠷᠢᠶᠠ᠂ 1990 ᠣᠨ ᠤ ᠬᠡᠪᠯᠡᠯ︶ ᠵᠡᠷᠭᠡ ᠨᠣᠮ ᠡᠴᠠ ᠯᠠᠪᠯᠠᠪᠠ᠃ | | | | |