| ᠰᠢᠨᠬᠤᠸᠠ ᠮᠣᠩᠭᠤᠯ ᠨᠧᠲ ᠬᠦᠬᠡᠬᠤᠳᠠ ᠶᠢᠨ 7 ᠰᠠᠷᠠ ᠶᠢᠨ 1 ᠤ ᠡᠳᠤᠷ ᠤᠨ ᠴᠠᠬᠢᠯᠭᠠᠨ ᠮᠡᠳᠡᠭᠡ 6 | ᠰᠠᠷᠠ ᠶᠢᠨ 28 ᠤ ᠡᠳᠦᠷ ᠤᠨ ᠦᠳᠡ ᠠᠴᠠ ᠡᠮᠦᠨᠡ᠂ ᠵᠤᠬᠢᠶᠠᠯᠴᠢ᠂ ᠳᠡᠦᠬᠡᠴᠢᠨ ᠳᠤᠷᠵᠢᠰᠠᠩᠪᠤ ᠶᠢᠨ ︽ᠪᠠᠭᠠᠷᠢᠨ | ᠳᠡᠦᠬᠡ ᠶᠢᠨ ᠡᠷᠢᠬᠡᠨ ᠮᠦᠬᠦᠯᠢᠭ︾ ᠨᠤᠮ ᠢ ᠳᠠᠷᠬᠠᠭᠠᠬᠤ ᠠᠵᠢᠯᠯᠠᠭᠠ ᠵᠢᠴᠢ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠦᠪᠦᠷ | ᠮᠣᠩᠭᠤᠯ ᠤᠨ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠤ ᠶᠠᠪᠤᠭᠳᠠᠪᠠ᠃ | ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠳᠤ᠂ ᠨᠡᠶᠢᠬᠡᠮ ᠤᠨ ᠡᠯᠡ ᠡᠳᠡᠭᠡᠳ ᠤᠨ ᠡᠷᠳᠡᠮᠳᠡᠨ ᠮᠡᠷᠬᠡᠵᠢᠯᠳᠡᠳ | ᠤᠷᠤᠯᠴᠠᠬᠤ ᠶᠢᠨ ᠬᠠᠮᠳᠤ ᠳᠤᠷᠵᠢᠰᠠᠩᠪᠤ ᠭᠤᠸᠠᠢ ᠶᠢᠨ ᠲᠠᠯᠠ ᠶᠢᠨ ᠳᠠᠪᠠᠭᠠᠨ ᠳᠤ ᠪᠠᠨ ᠳᠤᠭᠤᠷᠪᠢᠨ ᠪᠦᠳᠦᠭᠡᠭᠰᠡᠨ ︽ | ᠪᠠᠭᠠᠷᠢᠨ ᠳᠡᠦᠬᠡ ᠶᠢᠨ ᠡᠷᠢᠬᠡᠨ ᠮᠦᠬᠦᠯᠢᠭ︾ ᠤᠨ ᠳᠤᠭᠤᠷᠢᠨ ᠳᠤ ᠪᠤᠳᠤᠯ ᠰᠠᠨᠠᠯ ᠢᠶᠠᠨ ᠳᠡᠯᠭᠡᠵᠦ᠂ ᠳᠤᠰ ᠨᠤᠮ ᠤᠨ | ᠤᠷᠤᠨ ᠨᠤᠳᠤᠭ ᠤᠨ ᠳᠡᠦᠬᠡ ᠰᠤᠳᠤᠯᠭᠠᠨ ᠳᠤ ᠦᠵᠡᠭᠦᠯᠬᠦ ᠨᠦᠯᠦᠭᠡ ᠳᠤᠰᠬᠠᠯ᠂ ᠵᠤᠬᠢᠶᠠᠮᠵᠢ᠂ ᠬᠡᠯᠡ ᠬᠡᠯᠡᠯᠭᠡ ᠶᠢᠨ | ᠲᠠᠯᠠ ᠪᠠᠷ ᠦᠨᠡᠯᠡᠯᠳᠡ ᠬᠢᠭᠰᠡᠨ ᠪᠠᠶᠢᠨᠠ᠃ | ︽ᠪᠠᠭᠠᠷᠢᠨ ᠳᠡᠦᠬᠡ ᠶᠢᠨ ᠡᠷᠢᠬᠡᠨ ᠮᠦᠬᠦᠯᠢᠭ︾ ᠬᠡᠮᠡᠬᠦ ᠨᠤᠮ ᠨᠢ ᠦᠪᠦᠷ ᠮᠣᠩᠭᠤᠯ ᠤᠨ ᠰᠤᠶᠤᠯ ᠤᠨ | ᠬᠡᠪᠯᠡᠯ ᠤᠨ ᠬᠤᠷᠢᠶᠠᠨ ᠠᠴᠠ ᠬᠡᠪᠯᠡᠭᠳᠡᠵᠦ᠂ ᠲᠦᠴᠢᠨ ᠲᠦᠮᠡ ᠰᠢᠬᠠᠮ ᠦᠰᠦᠭ ᠲᠠᠢ ᠪᠠᠶᠢᠵᠦ᠂ ︽ᠴᠢᠩ | ᠤᠯᠤᠰ ᠤᠨ ᠦᠶᠡ ᠶᠢᠨ ᠪᠠᠭᠠᠷᠢᠨ ᠤ ᠲᠡᠦᠬᠡᠨ ᠬᠦᠮᠦᠰ︾᠂ ︽ᠪᠠᠭᠠᠷᠢᠨ ᠳᠤ ᠮᠤᠷᠳᠠᠵᠦ ᠢᠷᠡᠭᠰᠡᠨ ᠴᠢᠩ | ᠤᠯᠤᠰ ᠤᠨ ᠭᠦᠩᠵᠦ ᠭᠡᠭᠡ ᠨᠠᠷ︾᠂ ︽ᠦᠩᠭᠡᠷᠡᠭᠰᠡᠨ ᠳᠡᠦᠬᠡ ᠶᠢᠨ ᠤᠴᠢᠭ ᠰᠦᠪᠡᠭᠴᠢ︾᠂ ︽ᠬᠠᠭᠤᠴᠢᠨ | ᠴᠠᠭ ᠤᠨ ᠲᠤᠮᠦ ᠪᠠᠶᠠᠴᠤᠳ︾᠂ ︽ᠴᠢᠬᠤᠯᠠ ᠬᠡᠷᠡᠭ ᠤᠨ ᠳᠡᠮᠳᠡᠭᠯᠡᠯ︾᠂ ︽ᠨᠤᠳᠤᠭ ᠤᠨ ᠴᠤᠤᠳᠦ ᠬᠦᠮᠦᠰ︾᠂ | ︽ᠦᠪ ᠰᠤᠶᠤᠯ︾᠂ ︽ᠡᠷᠳᠡᠨ ᠤ ᠪᠠᠭᠤᠷᠢ︾᠂ ︽ᠮᠦᠷᠳᠡᠯᠭᠡ ᠰᠦᠪᠡᠭᠴᠢᠯᠡᠯ︾ ᠭᠡᠬᠦ ᠬᠡᠳᠦᠨ ᠪᠦᠯᠦᠭ ᠢᠶᠠᠷ | ᠵᠤᠬᠢᠶᠠᠮᠵᠢᠯᠠᠭᠳᠠᠵᠦ᠂ ᠪᠠᠭᠠᠷᠢᠨ ᠤ ᠳᠡᠦᠬᠡ ᠰᠤᠶᠤᠯ᠂ ᠳᠡᠦᠬᠡᠨ ᠬᠦᠮᠦᠰ᠂ ᠲᠤᠮᠤ ᠴᠢᠬᠤᠯᠠ ᠬᠡᠷᠡᠭ ᠶᠠᠪᠤᠳᠠᠯ ᠤᠨ | ᠲᠠᠯᠠ ᠪᠠᠷ ᠯᠠᠪᠯᠠᠯᠳᠠ ᠶᠢᠨ ᠦᠷᠳᠡᠭ ᠲᠠᠢ᠃ | ᠳᠤᠷᠵᠢᠰᠠᠩᠪᠤ᠂ 1946 ᠤᠨ ᠤ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ 9 ᠰᠠᠷᠠ ᠶᠢᠨ 21 ᠳᠤ ᠪᠠᠭᠠᠷᠢᠨ ᠪᠠᠷᠠᠭᠤᠨ | ᠬᠤᠰᠢᠭᠤᠨ ᠤ ᠴᠠᠭᠠᠨᠮᠦ᠋ᠷᠡᠨ ᠰᠤᠮᠤᠨ ᠤ ᠲᠠᠪᠤᠨᠬᠤᠸᠠ ᠳᠤ ᠲᠦᠷᠦᠵᠠᠢ᠃ ᠲᠡᠷᠡᠪᠡᠷ᠂ ︽ᠪᠠᠭᠠᠷᠢᠨ ᠳᠡᠦᠬᠡ ᠶᠢᠨ | ᠡᠷᠢᠬᠡᠨ ᠮᠦᠭᠦᠯᠢᠭ︾ ᠠᠴᠠ ᠭᠠᠳᠠᠨᠠ ︽ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠠᠮᠢᠳᠠᠨ ᠤ ᠦᠯᠢᠭᠡᠷ︾ ︵ᠨᠠᠶᠢᠷᠠᠭᠤᠯᠤᠨ | ᠵᠤᠬᠢᠶᠠᠪᠠ︶᠂ ︽ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠭᠠᠵᠠᠷ ᠰᠢᠷᠤᠢ ᠶᠢᠨ ᠦᠭᠡᠷᠡᠴᠢᠯᠡᠯᠳᠡ ᠶᠢᠨ ᠬᠦᠳᠡᠯᠭᠡᠭᠡᠨ︾ ︵ | ᠬᠢᠳᠠᠳ ᠬᠡᠪᠯᠡᠯ᠂ ᠭᠤᠤᠯᠯᠠᠨ ᠨᠠᠶᠢᠷᠠᠭᠤᠯᠪᠠ︶᠂ ︽ᠪᠠᠷᠠᠭᠤᠨ ᠪᠠᠭᠠᠷᠢᠨ ᠤ ᠰᠦᠮᠡ ᠬᠡᠶᠢᠳ︾ ︵ᠨᠠᠶᠢᠷᠠᠭᠤᠯᠤᠨ | ᠵᠤᠬᠢᠶᠠᠪᠠ︶᠂ ︽ᠪᠠᠷᠠᠭᠤᠨ ᠪᠠᠭᠠᠷᠢᠨ ᠤ ᠰᠤᠶᠤᠯ ᠳᠡᠦᠬᠡ ᠶᠢᠨ ᠱᠦᠭᠦᠮᠡᠭ︾᠂ ︽ᠪᠠᠭᠠᠷᠢᠨ ᠤ ᠪᠤᠭᠤᠷᠤᠯ | ᠳᠡᠦᠬᠡ ᠶᠢᠨ ᠱᠦᠭᠦᠮᠡᠭ︾ ︵ᠨᠠᠶᠢᠷᠠᠭᠤᠯᠤᠨ ᠵᠤᠬᠢᠶᠠᠪᠠ︶ ᠵᠡᠷᠭᠡ ᠨᠤᠮ ᠬᠡᠪᠯᠡᠭᠦᠯᠵᠤ ᠨᠤᠳᠤᠭ ᠪᠠᠭᠠᠷᠢᠨ ᠤ ᠪᠠᠨ | ᠰᠢᠮᠡᠯᠢᠭ ᠬᠦᠷᠦᠰᠦᠨ ᠳᠤ ᠰᠤᠶᠤᠯ ᠤᠨ ᠬᠤᠷᠠ ᠶᠢ ᠱᠠᠭᠢᠭᠤᠯᠵᠦ ᠶᠠᠪᠤᠭᠰᠠᠭᠠᠷ ᠁ ︵ᠬᠦᠰᠡᠯᠡᠩ︶ |