| ᠵᠣᠬᠢᠶᠠᠭᠴᠢ᠄ ᠰ᠊᠂ ᠬᠠᠰᠪᠠᠭᠠᠨᠠ | ᠪᠤᠳᠤᠯ ᠵᠡᠬᠦᠳᠥᠨ ᠤ ᠡᠴᠢᠨᠠ ᠳᠠᠯᠳᠠ ᠬᠦᠨ ᠰᠢᠩᠭᠡᠭᠰᠡᠨ ᠨᠤᠳᠤᠭ ᠤᠨ ᠮᠢᠨᠢ ᠪᠤᠷᠤᠬᠠᠨ ᠳᠤᠯᠤᠭᠠᠳ ᠤᠨ ᠪᠤᠭᠤᠷᠤᠯ ᠤᠨᠢᠶᠠᠷ ᠢ ᠰᠢᠪᠠᠭᠤᠳ ᠨᠢ | ᠠᠷᠭᠠᠳᠠᠨ ᠢᠯᠪᠢᠵᠤ᠂ ᠨᠤᠳᠤᠭ ᠢᠶᠠᠨ ᠠᠷᠭᠠᠳᠠᠭᠰᠠᠨ ᠳᠡᠷᠡ ᠬᠦᠭᠡᠷᠥᠬᠦᠢ ᠰᠢᠪᠠᠭᠤᠳ ᠲᠤ ᠨᠡᠬᠦᠬᠦ ᠶᠢᠨ ᠳᠤᠬᠢᠶᠠ ᠬᠡᠳᠦ᠋ᠢᠨ ᠢᠷᠡᠴᠢᠭᠡᠭᠰᠡᠨ ᠴᠦ ᠳᠦᠷᠥᠬᠦᠯᠵᠥ | ᠦᠰᠭᠡᠭᠰᠡᠨ ᠨᠤᠳᠤᠭ ᠠᠴᠠ ᠪᠠᠨ ᠨᠡᠬᠦᠵᠥ ᠳᠦᠪᠳᠡᠬᠦ ᠦᠭᠡᠢ ᠡᠷᠡᠬᠡᠯᠵᠡᠨ᠂ ᠨᠢᠰᠴᠤ ᠳᠠᠪᠳᠠᠷᠢᠬᠦ ᠶᠢᠨ ᠤᠬᠠᠭᠠᠨ ᠳᠠᠷ ᠢ ᠤᠯᠭᠤᠭᠰᠠᠨ ᠬᠦᠨ ᠴᠡᠩᠭᠡᠷ | ᠳᠡᠭᠷᠢ ᠳᠡᠭᠡᠨ ᠬᠤᠶᠠᠷ ᠭᠠᠷᠯᠠᠨ ᠰᠢᠩᠭᠡᠭᠦ ᠠᠪᠠᠴᠤ᠂ ᠤᠳᠠᠵᠤ ᠳᠦᠳᠡᠯ ᠦᠭᠡᠢ ᠤᠶᠠᠷᠠᠨ ᠭᠠᠩᠭᠠᠨᠠᠨ ᠪᠠᠭᠤᠳᠠᠯ ᠤᠨ ᠨᠠᠭᠤᠷ ᠲᠠᠭᠠᠨ ᠳᠠᠬᠢᠭᠠᠳ ᠯᠠ ᠰᠠᠭᠠᠳᠠᠨᠠ | ᠃ ᠡᠷᠳᠡ ᠳᠡᠭᠡᠳᠥ ᠦᠶᠡ ᠳᠤ ᠳᠡᠮᠡᠭᠡ᠂ ᠦᠭᠡᠷ ᠢᠶᠠᠷ ᠳᠠᠪᠤᠰᠤ ᠳᠡᠭᠡᠭᠡᠳᠡᠭ ᠪᠠᠶᠢᠬᠤ ᠳᠤ ᠵᠢᠩᠴᠢᠨ ᠠᠶᠠᠨᠴᠢᠨ ᠡᠨᠡ ᠨᠠᠭᠤᠷ ᠢ ᠪᠠᠷᠠᠳᠠᠨ ᠤᠨᠤᠭᠠ ᠮᠠᠯ ᠢᠶᠠᠨ | ᠤᠰᠤᠯᠠᠨ᠂ ᠬᠦᠮᠥᠨ ᠵᠤᠨ ᠨᠢ ᠷᠠᠰᠢᠶᠠᠨ ᠠᠴᠠ ᠬᠦᠷᠳᠡᠵᠥ ᠪᠠᠭᠤᠳᠠᠭ ᠢᠶᠠᠷ ︽ᠪᠠᠭᠤᠳᠠᠯ︾ ᠭᠡᠭᠳᠡᠭᠰᠡᠨ ᠡᠨᠡ ᠵᠢᠭᠠᠬᠠᠨ ᠨᠠᠭᠤᠷ ᠭᠡᠴᠢᠨᠠᠨ ᠴᠦ ᠬᠦᠮᠥᠨ ᠬᠠᠷᠠ᠂ | ᠠᠳᠤᠭᠤᠰᠤ ᠠᠮᠢᠳᠠᠨ ᠤ ᠤᠮᠳᠠ ᠨᠢ ᠪᠤᠯᠵᠤ᠂ ᠭᠡᠴᠢᠨᠡᠨ ᠴᠦ ᠤᠯᠠᠨ ᠠᠩᠬᠢᠷ ᠬᠤᠨ ᠤ ᠨᠢᠯᠬᠠ ᠬᠤᠩᠭᠤᠷ ᠦᠷᠡ ᠶᠢ ᠭᠡᠪᠡᠯᠢ ᠳᠡᠭᠡᠨ ᠪᠠᠭᠳᠠᠭᠠᠨ ᠵᠢᠬᠦᠷ ᠰᠦᠳᠥ | ᠪᠦᠷᠢᠳᠥᠬᠦᠯᠥᠭᠰᠡᠨ ᠢ ᠳᠦᠰᠥᠭᠡᠯᠡᠬᠦᠶᠡ ᠪᠡᠷᠭᠡ᠃ ᠵᠡᠭᠡᠰᠥᠨ ᠰᠦᠯ᠂ ᠱᠠᠭᠱᠠᠭ ᠤᠨ ᠳᠤᠯᠤᠭᠠᠢ ᠤᠯᠠᠷᠢᠯ ᠤᠨ ᠠᠶᠠᠰ ᠢ ᠬᠦᠭᠯᠡᠨ᠂ ᠵᠢᠷᠭᠠᠯᠠᠩᠳᠤ ᠶᠢᠨ | ᠬᠦᠨᠳᠡᠢ ᠶᠢᠨ ᠭᠤᠤᠯ ᠳᠤ ᠯᠥᠭᠯᠦ᠋ᠢᠨ ᠰᠠᠭᠠᠳᠠᠭᠰᠠᠨ ᠭᠤᠤᠯ ᠤᠨ ᠤᠷᠤᠢ ᠶᠢ ᠬᠤᠴᠢᠨ ᠪᠤᠳᠠᠷᠠᠵᠤ᠂ ᠡᠭᠡᠭᠡ ᠯᠠ ᠴᠠᠯ ᠪᠤᠭᠤᠷᠤᠯ ᠡᠪᠦᠭᠡ ᠮᠢᠨᠢ ᠴᠠᠭᠠᠰᠢ | ᠬᠠᠨᠳᠤᠨ ᠰᠠᠭᠤᠭᠠᠳ ᠭᠠᠩᠰᠠ ᠪᠠᠨ ᠨᠠᠷᠠᠵᠤ᠂ ᠪᠤᠭᠰᠢᠭᠠᠭᠰᠠᠨ ᠤᠳᠤᠭᠠ ᠨᠢ ᠪᠦᠳᠥᠨ ᠬᠦᠨᠳᠡᠢ ᠶᠢ ᠳᠦᠭᠦᠷᠬᠡᠭᠰᠡᠨ ᠮᠠᠳᠤ᠃ ᠴᠠᠭᠠᠨ ᠳᠠᠷᠠᠰᠤ ᠲᠠᠢ ᠠᠭᠤᠵᠢᠮ | ᠬᠦᠨᠳᠡᠢ ᠪᠠᠨ ᠳᠤᠭᠤᠷᠢᠭᠠᠳ ᠬᠤᠯᠠ ᠮᠤᠷᠢ ᠤᠨᠠᠭᠠᠯᠠᠭᠰᠠᠨ ᠢᠶᠠᠷ ︽ᠬᠤᠯᠠ ᠶᠢᠨ ᠬᠤᠸᠠ︾ ᠭᠡᠭᠳᠡᠭᠰᠡᠨ ᠨᠠᠮᠬᠠᠨ ᠪᠤᠷᠤ ᠳᠤᠯᠤᠭᠠᠢ᠂ ᠨᠠᠷᠠ ᠢᠵᠢᠯ ᠦᠭᠡᠢ | ᠢᠵᠢᠯᠭᠡᠨ ᠪᠤᠷᠤᠯᠠᠭ ᠤᠳ ᠦᠷᠭᠦᠯᠵᠢᠯᠡᠵᠥ ᠪᠤᠭᠤᠷᠤᠯ ᠤᠨ ᠢᠷᠥᠭᠡᠯ ᠰᠢᠩᠭᠡᠭᠰᠡᠨ ᠳᠡᠷᠡ ᠯᠠ ᠪᠤᠷᠤ ᠳᠤᠯᠤᠭᠠᠢ᠂ ᠴᠠᠭᠠᠨ ᠳᠠᠷᠠᠰᠤ ᠲᠠᠢ ᠬᠦᠨᠳᠡᠢ᠂ ᠨᠦᠬᠦᠭᠡ ᠯᠡ | ᠬᠤᠨ ᠤ ᠳᠡᠭᠳᠡᠭᠡᠭᠡᠢ ᠰᠢᠭ ᠨᠠᠮᠠᠢᠢ ᠦᠰᠭᠡᠵᠥ᠂ ᠨᠠᠳᠠ ᠲᠠᠢ ᠬᠠᠮᠳᠤ ᠬᠦᠭᠵᠢᠯ ᠮᠠᠨᠳᠤᠯ ᠢ ᠴᠤ ᠠᠪᠴᠢᠷᠠᠭᠰᠠᠨ ᠰᠢᠭ᠋ ᠰᠠᠨᠠᠭᠳᠠᠨᠠ᠃ | ᠨᠢᠯᠬᠠ ᠬᠤᠩᠭᠤᠷ ᠨᠠᠰᠤᠨ ᠳᠠᠭᠠᠨ ᠬᠤᠷᠠᠭᠠ ᠳᠤᠭᠤᠯ ᠬᠠᠷᠢᠭᠤᠯᠤᠨ ᠪᠤᠷᠭᠠᠰᠤᠨ ᠮᠤᠷᠢ ᠲᠠᠢ ᠬᠠᠳᠠᠷᠢᠵᠤ᠂ ᠬᠤᠪᠤᠷᠬᠠᠨ ᠤᠯᠳᠠᠬᠤ ᠠᠮᠤ ᠠᠭᠠ ᠳᠤᠯᠢᠶᠠᠨ᠂ | ᠡᠷᠳᠡᠨᠢ ᠰᠢᠰᠢ ᠶᠢᠨ ᠭᠡᠮᠭᠡᠳᠡᠭ ᠪᠤᠳᠠᠭᠠ ᠪᠠᠷ ᠦᠯ ᠵᠠᠯᠭᠠᠭᠰᠠᠨ ᠦᠯᠥᠰᠬᠦᠯᠡᠩ ᠭᠡᠥᠭᠡᠳ᠂ ᠢᠮᠠᠭᠠ ᠬᠤᠯᠠᠭᠠᠶᠢᠯᠠᠨ ᠬᠦᠬᠦᠵᠥ ᠶᠠᠪᠤᠭᠰᠠᠨ ᠪᠡᠯᠴᠢᠷ ᠨᠠᠰᠤ ᠪᠠᠨ | ᠤᠷᠬᠢᠬᠤ ᠳᠤ ᠪᠠᠷᠢᠭᠠᠳᠠ ᠠᠴᠠ ᠬᠤᠪᠢᠳᠠᠵᠤ ᠤᠯᠤᠭᠰᠠᠨ ᠪᠤᠷᠤ ᠳᠠᠭᠠ ᠪᠠᠷ ᠳᠠᠪᠠᠷᠠᠭᠠᠵᠤ᠂ ᠯᠠ ᠨᠤᠴᠤᠭᠠᠳᠠᠭ ᠪᠤᠯᠤᠭᠰᠠᠨ ᠢᠶᠠᠷ ᠬᠠᠮᠠᠷ ᠤᠨ ᠨᠦᠭᠡ ᠬᠠᠷᠠᠯᠠᠳᠠᠯᠠ | ᠤᠳᠤᠳᠠᠭ ᠴᠢᠯᠠᠭᠤᠨ ᠳᠤᠰᠤ᠂ ᠮᠠᠭᠠᠵᠢᠨ ᠳᠤᠰᠤᠨ ᠳ᠋ᠧᠩ ᠠᠴᠠ ᠰᠠᠯᠤᠭᠰᠠᠨ᠃ ᠦᠭᠡᠷᠡᠴᠢᠯᠡᠯᠳᠡ ᠨᠡᠭᠡᠭᠡᠯᠳᠡ ᠶᠢᠨ ᠴᠠᠭ ᠦᠶᠡ ᠡᠬᠢᠯᠡᠵᠥ ᠠᠶᠢᠯ ᠤᠳ ᠤᠨ | ᠠᠮᠢᠳᠤᠷᠠᠯ ᠠᠬᠤᠢ ᠰᠠᠶᠢᠵᠢᠷᠠᠨ ᠵᠠᠯᠠᠭᠤᠰ ᠮᠤᠲ᠋ᠤᠷ ᠤᠨᠤᠨ ᠬᠡᠶᠢᠰᠭᠡᠵᠥ᠂ ᠠᠶᠢᠯ ᠤᠳ ᠤᠨ ᠭᠠᠳᠠᠨᠠ ᠰᠠᠯᠬᠢᠨ ᠨᠠᠷᠠᠨ ᠡᠨᠧᠷᠬᠢ ᠶᠢᠨ ᠴᠠᠭᠢᠯᠭᠠᠨ ᠮᠠᠰᠢᠨ | ᠭᠢᠯᠡᠯᠵᠡᠨ᠂ ᠴᠦᠭᠡᠨ ᠠᠶᠢᠯ ᠤᠨ ᠭᠠᠳᠠᠨᠠ ᠮᠠᠰᠢᠨ ᠬᠠᠷᠠᠭᠳᠠᠳᠠᠭ ᠪᠤᠯᠪᠠ᠃ | ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠪᠠᠶᠢᠬᠤ ᠳᠠᠭᠠᠨ ᠬᠠᠶᠠ ᠠᠶᠢᠯ ᠤᠨ ᠡᠭᠡᠴᠢ ᠶᠢᠨ ᠰᠤᠮᠤᠨ ᠳᠦᠪ ᠠᠴᠠ ᠵᠠᠯᠭᠠᠭᠰᠠᠨ ᠤᠳᠠᠰᠤ ᠶᠢ ᠳᠤᠰᠬᠤ ᠳᠠᠭᠠᠨ ᠭᠡᠵᠢᠶᠡ | ᠨᠢᠭᠡ ᠡᠳᠥᠷ ᠮᠦᠩᠭᠦ ᠳᠦᠬᠦᠷᠢᠭ ᠲᠠᠢ ᠪᠤᠯᠴᠢᠬᠠᠪᠠᠯ ᠰᠤᠮᠤᠨ ᠳᠦᠪ ᠠᠴᠠ ᠭᠡᠷ ᠦᠭᠡᠳᠡ ᠪᠠᠨ ᠰᠢᠥᠳᠡᠨ ᠬᠤᠯᠪᠤᠭᠠᠨ ᠤ ᠤᠳᠠᠰᠤ ᠶᠢ ᠳᠠᠳᠠᠭᠠᠳ ᠬᠦᠷᠭᠡᠴᠢᠪᠡᠯ | ᠭᠡᠷ ᠤᠨ ᠬᠢᠨ ᠲᠠᠢ ᠪᠠᠨ ᠰᠠᠨᠠᠭᠠ ᠳᠠᠪᠠ ᠪᠠᠷ ᠶᠠᠷᠢᠴᠢᠬᠠᠬᠤ ᠰᠠᠨ ᠭᠡᠵᠤ ᠪᠤᠳᠤᠳᠠᠭ ᠪᠠᠶᠢᠭᠰᠠᠨ᠂ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠪᠠᠨ ᠳᠡᠬᠦᠰᠥᠭᠡᠳ ᠪᠤᠴᠠᠬᠤ ᠳᠤ | ᠬᠤᠰᠢᠭᠤᠨ ᠠᠴᠠ ᠰᠤᠮᠤ ᠤᠷᠤᠭᠤ ᠰᠤᠨᠤᠭᠰᠠᠨ ᠬᠦᠯᠢᠭᠡᠷ ᠬᠠᠷᠠ ᠵᠠᠮ ᠤᠨ ᠬᠦᠪᠡᠭᠡᠨᠡ ᠨᠠᠮᠠᠢᠢ ᠳᠤᠰᠳᠠᠭ ᠭᠠᠵᠠᠷ ᠢᠶᠠᠨ ᠮᠠᠰᠢᠨ ᠲᠠᠢ ᠢᠷᠡᠨ ᠬᠦᠯᠢᠶᠡᠵᠤ | ᠪᠠᠶᠢᠭᠰᠠᠨ ᠠᠶᠢᠯ ᠤᠨ ᠡᠭᠡᠴᠢ᠂ ᠠᠶᠠᠨᠴᠢᠨ ᠤ ᠮᠠᠰᠢᠨ ᠠᠴᠠ ᠪᠠᠭᠤᠬᠤ ᠶᠢᠨ ᠵᠡᠷᠭᠡ ᠬᠦᠶᠥᠨ ᠢᠷᠡᠵᠥ ᠦᠯᠮᠠᠢ ᠳᠡᠭᠡᠷᠡ ᠪᠠᠨ ᠵᠤᠭᠰᠤᠨ ᠮᠠᠩᠨᠠᠢ ᠳᠡᠭᠡᠷᠡ ᠮᠢᠨᠢ | ᠦᠨᠥᠰᠥᠭᠡᠳ᠂ ᠬᠦᠵᠥᠬᠦᠥ ᠪᠠᠷ ᠳᠠᠪᠠᠷᠢᠨ ᠮᠦᠷᠥᠨ ᠳᠡᠭᠡᠷᠡ ᠮᠢᠨᠢ ᠮᠡᠭᠰᠢᠨ᠄ ︽ᠮᠠᠭᠤ ᠳᠠᠬᠦᠥ ᠮᠢᠨᠢ ᠳᠤᠮᠤ ᠪᠤᠯᠵᠤ ᠳ᠋ᠠ ᠬᠦᠭᠡᠷᠥᠬᠦᠢ︕ ᠡᠭᠡᠴᠢ ᠨᠢ | ᠠᠶᠢᠯ ᠳᠤ ᠮᠤᠷᠳᠠᠬᠤ ᠪᠠᠷ ᠪᠤᠯᠴᠢᠬᠠᠭᠰᠠᠨ᠂ ᠶᠠᠪᠤᠬᠤ ᠶᠢᠨ ᠳᠤᠯᠤᠭᠠᠢ ᠳᠡᠭᠡᠷᠡ ᠨᠤᠳᠤᠭ ᠲᠠ ᠬᠤᠶᠠᠷ ᠢᠶᠠᠨ ᠤᠷᠬᠢᠵᠤ ᠴᠢᠳᠠᠬᠤ ᠦᠭᠡᠢ ᠡᠯᠢᠭᠡ ᠡᠮᠳᠡᠷᠡᠭᠡᠳ | ᠪᠠᠶᠢᠬᠤ ᠶᠤᠮ᠃ ᠡᠭᠡᠴᠢ ᠨᠢ ᠶᠠᠪᠤᠴᠢᠬᠠᠪᠠᠯ ᠳᠡᠬᠦᠥ ᠮᠢᠨᠢ ᠶᠠᠭᠠᠭᠢᠵᠤ ᠦᠨᠥᠴᠢᠷᠡᠬᠦ ᠰᠠᠨ ᠪᠤᠯ︖ ᠡᠭᠡᠴᠢ ᠨᠢ ᠪᠠᠶᠢᠩᠭᠤ ᠳᠡᠬᠦᠥ ᠳᠡᠭᠡᠨ ᠤᠳᠠᠰᠤ ᠠᠪᠴᠤ | ᠪᠠᠶᠢᠶᠠ︕ ᠡᠭᠡᠴᠢ ᠶᠢᠨ ᠬᠢᠨ ᠤᠴᠢᠭᠰᠠᠨ ᠠᠶᠢᠯ ᠤᠳᠠᠰᠤ ᠦᠭᠡᠢ ᠬᠠᠷᠢᠯᠴᠠᠭᠤᠷ ᠤᠭᠰᠠᠷᠠᠴᠢᠬᠠᠭᠰᠠᠨ ᠠᠶᠢᠯ︕︾ ᠭᠡᠯᠡ᠃ ᠵᠠᠮ ᠳᠤᠵᠢ ᠤᠳᠠᠰᠤ ᠦᠭᠡᠢ | ᠬᠠᠷᠢᠯᠴᠠᠭᠤᠷ ᠤᠨ ᠳᠤᠬᠠᠢ ᠭᠠᠶᠢᠬᠠᠨ ᠪᠤᠳᠤᠵᠤ ᠶᠠᠪᠤᠯᠠ᠃ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨᠡ ᠳᠠᠷᠪᠠᠵᠤ ᠶᠠᠪᠤᠬᠤ ᠳᠠᠭᠠᠨ ᠬᠦᠭᠵᠢᠯ ᠴᠡᠴᠡᠭᠯᠡᠯ ᠢ ᠬᠠᠷᠠᠭᠠ ᠦᠭᠡᠢ | ᠶᠠᠪᠤᠵᠤ ᠳ᠋ᠠ᠃ | ᠨᠠᠮᠠᠢᠢ ᠬᠦᠮᠥᠨ ᠪᠤᠯᠭᠠᠭᠰᠠᠨ ᠨᠤᠳᠤᠭ ᠤᠨ ᠮᠢᠨᠢ ᠪᠤᠭᠤᠷᠤᠯ ᠳᠤᠯᠤᠭᠠᠳ᠂ ᠳᠡᠭᠡᠷᠡ ᠨᠢ ᠵᠠᠪᠢᠯᠠᠨ ᠬᠦᠮᠥᠨ ᠪᠤᠯᠬᠤ ᠶᠢᠨ ᠤᠴᠢᠷ ᠵᠦᠢ ᠶᠢ ᠳᠠᠶᠢᠪᠤᠭᠤᠬᠠᠨ | ᠦᠯᠢᠭᠡᠷᠯᠡᠭᠰᠡᠨ ᠪᠤᠭᠤᠷᠤᠯ ᠰᠠᠬᠢᠭᠤᠰᠤ᠂ ᠵᠤᠷᠢᠭ ᠢ ᠮᠢᠨᠢ ᠬᠦᠪᠴᠢᠯᠡᠨ ᠡᠷᠡ ᠵᠤᠷᠢᠭ ᠬᠠᠶᠢᠷᠠᠯᠠᠭᠰᠠᠨ ᠡᠪᠥᠭᠡᠨ ᠪᠦᠷᠬᠦᠳ᠂ ᠤᠶᠠᠷᠠᠯ ᠬᠠᠶᠢᠯᠠᠯ ᠰᠤᠶᠤᠷᠬᠠᠭᠰᠠᠨ | ᠬᠤᠨ ᠠᠩᠬᠢᠷ ᠤᠳ ᠭᠤᠷᠪᠠᠭ᠋ᠠᠨ ᠨᠠᠰᠤ ᠠᠬᠠᠯᠠᠬᠤ ᠬᠦᠷᠰᠢ ᠶᠢᠨ ᠦᠬᠢᠨ ᠠᠶᠢᠯ ᠤᠨ ᠡᠭᠡᠴᠢ ᠲᠠᠢ ᠬᠠᠮᠳᠤ ᠤᠨᠠᠬᠤ ᠨᠢᠯᠪᠤᠰᠤ ᠶᠢ ᠮᠢᠨᠢ ᠠᠷᠴᠢᠭᠰᠠᠨ | ᠨᠤᠳᠤᠭ ᠤᠨ ᠬᠦᠭᠡ ᠰᠠᠯᠬᠢ ᠶᠢ ᠰᠠᠨᠠᠬᠤ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠳᠠᠶᠢᠮᠤ ᠨᠠᠰᠤ ᠬᠦᠮᠥᠨ ᠳᠤ ᠢᠷᠡᠳᠡᠭ ᠪᠠᠶᠢᠵᠠᠢ᠃ | ᠨᠠᠮᠠᠢᠢ ᠠᠯᠢ ᠨᠢᠭᠡ ᠰᠤᠷᠭᠠᠭᠤᠯᠢ ᠳᠤ ᠳᠠᠪᠰᠢᠬᠤ ᠪᠤᠯᠭᠠᠨ ᠨᠤᠳᠤᠭ ᠤᠨ ᠬᠦᠭᠡ ᠡᠪᠥᠭᠡᠳ ᠪᠤᠭᠤᠷᠤᠯ ᠡᠮᠡᠭᠡᠳ ᠠᠮᠠ ᠴᠠᠭᠠᠨ ᠢᠷᠥᠭᠡᠯ ᠢᠶᠠᠨ ᠳᠡᠪᠰᠢᠬᠦᠯᠵᠥ | ᠰᠦ ᠡᠷᠬᠦᠨ ᠨᠠᠮᠠᠢᠢ ᠮᠤᠷᠳᠠᠭᠤᠯᠵᠤ ᠳᠡᠷᠡ ᠯᠠ ᠪᠤᠭᠤᠷᠤᠯ ᠰᠠᠬᠢᠭᠤᠰᠤ ᠤᠳ ᠤᠨ ᠢᠷᠥᠭᠡᠯ ᠰᠢᠩᠬᠡᠨ ᠪᠢ ᠬᠦᠮᠥᠨ ᠤ ᠳᠠᠶᠢᠳᠠᠢ ᠬᠦᠮᠥᠨ ᠪᠤᠯᠤᠭᠰᠠᠨ᠃ ᠭᠡᠷ ᠤᠨ | ᠮᠢᠨᠢ ᠠᠷᠤ ᠳᠤ ᠰᠦᠭᠯᠡᠶᠢᠭᠰᠡᠨ ᠬᠦᠭᠰᠢᠨ ᠬᠠᠶᠢᠯᠠᠰᠤ ᠤᠯᠠᠨ ᠪᠤᠯᠵᠤᠮᠤᠷ ᠢᠶᠠᠨ ᠵᠢᠷᠬᠢᠬᠦᠯᠦᠨ᠂ ᠪᠠᠶᠠᠷ ᠤᠨ ᠱᠠᠭᠠᠵᠠᠭᠠᠢ ᠪᠠᠨ ᠱᠠᠭᠰᠢᠭᠠᠨ ᠪᠠᠶᠢᠭᠠᠯᠢ ᠶᠢᠷᠳᠢᠨᠴᠤ | ᠬᠦᠮᠥᠨ ᠵᠤᠨ ᠤ ᠤᠯᠠᠨ ᠠᠷᠪᠢᠨ ᠶᠤᠰᠤ ᠤᠴᠢᠷ ᠢ ᠨᠠᠳᠠ ᠬᠦᠦᠷᠨᠢᠭᠰᠡᠨ᠃ ᠠᠶᠢᠯ ᠤᠨ ᠡᠭᠡᠴᠢ ᠮᠢᠨᠢ ᠬᠦᠵᠥᠬᠦᠥ ᠪᠠᠷ ᠳᠠᠪᠠᠷᠢᠨ ᠮᠦᠷᠥ ᠶᠢ ᠮᠢᠨᠢ ᠳᠦᠰᠢᠨ | ᠤᠬᠢᠯᠠᠵᠤ ᠬᠠᠷᠢᠯᠠᠬᠤ ᠪᠠᠷ ᠪᠤᠯᠤᠭᠰᠠᠨ ᠢᠶᠠᠨ ᠰᠢᠪᠡᠨᠡᠬᠦ ᠶᠢᠨ ᠦᠶᠡᠰ ᠬᠠᠮᠠᠷ ᠪᠤᠷᠬᠢᠨ ᠬᠤᠶᠠᠷ ᠨᠢᠳᠤᠨ ᠠᠴᠠ ᠨᠢᠯᠪᠤᠰᠤ ᠡᠷᠭᠡ ᠪᠠᠨ ᠠᠯᠳᠠᠨ ᠠᠰᠬᠠᠷᠠᠨ᠂ | ᠰᠡᠳᠬᠢᠯ ᠮᠢᠨᠢ ᠨᠢᠭᠡᠯᠡ ᠬᠤᠭᠤᠰᠤᠷᠠᠭᠠᠳ ᠶᠠᠪᠤᠴᠢᠬᠠᠭᠰᠠᠨ ᠡ᠃ ᠶᠠᠭ ᠯᠠ ᠦᠨᠡ ᠪᠠᠨᠠ ᠲᠠᠢ ᠡᠳ᠋ ᠡᠷᠳᠡᠨᠢ ᠪᠠᠨ ᠭᠡᠭᠡᠵᠥ ᠤᠷᠬᠢᠭᠰᠠᠨ᠂ ᠳᠤᠳᠤᠨᠤ ᠶᠢᠨ | ᠰᠠᠳᠤᠨ ᠳᠦᠷᠥᠯ ᠠᠴᠠ ᠪᠠᠨ ᠨᠢᠭᠡᠮᠥᠰᠥᠨ ᠰᠠᠯᠤᠭᠰᠠᠨ ᠰᠢᠭ᠋ ᠬᠠᠴᠢᠨ ᠰᠦᠷᠡᠭᠡᠢ ᠬᠤᠭᠤᠰᠤᠷᠠᠯ ᠭᠠᠭᠴᠠᠭᠠᠷᠳᠠᠯ ᠨᠠᠳᠠ ᠢᠷᠡᠭᠰᠡᠨ᠂ ᠡᠭᠡᠴᠢ ᠮᠢᠨᠢ ᠨᠠᠮᠠᠢᠢ ᠮᠡᠳᠡᠭᠡ | ᠳᠤᠮᠤᠭᠠᠨ ᠳᠤ ᠤᠷᠤᠬᠤ ᠠᠴᠠ ᠭᠠᠷ ᠠᠴᠠ ᠬᠦᠳᠥᠯᠥᠨ ᠡᠬᠦᠷᠴᠤ ᠠᠷᠭᠠᠳᠠᠨ ᠨᠢᠰᠥ ᠨᠢᠯᠪᠤᠰᠤ ᠶᠢ ᠮᠢᠨᠢ ᠠᠷᠴᠢᠵᠤ᠂ ᠬᠤᠷᠠᠭᠠ ᠢᠰᠢᠭᠡ᠂ ᠳᠤᠭᠤᠯ ᠪᠢᠷᠠᠭᠤ | ᠬᠠᠷᠢᠭᠤᠯᠤᠨ᠂ ᠡᠭᠦᠷᠴᠤ ᠶᠠᠪᠤᠭᠰᠠᠨ ᠦᠳᠡ ᠶᠢᠨ ᠬᠦᠨᠡᠰᠥ ᠪᠠᠨ ᠪᠦᠬᠦᠳᠡ ᠶᠢ ᠨᠠᠳᠠ ᠢᠳᠡᠬᠦᠯᠥᠭᠡᠳ ᠦᠪᠡᠷ ᠢᠶᠠᠨ ᠦᠯᠥᠰᠴᠤ ᠳᠦᠬᠦᠭᠡᠢ ᠬᠠᠳ᠂ ᠳᠡᠮᠡᠭᠡᠨ | ᠬᠦᠬᠦ ᠪᠠᠷ ᠦᠯ ᠵᠠᠯᠭᠠᠨ ᠰᠤᠷᠭᠠᠭᠤᠯᠢ ᠶᠢᠨ ᠤᠨ ᠵᠢᠯ ᠤᠳ ᠴᠦ ᠳᠦᠷᠥᠭᠰᠡᠨ ᠡᠭᠡᠴᠢ ᠠᠴᠠ ᠦᠭᠡᠷᠡ ᠦᠭᠡᠢ ᠨᠠᠮᠠᠢᠢ ᠬᠠᠷᠠᠭᠠᠯᠵᠠᠨ᠂ ᠡᠬᠡᠴᠢᠷᠭᠡᠵᠥ᠂ ᠬᠦᠮᠥᠨ | ᠪᠤᠯᠬᠤ ᠶᠢᠨ ᠤᠴᠢᠷ ᠵᠦᠢ᠂ ᠠᠮᠢᠳᠤᠷᠠᠯ ᠤᠨ ᠳᠤᠭᠠᠯᠠᠰᠢ ᠦᠭᠡᠢ ᠤᠯᠠᠨ ᠨᠠᠷᠢᠨ ᠤᠬᠠᠭᠠᠨ ᠢ ᠰᠡᠷᠭᠦᠯᠡᠩ ᠰᠠᠮᠪᠠᠭᠠ ᠪᠠᠷ ᠢᠶᠠᠨ ᠵᠢᠭᠠᠵᠤ ᠳᠤᠬᠢᠨ ᠳᠦᠭᠦᠭᠡ | ᠳᠤᠮᠤᠭᠠ ᠤᠷᠤᠭᠤᠯᠤᠭᠰᠠᠨ ᠠᠴᠢᠳᠡᠨ᠃ ᠡᠭᠡᠴᠢ ᠮᠠᠨᠢ ᠳᠡᠬᠦᠥ ᠦᠭᠡᠢ ᠪᠤᠯᠬᠤᠷ ᠨᠠᠮᠠᠢᠢ ᠳᠦᠷᠥᠭᠰᠡᠨ ᠳᠡᠬᠦᠥ ᠪᠠᠨ ᠭᠡᠮᠡᠨ ᠬᠠᠶᠢᠷᠠᠯᠠᠵᠤ ᠰᠠᠨᠠᠳᠠᠭ ᠪᠠᠶᠢᠭᠰᠠᠨ | ᠪᠠᠶᠢᠬᠠ᠂ ᠶᠢᠷᠳᠢᠨᠴᠤ ᠶᠢᠨ ᠦᠭᠡ ᠦᠭᠡᠢ ᠬᠠᠶᠢᠷᠠ ᠶᠢᠨ ᠨᠢᠭᠡ ᠶᠢ ᠡᠭᠦᠷᠴᠤ ᠡᠭᠡᠴᠢ ᠮᠢᠨᠢ ᠮᠤᠷᠳᠠᠭᠠᠳ ᠶᠠᠪᠤᠴᠢᠬᠠᠭᠰᠠᠨ ᠳ᠋ᠠᠭ᠃ | ᠳᠤᠰᠤᠨ ᠵᠠᠮ ᠭᠡᠷ ᠤᠨ ᠡᠬᠦᠳᠡᠨ ᠠᠴᠠ ᠳᠤᠷᠠᠶᠢᠨ ᠨᠤᠳᠤᠭ ᠤᠨ ᠬᠢᠨ ᠮᠠᠨᠢ ᠬᠤᠳᠠ ᠶᠢᠨ ᠬᠢ ᠠᠴᠠ ᠬᠤᠯᠠ ᠳᠠᠪᠠᠭᠰᠠᠨ ᠠᠭᠤᠵᠢᠮ ᠳᠤᠬᠢᠯᠢᠭ ᠤᠷᠤᠨ | ᠰᠠᠭᠤᠴᠠ ᠲᠠᠢ ᠪᠤᠯᠵᠤ᠂ ᠤᠷᠤᠨ ᠳᠡᠭᠡᠷᠡ ᠪᠠᠨ ᠭᠡᠪᠳᠡᠵᠥ ᠪᠠᠶᠢᠭᠠᠳ ᠭᠡᠨ ᠭᠡᠨ ᠤ ᠪᠠᠨ ᠳᠦᠷᠰᠥ ᠶᠢ ᠦᠵᠡᠨ ᠶᠠᠷᠢᠴᠢᠬᠠᠳᠠᠭ ᠪᠤᠯᠤᠭᠰᠠᠨ ᠰᠦᠯᠵᠢᠶᠡᠨ ᠤ ᠴᠠᠭ | ᠦᠶᠡ ᠨᠤᠳᠤᠭ ᠢ ᠮᠢᠨᠢ ᠪᠦᠷᠬᠦᠭᠰᠡᠨ ᠪᠤᠯᠪᠠᠴᠤ ᠰᠡᠳᠬᠢᠯ ᠮᠢᠨᠢ ᠨᠢᠭᠡᠯᠡ ᠬᠤᠭᠤᠰᠤᠨ᠃ ᠪᠤᠭᠤᠷᠤᠯ ᠤᠨ ᠰᠠᠬᠢᠭᠤᠰᠤ ᠲᠠᠢ ᠨᠤᠳᠤᠭ ᠤᠨ ᠨᠠᠮᠬᠠᠨ ᠪᠤᠷᠤ | ᠳᠤᠯᠤᠭᠠᠢ ᠳᠡᠭᠡᠷᠡ ᠤᠰᠤᠯ ᠪᠤᠷᠤᠭᠤ ᠪᠠᠨ ᠬᠦᠯᠢᠶᠡᠨ ᠬᠡᠶᠥᠷᠡᠵᠥ ᠰᠠᠭᠤᠬᠤ ᠮᠢᠨᠢ ᠳᠠᠩᠴᠤ ᠭᠤᠳᠤᠮᠰᠢᠭ᠃ ᠨᠤᠳᠤᠭ ᠤᠨ ᠪᠤᠭᠤᠷᠤᠯ ᠤᠨ ᠰᠤᠷᠭᠠᠯ ᠵᠠᠬᠢᠶᠠ ᠶᠢ | ᠦᠳᠡᠭᠡᠷᠬᠡᠨ ᠬᠠᠷᠠ ᠠᠮᠢ ᠪᠠᠨ ᠪᠤᠳᠤᠨ ᠡᠳ᠋ ᠮᠦᠩᠬᠦᠨ ᠤ ᠠᠷᠤ ᠠᠴᠠ ᠵᠢᠳᠬᠦᠵᠥ᠂ ᠳᠦᠷᠪᠡᠨ ᠵᠢᠯ ᠨᠤᠳᠤᠭ ᠲᠤ ᠮᠢᠨᠢ ᠬᠦᠯᠢᠶᠡᠭᠰᠡᠨ ᠠᠩᠬᠠᠨ ᠤ ᠢᠨᠠᠭ ᠢᠶᠠᠨ | ᠣᠷᠬᠢᠨ ᠵᠠᠬᠢᠷᠤᠯ ᠤᠨ ᠦᠬᠢᠨ ᠲᠠᠢ ᠰᠠᠭᠤᠵᠤ᠂ ᠬᠦᠭᠡᠬᠤᠳᠠ ᠳᠤ ᠦᠯᠡᠳᠡᠨ ᠠᠵᠢᠯ ᠤᠨ ᠬᠤᠪᠢᠶᠠᠷᠢ ᠠᠪᠤᠯᠠ᠃ ᠮᠢᠨᠤ ᠠᠷᠤ ᠠᠴᠠ ᠯᠠ ᠮᠠᠨ ᠤ ᠬᠢᠨ ᠤ | ᠵᠠᠯᠠᠭᠤᠰ ᠬᠤᠳᠠ ᠤᠷᠤᠵᠠᠭᠠᠨ᠂ ᠰᠢᠷᠬᠠᠯᠠᠭᠤᠯᠤᠭᠰᠠᠨ ᠢᠨᠠᠭ ᠠᠴᠠ ᠮᠢᠨᠢ ᠡᠬᠢᠯᠡᠨ ᠬᠤᠳᠠ ᠶᠢᠨ ᠳᠠᠩᠬᠢᠯ ᠳᠤ ᠦᠷᠳᠦᠵᠡᠢ᠃ ᠨᠠᠮᠠᠢᠢ ᠶᠠᠪᠤᠬᠤ ᠳᠤ ᠢᠳᠡᠭᠡᠯ | ᠬᠠᠶᠢᠷᠠ ᠪᠠᠨ ᠱᠠᠩᠨᠠᠵᠤ ᠠᠮᠠᠨ ᠴᠠᠭᠠᠨ ᠢᠷᠥᠭᠡᠯ ᠲᠠᠢ ᠮᠤᠷᠳᠠᠭᠤᠯᠤᠭᠰᠠᠨ ᠪᠤᠭᠤᠷᠤᠯ ᠤᠳ ᠨᠢᠭᠡᠨᠳᠡ ᠪᠤᠷᠬᠠᠨ ᠤ ᠤᠷᠤᠨ ᠳᠠᠭᠠᠨ ᠶᠠᠪᠤᠴᠢᠬᠠᠵᠤ᠂ ᠨᠠᠮᠠᠢᠢ | ᠦᠳᠡᠭᠰᠡᠨ ᠢᠳᠡᠷ ᠤᠳ ᠤᠳᠤ ᠪᠤᠭᠤᠷᠤᠯ ᠪᠤᠯᠤᠨ ᠳᠦᠩᠭᠡᠶᠢᠭᠰᠡᠨ ᠰᠠᠶᠢᠬᠠᠨ ᠠᠶᠢᠯ ᠤᠳ ᠢ ᠪᠤᠭᠤᠷᠤᠯ ᠨᠠᠰᠤᠳᠠᠳ ᠰᠠᠬᠢᠨ ᠦᠯᠡᠳᠡᠵᠥ ᠶᠤᠰᠤᠳᠠᠢ ᠨᠢᠭᠡᠨ | ᠪᠤᠭᠤᠷᠤᠯᠴᠤᠳ ᠤᠨ ᠬᠦᠳᠡᠭᠡ ᠪᠤᠯᠵᠠᠢ᠃ | ᠭᠦᠨᠳᠡᠢ ᠶᠢᠨ ᠵᠡᠷᠭᠡᠯᠭᠡᠨ ᠳᠤᠭᠯᠠᠭᠤᠯᠤᠭᠰᠠᠨ ᠵᠢᠷᠭᠠᠯᠠᠩᠳᠤ ᠶᠢᠨ ᠰᠠᠶᠢᠬᠠᠨ ᠬᠦᠨᠳᠡᠢ᠂ ᠤᠰᠤᠨ ᠤ ᠠᠷ ᠪᠦᠵᠢᠬᠦᠯᠥᠭᠰᠡᠨ ᠪᠠᠭᠤᠳᠠᠯ ᠤᠨ ᠴᠡᠩᠭᠡᠷ ᠨᠠᠭᠤᠷ᠂ | ᠡᠪᠡᠰᠥ ᠰᠢᠷᠡᠯᠵᠢ ᠶᠢᠨ ᠬᠢᠨᠢ ᠦᠨᠥᠷ ᠬᠦᠷᠳᠡᠯᠡ ᠰᠡᠳᠬᠢᠯ ᠳᠤ ᠠᠶᠠᠳᠠᠶᠢᠬᠠᠨ ᠰᠢᠩᠭᠡᠭᠰᠡᠨ ᠴᠠᠭᠠᠨ ᠳᠠᠷᠠᠰᠤ ᠲᠠᠢ ᠴᠠᠶᠢᠳᠠᠮ᠂ ᠰᠢᠳᠠᠮᠠ ᠬᠠᠯᠠᠭᠤᠨ ᠳᠤ | ᠬᠤᠷᠠᠭᠠ ᠢᠰᠢᠭᠡ ᠲᠠᠢ ᠪᠠᠨ ᠰᠡᠬᠦᠳᠡᠷᠯᠡᠳᠡᠭ ᠭᠡᠭᠡᠷᠡ ᠶᠢᠨ ᠬᠤᠶᠠᠷ ᠤᠳᠠ ᠦᠩᠭᠡ ᠵᠦᠢᠷᠯᠠᠮᠠ ᠦᠭᠡᠢ ᠬᠦᠨ ᠴᠡᠩᠭᠡᠷ ᠳᠡᠭᠷᠢ᠂ ᠬᠤᠷᠠᠭᠠᠨ ᠴᠠᠭᠠᠨ ᠡᠬᠦᠯᠡᠰ | ᠨᠠᠳᠠ ᠠᠴᠠ ᠶᠠᠭᠤ ᠨᠢᠭᠡ ᠶᠢ ᠠᠰᠠᠭᠤᠵᠤ ᠪᠠᠶᠢᠮᠠᠷ᠂ ᠨᠤᠳᠤᠭ ᠤᠨ ᠮᠢᠨᠢ ᠪᠤᠭᠤᠷᠤᠯᠴᠤᠳ ᠤᠨ ᠢᠷᠥᠭᠡᠯ ᠰᠢᠩᠭᠡᠭᠰᠡᠨ ᠦᠨᠡᠨᠴᠢᠭᠡᠨ ᠬᠠᠷᠡᠴᠡ ᠴᠠᠭ ᠢᠮᠠᠭᠳᠠ | ᠨᠠᠮᠠᠢᠢ ᠰᠢᠷᠳᠠᠵᠤ ᠪᠠᠶᠢᠬᠤ ᠰᠢᠭ᠋᠃ ᠮᠡᠳᠡᠭᠡ ᠤᠷᠤᠭᠰᠠᠨ ᠠᠴᠠ ᠨᠡᠭᠠᠰᠢ᠂ ᠳᠦᠴᠢᠨ ᠵᠢᠯ ᠢᠶᠠᠨ ᠡᠷᠬᠢᠨ ᠰᠠᠨᠠᠬᠤ ᠳᠤ ᠠᠮᠵᠢᠯᠳᠡ ᠮᠢᠨᠢ ᠪᠠᠭᠠ᠂ ᠠᠯᠳᠠᠭᠠ ᠮᠢᠨᠢ | ᠶᠡᠭᠡ᠃ ᠰᠤᠷᠭᠠᠭᠤᠯᠢ ᠪᠠᠨ ᠳᠡᠭᠦᠰᠥᠭᠡᠳ ᠨᠤᠳᠤᠭ ᠡᠷᠬᠢᠨ ᠡᠯᠢᠭᠡᠨ ᠨᠤᠳᠤᠭ ᠲᠠᠭᠠᠨ ᠶᠠᠭᠤ ᠨᠢᠭᠡ ᠶᠢ ᠭᠢᠬᠦ ᠮᠢᠨᠢ ᠶᠠᠭᠠᠬᠢᠯᠠ︖ | ᠳᠦᠷᠥᠬᠦᠯᠡᠵᠥ ᠪᠢ ᠬᠦᠳᠡᠭᠡ ᠳᠡᠭᠡᠨ ᠬᠠᠷᠢᠬᠤ ᠶᠤᠰᠤᠳᠠᠢ ᠬᠦᠮᠥᠨ᠂ ᠬᠦᠷᠦᠰᠦ ᠰᠢᠷᠥᠢ ᠶᠢᠨ ᠬᠢᠨᠢ ᠦᠨᠥᠷ ᠰᠡᠳᠬᠢᠯ ᠳᠤ ᠰᠢᠩᠭᠡᠭᠰᠡᠨ ᠰᠠᠶᠢᠬᠠᠨ ᠬᠦᠳᠡᠭᠡ | ᠪᠢᠳᠠᠨ ᠢ ᠬᠦᠯᠢᠶᠡᠵᠥ ᠪᠠᠶᠢᠭᠠ᠂ ᠬᠠᠷᠢᠵᠤ ᠤᠴᠢᠭᠠᠳ ᠬᠦᠥ ᠳᠡᠭᠡᠨ ᠶᠠᠭᠤ ᠨᠢᠭᠡ ᠶᠢ ᠭᠡᠯᠡᠶᠡ ᠭᠡᠰᠡᠨ ᠪᠤᠯᠪᠠᠴᠤ ᠬᠤᠭᠤᠯᠠᠢ ᠵᠠᠩᠬᠢᠷᠠᠪᠠ ᠁ |