| ᠢᠷᠭᠡᠨ ᠤ ᠬᠠᠤᠯᠢ ᠶᠢᠨ ᠪᠢᠴᠢᠭ ᠭᠠᠷᠤᠭᠰᠠᠨ ᠤ ᠰᠡᠭᠦᠯᠡᠷ᠂ ᠮᠠᠰᠢ ᠤᠯᠠᠨ ᠬᠠᠯᠠᠮᠰᠢᠯ ᠠᠰᠠᠭᠤᠳᠠᠯ ᠤᠯᠠᠨ | ᠤ ᠠᠩᠬᠠᠷᠤᠯ ᠳᠤ ᠣᠷᠣᠪᠠ᠃ ᠦᠨᠦᠳᠤᠷ ᠤᠨ ᠪᠤᠯᠤᠩ ᠳᠤ ᠠᠷᠠᠳ ᠢᠷᠭᠡᠳ ᠤᠨ ᠠᠩᠬᠠᠷᠴᠤ ᠪᠠᠶᠢᠭᠠ ᠥᠮᠴᠢ | ᠵᠠᠯᠭᠠᠮᠵᠢᠯᠠᠬᠤ ᠬᠠᠯᠠᠮᠰᠢᠯ ᠠᠰᠠᠭᠤᠳᠠᠯ ᠢ ᠵᠢᠱᠢᠶᠠ ᠲᠠᠲᠠᠨ ᠲᠠᠶᠢᠯᠪᠤᠷᠢᠯᠠᠰᠤᠭᠠᠢ᠃ | ᠨᠡᠶᠢᠲᠡᠯᠢᠭ ᠵᠢᠱᠢᠶᠡ᠄ ᠯᠢ ᠮᠢᠩ ᠤᠨ ᠡᠪᠦᠭᠡ ᠡᠮᠡᠭᠡ ᠨᠢ ᠯᠢ ᠳ᠋ᠠ᠂ ᠯᠢ ᠡᠯ ᠬᠡᠮᠡᠬᠦ ᠬᠤᠶᠠᠷ ᠬᠦᠪᠡᠭᠦᠨ | ᠲᠠᠢ᠃ ᠯᠢ ᠮᠢᠩ ᠪᠤᠯ ᠯᠢ ᠡᠯ ᠤᠨ ᠬᠦᠪᠡᠭᠦᠨ ᠪᠤᠯᠤᠨᠠ᠃ ᠯᠢ ᠡᠯ ᠨᠢ ᠯᠢ ᠮᠢᠩ ᠤᠨ ᠡᠪᠦᠭᠡ ᠡᠮᠡᠭᠡ ᠠᠴᠠ | ᠤᠷᠢᠳᠡᠵᠦ 2010 ᠤᠨ ᠳᠤ ᠨᠠᠰᠤ ᠪᠠᠷᠠᠵᠦ᠂ ᠡᠪᠦᠭᠡ ᠡᠮᠡᠭᠡ ᠨᠢ 2014 ᠤᠨ ᠳᠤ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ | ᠨᠠᠰᠤ ᠪᠠᠷᠠᠵᠠᠢ᠃ ᠬᠡᠷᠪᠡ ᠯᠢ ᠳ᠋ᠠ ᠨᠢ 2021 ᠣᠨ ᠤ 3 ᠰᠠᠷᠠ ᠳᠤ ᠨᠠᠰᠤ ᠪᠠᠷᠠᠭᠰᠠᠨ ᠪᠦᠭᠡᠳ ᠯᠢ ᠳ᠋ᠠ ᠳᠤ | ᠡᠬᠡᠨᠡ᠊᠂ᠷ ᠬᠡᠤᠬᠡᠳ ᠦᠭᠡᠢ᠃ ᠲᠡᠭᠡᠪᠡᠯ ᠯᠢ ᠮᠢᠩ ᠰᠢᠭᠤᠳ ᠴᠢᠰᠤᠨ ᠲᠦᠷᠦᠯ ᠤᠨ ᠬᠤᠪᠢ ᠪᠠᠷ ᠥᠮᠴᠢ ᠶᠢ | ᠵᠠᠯᠭᠠᠮᠵᠢᠯᠠᠵᠦ ᠪᠤᠯᠬᠤ ᠪᠢᠵᠠ︖ ᠬᠡᠷᠭᠢᠨ ᠵᠠᠯᠭᠠᠮᠵᠢᠯᠠᠬᠤ ᠪᠤᠢ︖ | ᠬᠠᠤᠯᠢ ᠲᠠᠶᠢᠯᠪᠤᠷᠢᠯᠠᠭᠴᠢ ᠳ᠋ᠢᠩ ᠼᠠᠢ ᠰᠢᠶᠠ ᠄ ᠮᠠᠨ ᠤ ᠤᠯᠤᠰ ᠤᠨ ᠤᠳᠤ ᠶᠢᠨ ᠬᠡᠷᠡᠭᠵᠢᠭᠦᠯᠵᠦ | ᠪᠠᠶᠢᠭᠠ ︽ᠥᠮᠴᠢ ᠵᠠᠯᠭᠠᠮᠵᠢᠯᠠᠬᠤ ᠬᠠᠤᠯᠢ︾ ᠳᠤ ᠵᠦᠪᠬᠡᠨ ᠴᠢᠰᠤᠨ ᠲᠦᠷᠦᠯ ᠤᠨ ᠰᠢᠭᠤᠳ ᠤᠶᠢᠷᠠ ᠰᠠᠳᠤᠨ | ᠦᠶᠡ ᠳᠠᠮᠵᠢᠨ ᠦᠪᠯᠡᠵᠦ ᠪᠤᠯᠤᠨᠠ ᠭᠡᠵᠦ ᠲᠤᠭᠲᠠᠭᠠᠵᠠᠢ᠂ ᠲᠡᠷᠡ ᠨᠢ ︽ᠥᠮᠴᠢ ᠵᠠᠯᠭᠠᠮᠵᠢᠯᠠᠬᠤ ᠬᠠᠤᠯᠢ︾ ᠶᠢᠨ | ᠠᠷᠪᠠᠨ ᠨᠢᠭᠡᠳᠤᠭᠡᠷ ᠵᠤᠷᠪᠤᠰ ᠲᠤ ︽ᠥᠮᠴᠢᠯᠡᠭᠦᠯᠦᠭᠴᠢ ᠶᠢᠨ ᠦᠷᠡ ᠬᠡᠤᠬᠡᠳ ᠨᠢ ᠥᠮᠴᠢᠯᠡᠭᠦᠯᠦᠭᠴᠢ ᠠᠴᠠ ᠪᠠᠨ | ᠤᠷᠢᠳᠠᠵᠦ ᠦᠬᠦᠭᠰᠡᠨ ᠪᠤᠯ ᠥᠮᠴᠢᠯᠡᠭᠦᠯᠦᠭᠴᠢ ᠶᠢᠨ ᠦᠷᠡ ᠬᠡᠤᠬᠡᠳ ᠤᠨ ᠬᠢᠨᠢ ᠬᠤᠶᠢᠴᠢ ᠦᠶᠡ ᠶᠢᠨ ᠴᠢᠰᠤᠨ | ᠲᠦᠷᠦᠯ ᠤᠨ ᠬᠢᠨ ᠦᠶᠡ ᠳᠠᠮᠵᠢᠨ ᠦᠪᠯᠡᠵᠦ ᠪᠤᠯᠤᠨᠠ᠃ ᠦᠶᠡ ᠳᠠᠮᠵᠢᠨ ᠥᠮᠴᠢᠯᠡᠭᠴᠢ ᠨᠢ ᠡ᠊ᠩ ᠤᠨ ᠪᠠᠶᠢᠳᠠᠯ | ᠲᠤᠤᠷᠠ ᠲᠡᠭᠦᠨ ᠤ ᠡᠴᠢᠭᠡ ᠪᠤᠶᠤ ᠡᠬᠡ ᠶᠢᠨ ᠢᠶᠠᠨ ᠥᠮᠴᠢᠯᠡᠬᠦ ᠡᠷᠬᠡ ᠲᠠᠢ ᠨᠢᠭᠡ ᠬᠤᠪᠢ ᠶᠢ ᠯᠡ ᠦᠪᠯᠡᠵᠦ | ᠪᠤᠯᠤᠨᠠ︾ ᠭᠡᠰᠡᠨ ᠪᠠᠶᠢᠪᠠ᠃ ︽ᠢᠷᠭᠡᠨ ᠤ ᠬᠠᠤᠯᠢ ᠶᠢᠨ ᠪᠢᠴᠢᠭ︾ ᠭᠠᠷᠤᠭᠰᠠᠨ ᠤ ᠳᠠᠷᠠᠭᠠ᠂ ᠲᠡᠭᠦᠨ ᠤ | ᠥᠮᠴᠢᠯᠡᠬᠦ ᠬᠡᠪᠴᠢᠶᠡ ᠶᠢ ᠦᠷᠭᠡᠳᠭᠡᠵᠡᠢ᠃ ᠡᠭᠦᠨ ᠳᠤ᠂ ᠮᠢᠩᠭᠠ ᠨᠢᠭᠡ ᠵᠠᠭᠤ ᠬᠤᠷᠢᠨ ᠨᠠᠢᠮᠠᠳᠤᠭᠠᠷ ᠵᠦᠢᠯ ᠳᠤ | ᠰᠢᠭᠤᠳ ᠴᠢᠰᠤᠨ ᠲᠦᠷᠦᠯ ᠤᠨ ᠦᠶᠡ ᠳᠠᠮᠵᠢᠨ ᠥᠮᠴᠢᠯᠡᠬᠦ ᠲᠤᠭᠲᠠᠭᠠᠯ ᠢ ᠦᠯᠡᠳᠡᠭᠡᠭᠰᠡᠨ ᠰᠠᠭᠤᠷᠢᠨ ᠳᠡᠭᠡᠷᠡ | ᠳᠠᠮ ᠴᠢᠰᠤᠨ ᠲᠦᠷᠦᠯ ᠨᠢ ᠦᠶᠡ ᠳᠠᠮᠵᠢᠨ ᠥᠮᠴᠢᠯᠡᠬᠦ ᠲᠤᠭᠲᠠᠭᠠᠯ ᠨᠡᠮᠡᠭᠳᠡᠭᠰᠡᠨ ᠪᠠᠶᠢᠨᠠ᠂ ᠡᠨᠡ ᠨᠢ ᠬᠤᠶᠠᠳᠤᠭᠠᠷ | ᠵᠣᠷᠪᠣᠰ ᠤᠨ ︽ᠥᠮᠴᠢᠯᠡᠭᠦᠯᠦᠭᠴᠢ ᠶᠢᠨ ᠠᠬᠠ ᠳᠡᠭᠦᠦ ᠡᠭᠡᠴᠢ ᠦᠬᠢᠨ ᠲᠡᠭᠦᠦ ᠨᠢ ᠥᠮᠴᠢᠯᠡᠭᠦᠯᠦᠭᠴᠢ ᠠᠴᠠ ᠪᠠᠨ | ᠤᠷᠢᠳᠠᠪᠡᠷ ᠦᠬᠦᠭᠰᠡᠨ ᠪᠤᠯ ᠥᠮᠴᠢᠯᠡᠭᠦᠯᠦᠭᠴᠢ ᠶᠢᠨ ᠠᠬᠠ ᠳᠡᠭᠦᠦ ᠡᠭᠡᠴᠢ ᠦᠬᠢᠨ ᠲᠡᠭᠦᠦ ᠶᠢᠨ ᠬᠢᠨᠢ ᠦᠷᠡ | ᠬᠡᠤᠬᠡᠳ ᠦᠶᠡ ᠳᠠᠮᠵᠢᠨ ᠦᠪᠯᠡᠵᠦ ᠪᠤᠯᠤᠨᠠ︾ ᠭᠡᠰᠡᠨ ᠳᠡᠭᠡᠷᠡ ᠲᠤᠲᠤᠷᠬᠠᠢ ᠢᠯᠡᠷᠡᠵᠦ ᠪᠠᠶᠢᠨᠠ᠃ ᠲᠤᠰ ᠬᠡᠷᠡᠭ | ᠨᠢ ᠲᠤᠰᠪᠤᠷᠢ ᠯᠢ ᠡᠯ ᠤᠨ ᠦᠬᠦᠭᠰᠡᠨ᠂ ᠯᠢ ᠮᠢᠩ ᠤᠨ ᠡᠪᠦᠭᠡ ᠡᠮᠡᠭᠡ ᠶᠢᠨ ᠦᠬᠦᠭᠰᠡᠨ᠂ ᠯᠢ ᠳ᠋ᠠ ᠶᠢᠨ ᠦᠬᠦᠭᠰᠡᠨ | ᠠᠴᠠ ᠪᠤᠯᠤᠭᠰᠠᠨ ᠭᠤᠷᠪᠠᠨ ᠤᠳᠠᠭᠠᠨ ᠤ ᠥᠮᠴᠢᠯᠡᠯ ᠬᠤᠯᠪᠤᠭᠳᠠᠵᠦ᠂ ᠭᠤᠷᠪᠠᠳᠤᠭᠠᠷ ᠤᠳᠠᠭᠠᠨ ᠤ ᠥᠮᠴᠢᠯᠡᠯ ᠨᠢ | ᠯᠢ ᠳ᠋ᠠ ᠶᠢᠨ ᠦᠬᠦᠭᠰᠡᠨ ᠠᠴᠠ ᠪᠤᠯᠤᠭᠰᠠᠨ ᠥᠮᠴᠢᠯᠡᠯ ᠮᠥᠨ᠂ ᠡᠨᠡ ᠨᠢ ︽ᠢᠷᠭᠡᠨ ᠤ ᠬᠠᠤᠯᠢ ᠶᠢᠨ ᠪᠢᠴᠢᠭ︾ | ᠲᠤ ᠲᠤᠭᠲᠠᠭᠠᠭᠰᠠᠨ ᠳᠠᠮ ᠴᠢᠰᠤᠨ ᠲᠦᠷᠦᠯ ᠤᠨ ᠦᠶᠡ ᠳᠠᠮᠵᠢᠨ ᠥᠮᠴᠢᠯᠡᠬᠦ ᠶᠠᠪᠤᠳᠠᠯ ᠮᠥᠨ ᠪᠠᠶᠢᠵᠦ᠂ ᠯᠢ ᠮᠢᠩ | ᠠᠴᠢ ᠬᠡᠤᠬᠡᠳ ᠤᠨ ᠬᠤᠪᠢ ᠪᠠᠷ ᠡᠴᠢᠭᠡ ᠯᠢ ᠡᠯ ᠢ ᠤᠷᠤᠯᠠᠨ ᠯᠢ ᠳ᠋ᠠ ᠶᠢᠨ ᠦᠪ ᠢ ᠵᠠᠯᠭᠠᠮᠵᠢᠯᠠᠬᠤ ᠪᠤᠯᠤᠨᠠ᠃ | ᠲᠤᠰ ᠬᠡᠷᠡᠭ ᠤᠨ ᠤᠨᠴᠠᠭᠠᠢ ᠴᠢᠨᠠᠷ ᠨᠢ ᠭᠡᠪᠡᠯ ᠯᠢ ᠳ᠋ᠠ ᠡᠬᠡᠨᠡᠷ᠂ ᠬᠡᠤᠬᠡᠳ ᠦᠭᠡᠢ ᠳᠤ ᠪᠠᠶᠢᠨᠠ᠂ ᠬᠡᠷᠪᠡ ᠯᠢ ᠳ᠋ᠠ | ᠡᠬᠡᠨᠡᠷ᠂ ᠬᠡᠤᠬᠡᠳ ᠲᠠᠢ ᠪᠠᠶᠢᠭᠰᠠᠨ ᠪᠤᠯ ᠨᠢᠭᠡᠳᠤᠭᠡᠷ ᠦᠪᠯᠡᠭᠴᠢ ᠶᠢᠨ ᠲᠡᠰ ᠳᠠᠷᠠᠭᠠᠯᠠᠯ ᠢᠶᠠᠷ ᠥᠮᠴᠢᠯᠡᠬᠦ ᠪᠤᠯᠬᠤᠷ | ᠬᠤᠶᠠᠳᠤᠭᠠᠷ ᠤᠳᠠᠭᠠᠨ ᠤ ᠲᠡᠰ ᠳᠠᠷᠠᠭᠠᠯᠠᠯ ᠭᠡᠵᠦ ᠤᠭᠳᠤ ᠦᠭᠡᠢ ᠶᠤᠮ᠃ ᠡᠨᠡ ᠪᠤᠯ ᠢᠷᠭᠡᠨ ᠤ ᠬᠠᠤᠯᠢ ᠶᠢᠨ | ᠪᠢᠴᠢᠭ ᠠᠴᠠ ᠢᠷᠡᠭᠰᠡᠨ ᠴᠢᠬᠤᠯᠠ ᠬᠤᠪᠢᠷᠠᠯᠲᠠ ᠮᠥᠨ᠃ ᠬᠡᠷᠪᠡ ᠲᠤᠰ ᠬᠡᠷᠡᠭ ᠲᠤ ᠯᠢ ᠳ᠋ᠠ ᠶᠢᠨ ᠦᠬᠦᠭᠰᠡᠨ ᠴᠠᠭ | ᠨᠢ 2019 ᠤᠨ ᠳᠤ ᠪᠠᠶᠢᠭᠰᠠᠨ ᠶᠤᠮ ᠪᠤᠯ ᠲᠡᠷᠡ ᠦᠶᠡ ᠳᠤ ᠢᠷᠭᠡᠨ ᠤ ᠬᠠᠤᠯᠢ ᠶᠢᠨ ᠪᠢᠴᠢᠭ ᠬᠦᠴᠦᠨ ᠲᠠᠢ | ᠪᠤᠯᠤᠭᠠᠳᠤᠢ ᠪᠤᠯᠬᠤᠷ ᠤᠳᠤ ᠶᠢᠨ ᠶᠠᠪᠤᠭᠳᠠᠭᠤᠯᠵᠦ ᠪᠠᠶᠢᠭᠠ ᠥᠮᠴᠢ ᠵᠠᠯᠭᠠᠮᠵᠢᠯᠠᠬᠤ ᠬᠠᠤᠯᠢ ᠶᠢᠨ ᠲᠤᠭᠲᠠᠭᠠᠯ ᠢᠶᠠᠷ | ᠯᠢ ᠳ᠋ᠠ ᠦᠬᠦᠬᠦ ᠳᠡᠭᠡᠨ ᠭᠡᠷᠢᠶᠡᠰ ᠦᠯᠡᠳᠡᠭᠡᠭᠰᠡᠨ ᠦᠭᠡᠢ ᠳᠤ ᠬᠦᠷᠪᠡᠯ ᠳᠠᠷᠤᠢ ᠨᠢᠭᠡᠳᠤᠭᠡᠷ ᠥᠮᠴᠢᠯᠡᠭᠴᠢ ᠦᠭᠡᠢ | ᠪᠠᠶᠢᠵᠦ᠂ ᠬᠡᠯᠡᠯᠭᠡᠨ ᠦᠭᠡᠢ ᠬᠤᠶᠠᠳᠤᠭᠠᠷ ᠥᠮᠴᠢᠯᠡᠭᠴᠢ ᠴᠦ ᠦᠭᠡᠢ ᠪᠠᠶᠢᠵᠦ᠂ ᠯᠢ ᠳ᠋ᠠ ᠶᠢᠨ ᠥᠮᠴᠢ ᠨᠢ ᠡᠵᠡᠨ | ᠦᠭᠡᠢ ᠬᠦᠷᠦᠩᠭᠡ ᠪᠤᠯᠬᠤ ᠪᠤᠯᠤᠨᠠ᠃ ᠢᠷᠭᠡᠨ ᠤ ᠬᠠᠤᠯᠢ ᠶᠢᠨ ᠪᠢᠴᠢᠭ ᠤᠨ ᠨᠡᠮᠡᠭᠰᠡᠨ ᠳᠠᠮ ᠴᠢᠰᠤᠨ ᠲᠦᠷᠦᠯ ᠨᠢ | ᠦᠶᠡ ᠳᠠᠮᠵᠢᠨ ᠥᠮᠴᠢᠯᠡᠵᠦ ᠪᠤᠯᠬᠤ ᠲᠤᠭᠲᠠᠭᠠᠯ ᠨᠢ ᠥᠮᠴᠢᠯᠡᠭᠴᠢ ᠶᠢᠨ ᠬᠡᠪᠴᠢᠶᠡ ᠶᠢ ᠦᠷᠭᠡᠳᠭᠡᠵᠦ᠂ ᠤᠯᠠᠨ ᠵᠢᠯ | ᠲᠦᠯᠦᠪᠯᠡᠭᠡᠳᠤ ᠦᠷᠡᠵᠢᠯ ᠤᠨ ᠲᠦᠷᠦ ᠶᠢᠨ ᠪᠤᠲᠤᠯᠭᠠ ᠶᠠᠪᠤᠭᠤᠯᠤᠭᠰᠠᠨ ᠮᠠᠨ ᠤ ᠤᠯᠤᠰ ᠤᠨ ᠬᠦᠮᠤᠨ ᠠᠮᠠ ᠶᠢᠨ | ᠪᠦᠳᠦᠴᠡ ᠶᠢ ᠭᠦᠢᠴᠡᠳ ᠪᠤᠳᠤᠯᠬᠢᠯᠠᠵᠦ᠂ ᠵᠢᠭᠡ᠂ ᠠᠴᠢ ᠨᠢ ᠦᠶᠡ ᠳᠠᠮᠵᠢᠨ ᠦᠪᠯᠡᠬᠦ ᠨᠢ ᠮᠠᠨ ᠤ ᠤᠯᠤᠰ ᠤᠨ | ᠪᠤᠳᠠᠲᠠᠢ ᠲᠠᠢ ᠨᠡᠶᠢᠴᠡᠵᠦ ᠪᠠᠶᠢᠬᠤ ᠶᠤᠮ᠃ | ︵ᠵᠤᠬᠢᠶᠠᠭᠴᠢ᠄ ᠬᠦᠬᠡᠬᠤᠲᠡ ᠶᠢᠨ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢ᠂ ᠬᠤᠲᠠ ᠶᠢᠨ ᠠᠷᠠᠳ ᠤᠨ | ᠲᠦᠯᠦᠭᠡᠯᠡᠭᠴᠢᠳ ᠤᠨ ᠶᠡᠭᠡ ᠬᠤᠷᠠᠯ ᠤᠨ ᠪᠠᠶᠢᠩᠭᠤ ᠶᠢᠨ ᠬᠤᠷᠢᠶᠠᠨ ᠤ ᠬᠠᠤᠯᠢ ᠴᠠᠭᠠᠵᠠ ᠶᠢᠨ | ᠵᠦᠪᠯᠡᠯ ᠤᠨ ᠬᠡᠰᠢᠭᠦᠨ᠂ ᠦᠪᠤᠷ ᠮᠤᠩᠭᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠰᠠᠭ | ᠤᠨ | ᠤᠷᠳᠤᠨ ᠤ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠧᠰᠰᠤᠷ ᠳ᠋ᠢᠩ ᠼᠠᠢ ᠰᠢᠶᠠ︶ | | | http://mongol.people.com.cn/15831015.html |