| — ︽ᠼᠠᠩᠶᠠᠩᠵᠠᠮᠰᠤ ᠶᠢᠨ ᠨᠠᠮᠳᠠᠷ︾ ᠤᠨ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠬᠤᠷᠠᠯ ᠲᠠᠢ ᠬᠤᠯᠪᠤᠬᠳᠠᠭᠤᠯᠤᠬᠰᠠᠨ | ᠰᠤᠷᠪᠤᠯᠵᠢᠯᠠᠭᠠ | ᠠᠯᠠᠱᠠ ᠨᠤᠳᠤᠭ ᠪᠤᠯ ᠢᠷᠠᠭᠤ ᠪᠠᠶᠠᠯᠢᠭ ᠰᠤᠶᠤᠯ ᠤᠯᠠᠮᠵᠢᠯᠠᠯ ᠲᠠᠢ᠂ ᠥᠯᠢᠬᠡᠷ ᠲᠤᠤᠯᠢ᠂ ᠬᠠᠭᠤᠴᠢ ᠲᠡᠤᠬᠡ | ᠶᠡᠬᠡᠳᠠᠢ ᠭᠠᠵᠠᠷ ᠣᠰᠣᠨ ᠪᠢᠯᠡ︕ ᠡᠨᠡ ᠨᠤᠳᠤᠭ ᠲᠤ ᠵᠢᠷᠭᠤᠳᠤᠭᠠᠷ ᠲᠥᠷᠢ ᠶᠢᠨ ᠲᠠᠯᠠᠢ ᠯᠠᠮᠠ᠂ ᠠᠯᠳᠠᠷᠳᠤ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠼᠠᠩᠶᠠᠩᠵᠠᠮᠰᠤ ᠰᠠᠭᠠᠳᠠᠨ ᠡᠷᠳᠡᠮ ᠨᠤᠮ ᠢ ᠲᠠᠯᠠᠢ ᠶᠡᠭᠡ ᠲᠡᠯᠬᠡᠵᠤ ᠪᠠᠶᠢᠭᠰᠠᠨ ᠲᠡᠤᠬᠡ ᠲᠠᠢ᠃ | ᠡᠶᠢᠨᠬᠦ ᠲᠡᠭᠡᠳᠦ ᠶᠢᠨ ᠬᠡᠭᠡᠨ ᠤ ᠱᠠᠰᠢᠨ ᠲᠡᠯᠭᠡᠭᠰᠡᠨ ᠦᠨᠡᠨ ᠪᠤᠳᠠᠳᠤ ᠦᠢᠯᠡ ᠠᠵᠢᠯᠯᠠᠭᠠ ᠬᠢᠭᠡᠳ ᠦᠯᠢᠭᠡᠷ | ᠲᠤᠮᠤᠬ ᠨᠢ ᠬᠤᠶᠢᠴᠢ ᠥᠶᠡ ᠶᠢᠨ ᠬᠥᠮᠤᠰ ᠤᠨ ᠠᠩᠬᠠᠷᠣᠯ ᠰᠣᠨᠢᠷᠬᠠᠯ ᠢ ᠶᠡᠭᠡᠳᠡ ᠳᠠᠳᠠᠵᠣ᠂ ᠨᠡᠩ ᠴᠦ | ᠰᠣᠳᠣᠯᠭᠠᠳᠠᠳ ᠲᠤ ᠲᠡᠤᠬᠡᠨ ᠬᠥᠮᠤᠨ ᠼᠠᠩᠶᠠᠩᠵᠠᠮᠰᠤ ᠶᠢᠨ ᠤᠯᠠ ᠮᠥᠷ ᠪᠠ ᠲᠡᠤᠬᠡ ᠨᠠᠮᠳᠠᠷ ᠢ ᠬᠠᠶᠢᠨ ᠰᠤᠳᠤᠯᠬᠤ | ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠤᠷᠤᠨ ᠵᠠᠢ ᠶᠢ ᠥᠯᠡᠳᠡᠬᠡᠵᠤ ᠥᠭᠭᠦᠭᠰᠡᠨ ᠪᠠᠶᠢᠨᠠ᠃ | ᠳᠦᠷᠦᠬᠦᠭᠡᠨ᠂ ᠠᠩᠬᠠᠳᠠᠭᠴᠢ ᠬᠤᠭᠤᠴᠠᠭᠠᠨ ᠤ ︽ᠼᠠᠩᠶᠠᠩᠵᠠᠮᠰᠤ ᠶᠢᠨ ᠨᠠᠮᠳᠠᠷ︾ ᠤᠨ ᠡᠷᠳᠡᠮ | ᠰᠢᠨᠵᠢᠯᠡᠬᠡᠨ ᠤ ᠰᠠᠭᠤᠳᠠᠯ ᠤᠨ ᠬᠤᠷᠠᠯ ᠪᠠᠶᠠᠨᠬᠤᠳᠠ ᠳᠤ ᠠᠮᠵᠢᠯᠳᠠ ᠲᠠᠢ ᠬᠤᠷᠠᠯᠳᠤᠵᠤ᠂ ᠬᠤᠷᠠᠯ ᠢ ᠠᠯᠠᠱᠠ ᠵᠡᠭᠦᠨ | ᠬᠤᠰᠢᠭᠤᠨ ᠤ ᠤᠯᠤᠰ ᠲᠥᠷᠤ ᠶᠢᠨ ᠵᠥᠪᠯᠡᠯᠬᠡᠨ ᠭᠤᠤᠯᠯᠠᠨ ᠡᠷᠬᠢᠯᠡᠵᠤ᠂ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠤᠳᠬᠠ | ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ᠃ ᠭᠠᠨᠰᠤ ᠮᠤᠵᠢ᠂ ᠬᠥᠬᠡᠨᠠᠭᠤᠷ ᠮᠤᠵᠢ᠂ ᠭᠤᠸᠠᠩᠳᠥ᠋ᠩ | ᠮᠤᠵᠢ ᠪᠠ ᠲᠥᠪᠡᠳ ᠤᠨ ᠥᠪᠡᠷᠳᠡᠬᠡᠨ ᠵᠠᠰᠠᠬᠤ ᠤᠷᠤᠨ ᠵᠡᠷᠬᠡ ᠡᠯᠡ ᠮᠤᠵᠢ ᠤᠷᠤᠨ ᠤ ᠲᠡᠤᠬᠡ ᠰᠤᠶᠤᠯ ᠤᠨ | ᠰᠤᠳᠤᠯᠭᠠᠨ ᠤ ᠡᠷᠳᠡᠮᠳᠡᠨ ᠰᠤᠳᠤᠯᠭᠠᠳᠠᠨ ᠵᠢᠴᠢ ᠠᠯᠠᠱᠠ ᠠᠶᠢᠮᠠᠭ ᠤᠨ ᠲᠡᠤᠬᠡ ᠰᠤᠳᠤᠯᠤᠯ ᠤᠨ ᠬᠢᠨ ᠬᠤᠷᠠᠯ ᠳᠤ | ᠤᠷᠤᠯᠴᠠᠭᠰᠠᠨ ᠶᠤᠮ᠃ ᠬᠤᠷᠠᠯ ᠲᠡᠬᠡᠷᠡ᠂ ᠡᠷᠳᠡᠮᠳᠡᠨ ᠰᠤᠳᠤᠯᠭᠠᠳᠠᠳ ᠠᠴᠠ ︽ᠲᠡᠤᠬᠡ ᠶᠢ ᠬᠥᠨᠳᠤᠳᠬᠡᠨ᠂ | ᠥᠨᠡᠡ ᠢ ᠡᠷᠬᠢᠮᠯᠡᠭᠦ︾ ᠵᠠᠷᠴᠢᠮ ᠢᠶᠠᠷ ᠲᠡᠤᠬᠡ ᠰᠤᠶᠤᠯ ᠤᠨ ᠰᠣᠳᠣᠯᠭᠠᠳᠠᠳ ᠼᠠᠩᠶᠠᠩᠵᠠᠮᠰᠤ ᠶᠢᠨ ᠨᠠᠮᠳᠠᠷ᠂ | ᠱᠠᠰᠢᠨ ᠤ ᠤᠨᠤᠯ᠂ ᠰᠢᠯᠥᠭ ᠵᠤᠬᠢᠶᠠᠯ ᠵᠡᠷᠬᠡ ᠲᠠᠯᠠ ᠪᠠᠷ ᠥᠷᠬᠡᠨ ᠬᠡᠪᠴᠢᠶᠡ ᠲᠠᠢ ᠰᠤᠳᠤᠯᠤᠨ ᠶᠠᠷᠢᠯᠴᠠᠭᠰᠠᠨ ᠪᠢᠯᠡ᠃ | | ᠵᠢᠷᠭᠤᠳᠤᠭᠠᠷ ᠲᠥᠷᠢ ᠶᠢᠨ ᠲᠠᠯᠠᠢ ᠯᠠᠮᠠ ᠼᠠᠩᠶᠠᠩᠵᠠᠮᠰᠤ ᠪᠤᠯ ᠲᠥᠪᠡᠳ ᠥᠨᠳᠤᠰᠤᠳᠡᠨ ᠤ ᠠᠯᠳᠠᠷᠳᠤ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠪᠤᠯᠤᠨᠡ᠃ ᠲᠠᠷᠡ ᠠᠷᠪᠠᠨ ᠲᠠᠪᠤᠨ ᠨᠠᠰᠤ ᠲᠠᠢ ᠲᠠᠯᠠᠢ ᠯᠠᠮᠠ ᠪᠠᠷ ᠲᠤᠳᠤᠯᠠᠭᠳᠠᠵᠤ᠂ ᠪᠤᠳᠠᠯᠠ | ᠤᠷᠳᠤᠨ ᠳᠤ ᠵᠠᠯᠠᠭᠳᠠᠨ᠂ ᠬᠤᠷᠢᠨ ᠲᠥᠷᠪᠡᠨ ᠨᠠᠰᠤ ᠲᠠᠢ ᠲᠥᠪᠡᠳ ᠤᠨ ᠲᠡᠬᠡᠳᠤ ᠲᠠᠪᠬᠤᠷᠭᠠᠳᠠᠨ ᠤ ᠬᠢᠮᠤᠷᠠᠯᠳᠤᠭᠠᠨ | ᠲᠤᠮᠳᠠ ᠪᠡᠬᠡᠵᠢᠩ ᠳᠤ ᠬᠥᠷᠬᠡᠭᠳᠡᠭᠦ ᠵᠠᠮ ᠳᠠᠭᠠᠨ ᠶᠠᠭᠠᠬᠢᠭᠰᠠᠨ ᠨᠢ ᠲᠤᠳᠤ ᠪᠤᠰᠤ ᠪᠤᠯᠤᠭᠰᠠᠨ ᠬᠡᠵᠤ ᠪᠢᠴᠢᠭ | ᠮᠠᠲ᠋ᠧᠷᠢᠶᠠᠯ ᠳᠤ ᠲᠡᠮᠳᠡᠭᠯᠡᠵᠤ ᠪᠤᠢ᠃ ᠡᠶᠢᠨᠬᠦ ᠼᠠᠩᠶᠠᠩᠵᠠᠮᠰᠤ ᠶᠢᠨ ᠲᠤᠤᠷᠠᠳᠤ ᠬᠠᠭᠠᠰ ᠨᠠᠰᠤᠨ ᠤ ᠲᠤᠬᠠᠢ ᠡᠷᠳᠡᠮ | ᠰᠢᠨᠵᠢᠯᠡᠬᠡᠨ ᠤ ᠬᠥᠷᠢᠶᠡᠨᠡ ᠠᠳᠠᠯᠢ ᠪᠤᠰᠤ ᠪᠠᠷ ᠬᠡᠯᠡᠯᠴᠡᠳᠡᠭ ᠪᠤᠯᠪᠠᠴᠤ ᠬᠥᠬᠡᠨᠠᠭᠤᠷ ᠲᠤ ᠬᠥᠩᠭᠠ ᠨᠠᠭᠤᠷ ᠤᠨ | ᠬᠥᠪᠡᠬᠡᠨ ᠳᠤ ᠬᠤᠷᠢᠨ ᠲᠠᠪᠤᠨ ᠨᠠᠰᠤ ᠲᠠᠢ ᠲᠠᠭᠠᠯᠠᠯ ᠲᠡᠭᠦᠰᠪᠡ ᠬᠡᠳᠡᠭ ᠪᠠ ᠵᠢᠷᠠᠨ ᠲᠥᠷᠪᠡᠨ ᠨᠠᠰᠤᠨ ᠰᠡᠭᠦᠳᠡᠷ | ᠬᠥᠷᠳᠡᠯᠡ ᠠᠮᠢᠳᠤᠷᠠᠵᠤ ᠪᠠᠶᠢᠭᠠᠳ ᠠᠯᠠᠱᠠ ᠳᠤ ᠲᠠᠭᠠᠯᠠᠯ ᠲᠡᠭᠦᠰᠪᠡ ᠬᠡᠳᠡᠭ ᠬᠤᠶᠠᠷ ᠵᠥᠢᠯ ᠤᠨ ᠬᠡᠯᠡᠯᠬᠡ ᠨᠢ | ᠥᠷᠬᠡᠨ ᠤᠯᠠᠨ ᠡᠷᠳᠡᠮᠳᠡᠨ ᠮᠡᠷᠬᠡᠳ ᠤᠨ ᠠᠩᠬᠠᠷᠤᠯ ᠢ ᠲᠠᠳᠠᠭᠰᠠᠭᠠᠷ ᠢᠷᠡᠭᠰᠡᠨ ᠪᠠᠶᠢᠨᠠ᠃ | ᠵᠢᠷᠭᠤᠳᠤᠭᠠᠷ ᠲᠥᠷᠢ ᠶᠢᠨ ᠲᠠᠯᠠᠢ ᠯᠠᠮᠠ ᠼᠠᠩᠶᠠᠩᠵᠠᠮᠰᠤ ᠠᠯᠠᠱᠠ ᠨᠤᠳᠤᠭ ᠲᠤ ᠰᠠᠭᠠᠳᠠᠵᠤ᠂ ᠱᠠᠰᠢᠨ | ᠲᠡᠯᠬᠡᠭᠰᠡᠨ ᠥᠢᠯᠠ ᠶᠠᠪᠤᠳᠠᠯ ᠨᠢ ᠠᠯᠠᠱᠠ ᠨᠤᠳᠤᠭ ᠲᠤ ᠢᠷᠠᠭᠤ ᠪᠠᠶᠠᠯᠢᠭ ᠰᠤᠶᠤᠯ ᠤᠯᠠᠮᠵᠢᠯᠠᠯ᠂ ᠥᠯᠢᠬᠡᠷ ᠲᠡᠤᠬᠡ | ᠪᠠ ᠱᠠᠰᠢᠨ ᠤ ᠲᠡᠤᠬᠡ ᠰᠤᠶᠤᠯ ᠢ ᠥᠯᠡᠳᠡᠬᠡᠵᠤ ᠥᠭᠭᠦᠭᠰᠡᠨ ᠪᠢᠯᠡ᠃ ᠡᠨᠡᠭᠦ ᠭᠤᠷᠪᠠᠨ ᠵᠠᠭᠤ ᠭᠠᠷᠤᠢ ᠵᠢᠯ ᠤᠨ | ᠲᠤᠷᠰᠢ ᠥᠪᠯᠡᠨ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠬᠥᠨ ᠵᠤᠵᠠᠭᠠᠨ ᠱᠠᠰᠢᠨ ᠤ ᠰᠤᠶᠤᠯ᠂ ᠰᠥᠮᠡ ᠬᠡᠶᠢᠳ ᠵᠢᠴᠢ ᠲᠡᠤᠬᠡᠨ | ᠪᠤᠳᠠᠰ ᠡᠳᠤᠬᠡ ᠪᠤᠯᠳᠠᠯᠠ ᠪᠥᠷᠢᠨ ᠪᠥᠳᠤᠨ ᠬᠠᠳᠠᠭᠠᠯᠠᠭᠳᠠᠭᠰᠠᠭᠠᠷ ᠪᠠᠶᠢᠳᠠᠭ᠃ ᠬᠡᠳᠡᠯᠡ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ | ᠬᠥᠷᠢᠶᠡᠨᠡ ᠵᠢᠷᠭᠤᠳᠤᠭᠠᠷ ᠲᠥᠷᠢ ᠶᠢᠨ ᠲᠠᠯᠠᠢ ᠯᠠᠮᠠ ᠼᠠᠩᠶᠠᠩᠵᠠᠮᠰᠤ ᠠᠯᠠᠱᠠ ᠨᠤᠳᠤᠭ ᠲᠤ ᠰᠥᠮᠡ ᠬᠡᠶᠢᠳ | ᠪᠠᠶᠢᠭᠤᠯᠤᠨ ᠱᠠᠰᠢᠨ ᠲᠡᠯᠬᠡᠵᠤ ᠪᠠᠶᠢᠭᠠᠳ ᠵᠢᠷᠠᠨ ᠲᠥᠷᠪᠡᠨ ᠨᠠᠰᠤ ᠲᠠᠢ ᠲᠠᠭᠠᠯᠠᠯ ᠲᠡᠭᠦᠰᠪᠡ ᠬᠡᠳᠡᠭ ᠬᠡᠯᠡᠯᠬᠡ ᠳᠤ | ᠰᠣᠳᠣᠯᠭᠠᠳᠠᠳ ᠥᠪᠡᠷ ᠥᠪᠡᠷ ᠤᠨ ᠥᠵᠡᠯᠳᠡ ᠪᠠᠨ ᠪᠠᠷᠢᠮᠳᠠᠯᠠᠵᠤ᠂ ᠣᠳᠣ ᠪᠣᠯᠳᠠᠯᠠ ᠰᠠᠨᠠᠯ ᠨᠢᠬᠡᠳᠴᠤ ᠴᠢᠳᠠᠭᠠᠳᠤᠢ | ᠪᠠᠶᠢᠭᠰᠠᠭᠠᠷ᠃ ᠲᠠᠷᠤᠢ ᠠᠯᠠᠱᠠ ᠳᠤ ᠱᠠᠵᠢᠨ ᠨᠤᠮ ᠲᠡᠯᠭᠡᠵᠤ ᠪᠠᠶᠢᠬᠰᠠᠨ ᠲᠡᠭᠡᠳᠤ ᠶᠢᠨ ᠭᠡᠭᠡᠨ ᠪᠤᠯ ᠼᠠᠩᠶᠠᠩᠵᠠᠮᠰᠤ | ᠮᠥᠨ ᠪᠤᠯᠬᠤ ᠶᠢ ᠰᠠᠨᠠᠯ ᠨᠢᠭᠡᠳᠡᠢ ᠨᠤᠳᠠᠯᠠᠭᠠ ᠥᠭᠡᠢ ᠪᠠᠶᠢᠬᠰᠠᠭᠠᠷ ᠶᠤᠮ᠃ ᠡᠶᠢᠨᠬᠦ ᠲᠤᠰ ᠤᠳᠠᠭᠠᠨ ᠤ ︽ | ᠼᠠᠩᠶᠠᠩᠵᠠᠮᠰᠤ ᠶᠢᠨ ᠨᠠᠮᠳᠠᠷ︾ ᠤᠨ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠰᠠᠭᠤᠳᠠᠯ ᠤᠨ ᠬᠤᠷᠠᠯ ᠨᠢ ᠠᠯᠠᠱᠠ ᠬᠤᠰᠢᠭᠤᠨ ᠤ | ᠢᠵᠠᠭᠤᠷᠳᠠᠨ ᠤ ᠬᠡᠷ ᠪᠥᠯᠢ ᠳᠤ ᠲᠥᠷᠤᠵᠤ ᠥᠰᠥᠭᠰᠡᠨ ᠯᠠᠮᠠᠳᠠᠨ ᠠᠭᠸᠠᠩᠯᠾᠥ᠋ᠨᠳᠥ᠋ᠪᠳᠡᠷᠵᠢ ︵ᠠᠭᠸᠠᠩᠳᠤᠷᠵᠢ︶ | ᠶᠢᠨ 1757 ᠤᠨ ᠳᠤ ᠪᠢᠴᠢᠵᠤ ᠲᠠᠭᠤᠰᠬᠠᠭᠰᠠᠨ ︽ᠼᠠᠩᠶᠠᠩᠵᠠᠮᠰᠤ ᠶᠢᠨ ᠨᠠᠮᠳᠠᠷ︾ ᠪᠤᠯᠤᠨ ︽ᠵᠢᠷᠭᠤᠳᠤᠭᠠᠷ | ᠲᠥᠷᠢ ᠶᠢᠨ ᠲᠠᠯᠠᠢ ᠯᠠᠮᠠ ᠶᠢᠨ ᠨᠢᠭᠤᠴᠠ ᠨᠠᠮᠳᠠᠷ︾ ︵ᠬᠢᠳᠠᠳ ᠬᠡᠪᠯᠡᠯ︶ ᠬᠡᠭᠦ ᠬᠤᠶᠠᠷ ᠲᠡᠪᠳᠡᠷ ᠨᠤᠮ ᠢᠶᠠᠷ | ᠪᠠᠷᠢᠮᠳᠠ ᠪᠤᠯᠭᠠᠵᠤ᠂ ᠠᠯᠠᠱᠠ ᠪᠤᠯ ᠵᠢᠷᠭᠤᠳᠤᠭᠠᠷ ᠲᠥᠷᠢ ᠶᠢᠨ ᠲᠠᠯᠠᠢ ᠯᠠᠮᠠ ᠼᠠᠩᠶᠠᠩᠵᠠᠮᠰᠤ ᠶᠢᠨ ᠰᠥᠮᠡ ᠬᠡᠶᠢᠳ | ᠪᠠᠶᠢᠭᠤᠯᠤᠨ ᠱᠠᠰᠢᠨ ᠲᠡᠯᠬᠡᠵᠤ ᠪᠠᠶᠢᠭᠰᠠᠨ ᠭᠠᠵᠠᠷ ᠪᠤᠯᠬᠤ ᠪᠠᠷ ᠪᠠᠷᠠᠬᠤ ᠥᠬᠡᠢ ᠲᠡᠭᠦᠨ ᠤ ᠱᠠᠷᠢᠯ ᠢ | ᠪᠥᠳᠤᠨ ᠢᠶᠠᠷ ᠨᠢ ᠰᠤᠪᠤᠷᠭᠠᠯᠠᠨ ᠰᠢᠳᠤᠵᠤ ᠪᠠᠶᠢᠭᠰᠠᠨ ᠭᠠᠵᠠᠷ ᠪᠤᠯᠤᠨᠡ ᠬᠡᠳᠡᠭ ᠢ ᠰᠤᠳᠤᠯᠤᠨ ᠨᠤᠳᠠᠯᠠᠵᠤ᠂ ᠡᠷᠳᠡᠮ | ᠰᠢᠨᠵᠢᠯᠡᠬᠡᠨ ᠤ ᠬᠦᠷᠢᠶᠡᠨ ᠳᠤ ᠳ᠋ᠥᠩᠨᠡᠯᠳᠡ ᠶᠢᠨ ᠴᠢᠨᠠᠷᠳᠠᠢ ᠰᠤᠳᠤᠯᠭᠠᠨ ᠤ ᠥᠷᠠ ᠪᠥᠳᠤᠮᠵᠢ ᠭᠠᠷᠭᠠᠬᠤ | ᠵᠤᠷᠢᠯᠭᠠ ᠪᠠᠷ ᠶᠠᠪᠤᠭᠳᠠᠭᠰᠠᠨ ᠪᠥᠬᠡᠳ ᠡᠷᠳᠡᠮᠳᠡᠨ ᠮᠡᠷᠬᠡᠳ ᠠᠴᠠ ᠡᠭᠦᠨ ᠢ ᠨᠤᠳᠠᠯᠠᠬᠤ ᠶᠢᠨ ᠲᠥᠯᠤᠬᠡ | ᠼᠠᠩᠶᠠᠩᠵᠠᠮᠰᠤ ᠶᠢᠨ ᠤᠯᠠᠮᠵᠢᠯᠠᠯ ᠶᠠᠷᠢᠶᠠ᠂ ᠲᠡᠤᠬᠡ ᠵᠤᠬᠢᠶᠠᠯ᠂ ᠥᠯᠢᠬᠡᠷ ᠲᠤᠮᠤᠭ᠂ ᠲᠡᠤᠬᠡᠨ ᠪᠤᠳᠠᠰ ᠵᠡᠷᠬᠡ ᠪᠠᠷ | ᠲᠤᠰ ᠲᠤᠰ ᠤᠨ ᠥᠵᠡᠯᠳᠡ ᠪᠠᠨ ᠨᠤᠳᠠᠯᠠᠭᠰᠠᠨ ᠪᠠᠶᠢᠨᠠ᠃ | ᠬᠤᠷᠠᠯ ᠲᠡᠬᠡᠷᠡ᠂ ᠥᠪᠤᠷ ᠮᠤᠩᠭᠤᠯ ᠤᠨ ᠥᠪᠡᠷᠳᠡᠬᠡᠨ ᠵᠠᠰᠠᠬᠤ ᠤᠷᠤᠨ ᠤ ᠰᠤᠶᠤᠯ ᠲᠡᠤᠬᠡ ᠰᠤᠳᠤᠯᠬᠤ | ᠤᠷᠳᠤᠨ ᠤ ᠰᠤᠳᠤᠯᠤᠭᠴᠢ G · ᠴᠤᠭᠳᠤ ᠶᠢᠨ ᠨᠤᠳᠠᠯᠠᠭᠰᠠᠨ ᠢᠶᠠᠷ᠂ ᠵᠢᠷᠭᠤᠳᠤᠭᠠᠷ ᠲᠥᠷᠢ ᠶᠢᠨ ᠲᠠᠯᠠᠢ ᠯᠠᠮᠠ | ᠼᠠᠩᠶᠠᠩᠵᠠᠮᠰᠤ ᠶᠢᠨ ᠨᠢᠬᠡ ᠨᠠᠰᠤᠨ ᠤ ᠥᠩᠬᠡᠷᠡᠯᠳᠡ ᠶᠢᠨ ᠲᠤᠬᠠᠢ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠬᠥᠷᠢᠶᠡᠨᠡ ᠠᠳᠠᠯᠢ ᠪᠤᠰᠤ | ᠥᠵᠡᠯᠳᠡ ᠲᠠᠢ ᠪᠠᠶᠢᠳᠠᠭ᠃ ᠬᠡᠪᠡᠴᠤ ︽ᠲᠡᠬᠡᠳᠤ ᠶᠢᠨ ᠬᠡᠬᠡᠨ ᠲᠠᠨᠠ ᠰᠢᠷᠠ ᠲᠡᠤᠬᠡ ᠴᠠᠳᠢᠬ ᠲᠡᠪᠳᠡᠷ︾᠂ | ᠠᠭᠸᠠᠩᠯᠾᠥ᠋ᠨᠳᠥ᠋ᠪᠳᠡᠷᠵᠢ ᠶᠢᠨ ᠪᠢᠴᠢᠭᠰᠡᠨ ︽ᠼᠠᠩᠶᠠᠩᠵᠠᠮᠰᠤ ᠶᠢᠨ ᠨᠠᠮᠳᠠᠷ︾ ᠪᠤᠯᠤᠨ ︽ᠵᠢᠷᠭᠤᠳᠤᠭᠠᠷ ᠲᠥᠷᠢ ᠶᠢᠨ | ᠲᠠᠯᠠᠢ ᠯᠠᠮᠠ ᠶᠢᠨ ᠨᠢᠭᠤᠴᠠ ᠨᠠᠮᠳᠠᠷ︾ ᠬᠡᠭᠦ ᠬᠤᠶᠠᠷ ᠨᠤᠮ ᠳᠤ ᠼᠠᠩᠶᠠᠩᠵᠠᠮᠰᠤ ᠶᠢᠨ ᠨᠠᠮᠳᠠᠷ ᠢ ᠪᠥᠷᠢᠨ ᠲᠡᠮᠳᠡᠭᠯᠡᠵᠤ | ᠪᠤᠢ᠃ ᠡᠳᠡᠬᠡᠷ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠳᠤ ᠼᠠᠩᠶᠠᠩᠵᠠᠮᠰᠤ ᠠᠯᠠᠱᠠ ᠳᠤ ᠭᠤᠴᠢᠨ ᠵᠢᠯ ᠱᠠᠰᠢᠨ ᠲᠡᠯᠬᠡᠵᠤ ᠪᠠᠶᠢᠭᠠᠳ | 1746 ᠤᠨ ᠳᠤ ᠤᠳᠤ ᠶᠢᠨ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠴᠤᠭᠲᠤᠬᠦ᠋ᠷᠢᠶᠡ ᠶᠢᠨ ᠮᠤᠨᠵᠢᠯᠠᠩ ᠬᠡᠶᠢᠳ ᠳᠤ | ᠲᠠᠭᠠᠯᠠᠯ ᠲᠡᠭᠦᠰᠥᠭᠰᠡᠨ ᠪᠥᠭᠦ᠋ᠢᠯᠡ ᠶᠠᠪᠤᠴᠠ ᠶᠢ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠨᠠ᠃ ᠡᠭᠦᠨᠴᠢᠯᠡᠨ 1757 ᠤᠨ ᠳᠤ | ᠱᠠᠰᠢᠨ ᠢ ᠪᠠᠳᠠᠷᠠᠭᠤᠯᠤᠭᠴᠢ ᠰᠥᠮᠡ ᠳᠤ ᠠᠩᠬᠠ ᠬᠡᠪᠯᠡᠭᠳᠡᠭᠰᠡᠨ ᠠᠭᠸᠠᠩᠯᠾᠥ᠋ᠨᠳᠥ᠋ᠪᠳᠡᠷᠵᠢ ᠶᠢᠨ ᠪᠢᠴᠢᠭᠰᠡᠨ ︽ | ᠲᠡᠭᠷᠢ ᠶᠢᠨ ᠶᠠᠳᠤᠭᠠ ᠶᠢᠨ ᠡᠬᠡᠰᠢᠭ︾ ᠬᠡᠮᠡᠭᠦ ᠼᠠᠩᠶᠠᠩᠵᠠᠮᠰᠤ ᠶᠢᠨ ᠨᠠᠮᠳᠠᠷ᠂ ᠯᠤᠪᠰᠠᠩᠳᠥ᠋ᠪᠳᠡᠨᠵᠠᠮᠼᠤ ᠶᠢᠨ | ᠪᠢᠴᠢᠭᠰᠡᠨ ︽ᠲᠡᠬᠡᠳᠤ ᠶᠢᠨ ᠬᠡᠬᠡᠨᠳᠡᠨ ᠤ ᠨᠠᠮᠳᠠᠷ ᠤᠨ ᠵᠠᠯᠪᠠᠷᠢᠯ ᠰᠢᠯᠥᠭᠯᠡᠯ ᠠᠳᠢᠰᠳᠢᠳ ᠪᠥᠭᠦᠨ ᠭᠠᠷᠬᠤᠢ ᠬᠡᠮᠡᠭᠳᠡᠭᠦ | ᠤᠷᠤᠰᠢᠪᠠᠢ︾ ᠨᠤᠮ᠂ ᠪᠠᠶᠠᠰᠬᠤᠯᠠᠩ ᠤᠨ ᠪᠢᠴᠢᠭᠰᠡᠨ ︽ᠵᠢᠷᠭᠤᠳᠤᠭᠠᠷ ᠲᠥᠷᠢ ᠶᠢᠨ ᠲᠠᠯᠠᠢ ᠯᠠᠮᠠ | ᠼᠠᠩᠶᠠᠩᠵᠠᠮᠰᠤ ᠶᠢᠨ ᠠᠯᠠᠱᠠ ᠳᠤᠷ ᠮᠤᠷᠢᠯᠠᠨ ᠢᠷᠡᠭᠰᠡᠨ ᠴᠠᠳᠢᠭ ᠤᠷᠤᠰᠢᠪᠠᠢ︾ ᠨᠤᠮ ᠵᠡᠷᠬᠡ ᠴᠢᠬᠤᠯᠠ ᠲᠡᠤᠬᠡᠨ | ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠪᠠᠶᠢᠭᠠ ᠤᠴᠢᠷ ᠠᠴᠠ ᠵᠢᠷᠭᠤᠳᠤᠭᠠᠷ ᠲᠥᠷᠢ ᠶᠢᠨ ᠲᠠᠯᠠᠢ ᠯᠠᠮᠠ ᠼᠠᠩᠶᠠᠩᠵᠠᠮᠰᠤ ᠲᠤᠤᠷᠠᠳᠤ | ᠬᠠᠭᠠᠰ ᠨᠠᠰᠤ ᠪᠠᠨ ᠠᠯᠠᠱᠠ ᠳᠤ ᠥᠩᠬᠡᠷᠡᠭᠦᠯᠥᠭᠰᠡᠨ ᠬᠡᠳᠡᠭ ᠢ ᠬᠡᠷᠡᠴᠢᠯᠡᠵᠤ ᠪᠤᠯᠤᠨᠡ ᠬᠡᠵᠡᠢ᠃ | ︽ᠼᠠᠩᠶᠠᠩᠵᠠᠮᠰᠤ ᠶᠢᠨ ᠨᠠᠮᠳᠠᠷ︾ ᠤᠨ ᠰᠤᠳᠤᠯᠭᠠᠨ ᠨᠢ ᠨᠡᠶᠢᠬᠡᠮ ᠤᠨ ᠲᠠᠶᠠᠭᠠᠷ ᠤᠨ ᠠᠩᠬᠠᠷᠤᠯ ᠳᠤ | ᠬᠥᠷᠴᠤ᠂ ᠤᠯᠤᠰ ᠤᠨ ᠲᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠰᠤᠳᠤᠯᠤᠭᠴᠢᠳ ᠤᠨ ᠰᠤᠳᠤᠯᠭᠠᠨ ᠤ ᠬᠠᠮᠳᠤ ᠶᠢᠨ ᠰᠡᠳᠤᠪ | ᠪᠤᠯᠵᠤ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ ᠬᠤᠷᠠᠯ ᠲᠡᠬᠡᠷᠡ᠂ ᠲᠥᠪᠡᠳ ᠤᠨ ᠼᠠᠩᠶᠠᠩᠵᠠᠮᠰᠤ ᠶᠢᠨ ᠰᠤᠶᠤᠯ ᠤᠨ | ᠰᠤᠳᠤᠯᠭᠠᠨ ᠤ ᠨᠡᠶᠢᠬᠡᠮᠯᠢᠭ ᠤᠨ ᠨᠠᠷᠢᠨ ᠪᠢᠴᠢᠭ ᠤᠨ ᠲᠠᠷᠤᠭᠠ ᠴᠡᠷᠡᠨᠶᠠᠩᠼᠤᠨ ᠤ ᠲᠠᠨᠢᠯᠴᠠᠭᠤᠯᠬᠤ ᠪᠠᠷ᠂ | ᠼᠠᠩᠶᠠᠩᠵᠠᠮᠰᠤ ᠪᠤᠯ ᠤᠯᠤᠰ ᠤᠨ ᠲᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠰᠤᠳᠤᠯᠤᠭᠴᠢᠳ ᠤᠨ ᠬᠠᠯᠠᠭᠤᠨ ᠵᠤᠭᠤᠭ ᠪᠤᠯᠵᠤ | ᠪᠠᠶᠢᠭᠠ ᠪᠤᠯᠪᠠᠴᠤ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠬᠥᠷᠢᠶᠡᠨᠡ ᠵᠤᠬᠢᠬᠤ ᠮᠠᠷᠭᠤᠭᠠᠨ ᠲᠠᠢ ᠪᠠᠶᠢᠳᠠᠭ ᠮᠥᠷᠳᠡᠬᠡᠨ ᠡᠨᠡ ᠲᠤᠬᠠᠢ | ᠨᠠᠷᠢᠨ ᠥᠢᠯᠠᠭᠠᠵᠤ᠂ ᠬᠥᠨᠵᠡᠬᠡᠢ ᠰᠤᠳᠤᠯᠥᠬᠰᠠᠨ ᠬᠥᠮᠤᠨ ᠬᠠᠷᠢᠴᠠᠩᠭᠤᠢ ᠴᠥᠬᠡᠨ ᠪᠠᠶᠢᠨᠠ᠃ ᠬᠥᠰᠡᠭᠦ ᠨᠢ ᠨᠡᠩ | ᠤᠯᠠᠨ ᠡᠷᠳᠡᠮᠳᠡᠨ ᠰᠤᠳᠤᠯᠤᠭᠴᠢᠳ ᠼᠠᠩᠶᠠᠩᠵᠠᠮᠰᠤ ᠶᠢᠨ ᠰᠤᠶᠤᠯ ᠤᠨ ᠰᠤᠳᠤᠯᠭᠠᠨ ᠳᠤ ᠤᠷᠤᠯᠴᠠᠵᠤ᠂ ᠬᠠᠮᠳᠤ ᠶᠢᠨ | ᠴᠢᠷᠮᠠᠶᠢᠯᠭᠠ ᠪᠠᠷ ᠼᠠᠩᠶᠠᠩᠵᠠᠮᠰᠤ ᠶᠢᠨ ᠰᠤᠶᠤᠯ ᠢ ᠮᠤᠩᠭᠤᠯ᠂ ᠲᠥᠪᠡᠳ ᠰᠤᠶᠤᠯ ᠤᠨ ᠨᠡᠷᠡᠳᠤ ᠲᠡᠮᠳᠡᠭ ᠪᠤᠯᠭᠠᠵᠤ᠂ | ᠨᠠᠶᠢᠬᠡᠮ ᠲᠠᠶᠠᠭᠠᠷ ᠲᠤ ᠮᠤᠩᠭᠤᠯ᠂ ᠲᠥᠪᠡᠳ ᠰᠤᠶᠤᠯ ᠢ ᠥᠢᠯᠠᠭᠠᠭᠤᠯᠤᠨᠡ᠃ ᠮᠠᠨ ᠤ ᠨᠠᠶᠢᠬᠡᠮᠯᠢᠭ ᠲᠠᠷᠠᠭᠠ | ᠠᠯᠬᠤᠮ ᠳᠤ᠂ ᠼᠠᠩᠶᠠᠩᠵᠠᠮᠰᠤ ᠶᠢᠨ ᠨᠢᠬᠡ ᠨᠠᠰᠤᠨ ᠤ ᠨᠠᠮᠳᠠᠷ᠂ ᠤᠷᠤᠨ ᠰᠠᠭᠤᠴᠠ᠂ ᠰᠢᠯᠥᠭ ᠵᠤᠬᠢᠶᠠᠯ ᠤᠨ ᠲᠤᠬᠠᠢ | ᠨᠤᠮ ᠲᠡᠪᠳᠡᠷ ᠬᠡᠪᠯᠡᠭᠦᠯᠵᠤ᠂ ᠲᠡᠤᠬᠡ ᠶᠢ ᠬᠥᠨᠳᠤᠳᠬᠡᠵᠤ ᠥᠨᠡᠨ ᠢ ᠡᠷᠬᠢᠮᠯᠡᠨ ᠼᠠᠩᠶᠠᠩᠵᠠᠮᠰᠤ ᠶᠢᠨ ᠰᠤᠶᠤᠯ ᠢ | ᠠᠭᠤᠳᠠᠯᠯᠠᠨ ᠰᠤᠳᠤᠯᠵᠤ᠂ ᠲᠤᠮᠳᠠᠳᠤ ᠶᠢᠨ ᠥᠨᠳᠤᠰᠤᠳᠡᠨ ᠤ ᠰᠤᠶᠤᠯ ᠢ ᠬᠥᠭᠵᠢᠬᠡᠨ ᠪᠠᠳᠠᠷᠠᠭᠤᠯᠬᠤ ᠳᠤ ᠬᠤᠪᠢ | ᠨᠡᠮᠡᠷᠢᠯᠡᠭᠦ ᠪᠠᠷ ᠴᠢᠷᠮᠠᠶᠢᠨ ᠠᠵᠢᠯᠯᠠᠨᠠ ᠬᠡᠵᠤ ᠬᠤᠶᠢᠰᠢᠳᠠ ᠶᠢᠨ ᠠᠵᠢᠯ ᠤᠨ ᠴᠢᠭᠯᠡᠯ ᠢ ᠨᠠᠷᠢᠨ ᠲᠠᠨᠢᠯᠴᠠᠭᠤᠯᠪᠠ᠃ | | ︽ᠼᠠᠩᠶᠠᠩᠵᠠᠮᠰᠤ ᠶᠢᠨ ᠨᠠᠮᠳᠠᠷ︾ ᠤᠨ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠰᠠᠭᠤᠳᠠᠯ ᠤᠨ ᠬᠤᠷᠠᠯ ᠲᠡᠬᠡᠷᠡ᠂ ᠥᠷᠬᠡᠨ | ᠤᠯᠠᠨ ᠰᠤᠳᠤᠯᠤᠭᠴᠢᠳ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠬᠥᠷᠢᠶᠡᠨᠡ ᠡᠷᠡᠬᠡᠯᠵᠡᠭᠡ ᠲᠠᠢ ᠵᠥᠢᠯᠡᠰ ᠤᠨ ᠲᠤᠭᠤᠷᠢᠨ ᠳᠤ | ᠴᠢᠯᠤᠬᠡᠳᠠᠢ ᠶᠠᠷᠢᠯᠴᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡᠭᠦ ᠠᠵᠢᠯᠯᠠᠭᠠ ᠪᠠᠷ ᠲᠠᠮᠵᠢᠵᠤ ᠼᠠᠩᠶᠠᠩᠵᠠᠮᠰᠤ ᠶᠢᠨ ᠰᠤᠶᠤᠯ ᠢ ᠤᠯᠠᠮ | ᠨᠢᠬᠡ ᠠᠯᠬᠤᠮ ᠠᠭᠤᠳᠠᠯᠯᠠᠨ ᠰᠤᠳᠤᠯᠵᠤ᠂ ᠰᠤᠳᠤᠯᠭᠠᠨ ᠤ ᠬᠥᠷᠢᠶᠡ ᠬᠡᠪᠴᠢᠶᠡ ᠪᠠᠨ ᠥᠷᠬᠡᠳᠬᠡᠨ ᠼᠠᠩᠶᠠᠩᠵᠠᠮᠰᠤ | ᠬᠡᠳᠡᠭ ᠰᠤᠶᠤᠯ ᠤᠨ ᠨᠡᠷᠡᠳᠤ ᠬᠥᠮᠤᠨ ᠢᠶᠠᠷ ᠭᠤᠤᠯ ᠰᠡᠳᠤᠪ ᠪᠤᠯᠭᠠᠭᠰᠠᠨ ᠵᠢᠭᠤᠯᠴᠢᠯᠠᠯ ᠤᠨ ᠨᠡᠷᠡᠳᠤ ᠲᠡᠮᠳᠡᠭ ᠢ | ᠡᠭᠦᠳᠴᠤ᠂ ᠠᠯᠠᠱᠠ ᠶᠢᠨ ᠪᠥᠭᠦ ᠬᠢᠵᠠᠭᠠᠷ ᠤᠨ ᠵᠢᠭᠤᠯᠴᠢᠯᠠᠯ ᠤᠨ ᠬᠥᠭᠵᠢᠯᠳᠡ ᠶᠢ ᠲᠥᠯᠬᠢᠨ ᠠᠬᠢᠭᠤᠯᠬᠤ ᠪᠠ | ᠲᠡᠯᠡᠬᠡᠢ ᠶᠢᠨ ᠵᠤᠭᠠᠴᠠᠯ ᠤᠨ ᠬᠠᠷᠠᠯᠳᠠᠳᠤ ᠤᠷᠤᠨ ᠪᠤᠯᠭᠠᠨ ᠬᠥᠭᠵᠢᠭᠦᠯᠭᠦ ᠳᠤ ᠢᠳᠡᠪᠬᠢ ᠥᠢᠯᠡᠳᠤᠯ ᠥᠵᠡᠭᠦᠯᠥᠭᠰᠡᠨ | ᠨᠢᠬᠡ ᠤᠳᠠᠭᠠᠨ ᠤ ᠰᠤᠶᠤᠯ ᠤᠨ ᠲᠤᠮᠤᠬᠠᠨ ᠠᠵᠢᠯᠯᠠᠭᠠ ᠪᠤᠯᠵᠤ ᠥᠩᠬᠡᠷᠡᠯᠡ ᠬᠡᠳᠡᠭ ᠲᠤ ᠢᠳᠡᠬᠡᠯ ᠲᠥᠭᠦᠷᠡᠩ | ᠪᠠᠶᠢᠨᠠ᠃ | ᠠᠩᠬᠠᠳᠠᠭᠴᠢ ᠬᠤᠭᠤᠴᠠᠭᠠᠨ ᠤ ︽ᠼᠠᠩᠶᠠᠩᠵᠠᠮᠰᠤ ᠶᠢᠨ ᠨᠠᠮᠳᠠᠷ︾ ᠤᠨ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ | ᠰᠠᠭᠤᠳᠠᠯ ᠤᠨ ᠬᠤᠷᠠᠯ ᠨᠢ ᠡᠶᠢᠨᠬᠦ ᠠᠯᠠᠱᠠ ᠨᠤᠳᠤᠭ ᠤᠨ ᠰᠤᠶᠤᠯ ᠤᠨ ᠥᠢᠯᠡᠰ ᠤᠨ ᠬᠡᠶᠢᠮᠤᠷᠢ ᠶᠢ ᠮᠠᠨᠳᠤᠭᠤᠯᠵᠤ᠂ | ᠠᠮᠵᠢᠯᠳᠠ ᠲᠠᠢ ᠰᠠᠶᠢᠬᠠᠨ ᠥᠨᠳᠤᠷᠯᠡᠭᠰᠡᠨ ᠪᠢᠯᠡ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠪᠠᠰᠠ ᠨᠢᠬᠡᠨ ᠪᠠᠶᠠᠷᠯᠠᠭᠤᠰᠢᠳᠠᠢ | ᠴᠢᠮᠡᠭᠡ ᠶᠢ ᠤᠩᠰᠢᠭᠴᠢᠳ ᠲᠤ ᠪᠠᠨ ᠶᠠᠷᠢᠮᠠᠷ ᠪᠠᠶᠢᠨᠠ᠃ ᠲᠠᠷᠤᠢ ᠠᠯᠠᠱᠠ ᠨᠤᠳᠤᠭ ᠤᠨ ᠬᠥᠨ ᠵᠤᠵᠠᠭᠠᠨ ᠲᠡᠤᠬᠡ | ᠰᠤᠶᠤᠯ ᠢ ᠲᠡᠯᠡᠬᠡᠢ ᠳ᠋ᠠᠬᠢᠨ ᠳᠤ ᠠᠯᠳᠠᠷᠰᠢᠭᠤᠯᠬᠤ ᠪᠠᠷ᠂ ᠨᠡᠩ ᠴᠦ ᠠᠯᠳᠠᠷᠳᠤ ᠡᠷᠳᠡᠮᠳᠡᠨ ᠼᠠᠩᠶᠠᠩᠵᠠᠮᠰᠤ ᠶᠢᠨ | ᠥᠯᠢᠬᠡᠷ ᠲᠡᠤᠬᠡ᠂ ᠥᠢᠯᠠ ᠶᠠᠪᠤᠳᠠᠯ ᠢ ᠤᠯᠠᠨ ᠲᠠᠶᠠᠭᠠᠷ ᠲᠤ ᠥᠢᠯᠠᠭᠠᠭᠤᠯᠬᠤ ᠶᠢᠨ ᠲᠥᠯᠤᠬᠡ ᠥᠪᠤᠷ ᠮᠤᠩᠭᠤᠯ ᠤᠨ | ᠥᠪᠡᠷᠳᠡᠬᠡᠨ ᠵᠠᠰᠠᠬᠤ ᠤᠷᠤᠨ ᠤ ᠰᠤᠶᠤᠯ ᠲᠡᠤᠬᠡ ᠰᠤᠳᠤᠯᠬᠤ ᠤᠷᠳᠤᠨ ᠤ ᠰᠤᠳᠤᠯᠤᠭᠴᠢ G · ᠴᠤᠭᠳᠤ᠂ ᠠᠯᠠᠱᠠ | ᠵᠡᠭᠦᠨ ᠬᠤᠰᠢᠭᠤᠨ ᠤ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠᠨ ᠤ ᠲᠡᠳ᠋ ᠲᠡᠷᠢᠭᠦᠯᠡᠭᠴᠢ ᠸᠧᠢ ᠷᠠᠨ ᠨᠠᠷ ᠤᠨ | ᠨᠠᠶᠢᠷᠠᠭᠤᠯᠵᠤ ᠪᠢᠴᠢᠭᠰᠡᠨ ︽ᠼᠠᠩᠶᠠᠩᠵᠠᠮᠰᠤ ᠶᠢᠨ ᠰᠤᠩᠭᠤᠯᠳᠠ — ᠠᠯᠠᠱᠠ︾᠂ ︽ᠼᠠᠩᠶᠠᠩᠵᠠᠮᠰᠤ ᠪᠠ | ᠠᠬᠸᠠᠩᠳᠠᠨᠳᠠᠷ︾ ᠵᠡᠷᠬᠡ ᠭᠤᠷᠪᠠᠨ ᠰᠠᠶᠢᠬᠠᠨ ᠨᠤᠮ ᠤᠳᠠᠯ ᠥᠬᠡᠢ ᠤᠩᠰᠢᠭᠴᠢ ᠲᠠᠨ ᠤ ᠬᠡᠬᠡᠨ ᠮᠡᠯᠮᠡᠢ ᠶᠢ | ᠮᠢᠯᠢᠶᠠᠬᠤ ᠪᠠᠷ ᠪᠠᠶᠢᠨᠠ᠃ |