| — ᠨᠡᠷᠡᠳᠦ ᠶᠠᠰᠤ ᠪᠠᠷᠢᠶᠠᠴᠢ ᠦᠨᠢᠷ ᠭᠤᠸᠠᠢ ᠵᠢᠨᠦᠢᠯᠠ ᠠᠵᠢᠯᠯᠠᠭᠠ ᠶᠢ ᠲᠡᠮᠳᠡᠭᠯᠡᠪᠡ | ᠰᠤᠷᠪᠤᠯᠵᠢᠯᠠᠬᠴᠢ ᠴᠢᠷᠮᠠ | ᠨᠠᠶᠠᠨ ᠲᠠᠪᠤ ᠶᠢᠨ ᠦᠨᠳᠦᠷ ᠨᠠᠰᠤᠨ ᠤ ᠪᠤᠶᠠᠨ ᠢ ᠡᠳ᠋ᠯᠡᠵᠦ ᠶᠠᠪᠤᠭᠠ ᠨᠠᠷᠡᠳᠦ ᠶᠠᠰᠤ ᠪᠠᠷᠢᠶᠠᠴᠢ ᠦᠨᠢᠷ | ᠨᠠᠰᠤᠳᠠᠨ ᠤᠳᠤ ᠬᠦᠷᠳᠡᠯᠠ᠂ ᠪᠡᠷᠳᠡᠵᠦ ᠵᠤᠪᠠᠭᠠᠳ ᠵᠤᠷᠢᠵᠦ ᠢᠷᠡᠭᠰᠡᠨ ᠬᠦᠮᠦᠰ ᠢ ᠵᠠᠰᠠᠵᠦ ᠡᠳᠡᠭᠡᠭᠡᠨ | ᠪᠠᠶᠠᠷᠯᠠᠭᠤᠯᠵᠦ ᠪᠤᠴᠠᠭᠠᠨᠠ᠃ ᠦᠨᠢᠷ ᠭᠤᠸᠠᠢ ᠦᠪᠦᠷ ᠮᠤᠩᠭᠤᠯ ᠤᠨ ᠰᠢᠯᠢ ᠶᠢᠨ ᠬᠤᠳᠠ ᠶᠢᠨ ᠪᠤᠯᠠᠭᠠᠨ ᠰᠤᠮᠤᠨ ᠤ | ᠦᠯᠵᠡᠶᠢᠳᠡᠯᠭᠡᠷ ᠭᠠᠴᠠᠭᠠ ᠪᠠᠷ ᠨᠤᠳᠤᠭ ᠲᠠᠢ᠃ ᠶᠠᠰᠤ ᠪᠠᠷᠢᠶᠠᠴᠢ ᠦᠨᠢᠷ ᠡᠪᠦᠭᠡᠨ ᠭᠡᠪᠡᠯ ᠬᠠᠪᠢ ᠳᠦᠰᠦᠷ ᠢ ᠪᠤᠤ | ᠬᠡᠯᠡ ᠬᠤᠯᠠ ᠬᠦᠨᠳᠡᠯᠡᠨ ᠬᠤᠰᠢᠭᠤ ᠠᠶᠢᠮᠠᠭ᠂ ᠡᠾᠧᠪᠸᠢ ᠵᠡᠷᠭᠡ ᠮᠤᠵᠢ ᠤᠷᠤᠨ ᠤ ᠬᠢᠨ ᠮᠡᠳᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ | ᠂ ᠮᠤᠩᠭᠤᠯ ᠤᠯᠤᠰ ᠪᠤᠶᠤ ᠬᠠᠷᠢ ᠶᠢᠨ ᠬᠦᠮᠦᠰ ᠴᠦ ᠠᠯᠳᠠᠷ ᠢ ᠨᠢ ᠮᠡᠳᠡᠨᠠ᠃ | ᠬᠦᠮᠦᠨ ᠠᠷᠠᠳ ᠲᠤ ᠪᠠᠨ ᠳᠤᠰᠠ ᠪᠤᠶᠠᠨ ᠪᠤᠯᠵᠦ ᠶᠠᠪᠤᠨᠠ | ᠶᠠᠰᠤ ᠪᠠᠷᠢᠬᠤ ᠤᠷᠠ ᠮᠡᠷᠭᠡᠵᠢᠯ ᠪᠣᠯ ᠮᠠᠨ ᠤ ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠴᠢᠬᠤᠯᠠ ᠨᠢᠭᠡ | ᠪᠦᠷᠢᠯᠳᠦᠭᠦᠨ ᠭᠡᠰᠡᠭ ᠶᠤᠮ᠃ ᠮᠤᠩᠭᠤᠯᠴᠤᠳ ᠡᠷᠳᠡᠨ ᠠᠴᠠ ᠪᠠᠨ ᠠᠪᠤᠭᠠᠳ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠪᠤᠶᠤ | ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠤ ᠦᠶᠡᠰ᠂ ᠶᠠᠰᠤ ᠪᠠᠨ ᠪᠡᠷᠳᠡᠭᠡᠭᠦ᠂ ᠦᠶᠠ ᠪᠠᠨ ᠪᠤᠯᠵᠠᠭᠠᠬᠤ ᠳᠤ ᠪᠠᠷᠢᠶᠠᠴᠢ ᠠᠴᠠ ᠶᠠᠮᠠᠷᠴᠦ | ᠮᠠᠰᠢᠨ ᠪᠠᠭᠠᠵᠢ ᠬᠡᠷᠡᠭᠰᠡᠬᠦ ᠦᠭᠡᠢ ᠪᠠᠷ ᠦᠵᠡᠵᠦ ᠲᠡᠮᠳᠡᠷᠢᠬᠦ᠂ ᠨᠤᠬᠤᠯᠵᠦ ᠳᠠᠷᠤᠬᠤ᠂ ᠳᠠᠳᠠᠵᠦ ᠰᠡᠭᠰᠦᠷᠬᠦ ᠵᠡᠷᠭᠡ | ᠠᠷᠭᠠ ᠪᠠᠷᠢᠯ ᠢᠶᠠᠷ ᠬᠤᠭᠤᠷᠠᠵᠦ ᠪᠡᠷᠳᠡᠭᠰᠡᠨ ᠢ ᠨᠢ ᠵᠠᠯᠭᠠᠵᠦ᠂ ᠦᠶᠠ ᠭᠡᠰᠢᠭᠦᠦ ᠢ ᠨᠢ ᠤᠷᠤᠭᠤᠯᠤᠨ᠂ ᠮᠢᠬᠠ | ᠰᠢᠷᠪᠦᠰᠦ ᠶᠢ ᠨᠢ ᠠᠨᠠᠭᠠᠵᠦ ᠡᠳᠡᠭᠡᠳᠡᠭ᠃ ᠵᠢᠷᠠᠭᠠᠳ ᠵᠢᠯ ᠤᠨ ᠳᠤᠷᠰᠢ ᠡᠨᠡᠬᠦ ᠳᠠᠯᠠᠢ ᠶᠡᠭᠡ ᠪᠠᠶᠠᠨ ᠦᠪ ᠢᠶᠠᠨ | ᠦᠪᠯᠡᠨ ᠤᠯᠠᠮᠵᠢᠯᠠᠵᠦ᠂ ᠪᠠᠳᠠᠷᠠᠭᠤᠯᠤᠨ ᠬᠦᠭᠵᠢᠭᠦᠯᠵᠦ ᠦᠢ ᠤᠯᠠᠨ ᠳᠤ ᠪᠠᠨ ᠳᠤᠰᠠ ᠪᠤᠶᠠᠨ ᠭᠦᠷᠳᠡᠭᠡᠵᠦ ᠶᠠᠪᠤᠭᠠ | ᠬᠦᠮᠦᠨ ᠪᠣᠯ ᠦᠨᠢᠷ ᠭᠤᠸᠠᠢ ᠪᠢᠯᠡ᠃ ᠦᠨᠢᠷ ᠭᠤᠸᠠᠢ ᠶᠢᠨ ᠦᠬᠢᠨ ᠽᠠᠨᠳᠠᠨᠬᠤᠸᠠᠷ᠂ ᠵᠢᠭᠡ ᠤᠮᠪᠤᠯᠤ ᠦᠬᠢᠨ | ᠰᠤᠯᠤᠩᠭᠤᠸᠠ᠂ ᠵᠢᠭᠡ ᠤᠮᠪᠤᠯᠤ ᠳᠡᠯᠭᠡᠷ ᠨᠢ ᠪᠦᠷ ᠪᠠᠭᠠ ᠠᠴᠠ ᠪᠠᠨ ᠨᠠᠰᠤᠳᠠᠨ ᠤ ᠶᠠᠰᠤ ᠪᠠᠷᠢᠬᠤ | ᠮᠡᠷᠭᠡᠵᠢᠯ ᠢ ᠲᠠᠭᠠᠨ ᠰᠤᠷᠴᠦ᠂ ᠤᠳᠤ ᠪᠡᠶᠠ ᠪᠠᠨ ᠳᠠᠭᠠᠭᠠᠵᠦ ᠶᠠᠰᠤ ᠪᠠᠷᠢᠵᠦ ᠪᠠᠶᠢᠬᠤ ᠪᠠᠷ ᠢᠶᠠᠨ ᠭᠤᠷᠪᠠᠨ | ᠦᠶᠠ ᠶᠢᠨ ᠪᠠᠷᠢᠶᠠᠴᠢ ᠠᠶᠢᠯ ᠪᠤᠯᠵᠠᠢ᠃ | ᠤᠷᠴᠢᠮᠬᠠᠨ ᠪᠢ ᠦᠨᠢᠷ ᠨᠠᠰᠤᠳᠠᠨ ᠲᠠᠢ ᠠᠵᠠ ᠪᠠᠷ ᠵᠤᠯᠭᠠᠵᠦ ᠰᠤᠷᠪᠤᠯᠵᠢᠯᠠᠭᠠ ᠠᠪᠤᠬᠰᠡᠨ ᠶᠤᠮ᠃ ᠨᠠᠮᠠ ᠶᠢ | ᠬᠦᠷᠬᠦ ᠳᠤ ᠦᠨᠢᠷ ᠭᠤᠸᠠᠢ ᠰᠢᠯᠢ ᠶᠢᠨ ᠬᠤᠳᠠ ᠶᠢᠨ ᠪᠸᠢ ᠬᠠᠢ ᠪᠠᠭᠤᠳᠠᠯ ᠤᠨ ᠨᠢᠭᠡ ᠦᠷᠦᠭᠡᠨ ᠳᠤ | ᠡᠪᠡᠳᠴᠢᠳᠡᠨ ᠳᠤ ᠦᠢᠯᠡᠴᠢᠯᠡᠭᠡᠳ ᠶᠠᠭᠠᠷᠠᠵᠦ ᠪᠠᠶᠢᠯᠠ᠃ ᠬᠤᠯᠠ ᠤᠶᠢᠷᠠ ᠶᠢᠨ ᠨᠠᠰᠤᠳᠠᠢ᠂ ᠵᠠᠯᠠᠭᠤ ᠤᠯᠠᠨ | ᠡᠪᠡᠳᠴᠢᠳᠡᠨ ᠴᠦᠷᠬᠦᠯᠳᠤᠨ ᠶᠠᠰᠤ ᠦᠶᠠ᠂ ᠮᠡᠳᠡᠷᠡᠯ᠂ ᠰᠢᠷᠪᠦᠰᠦ ᠰᠤᠳᠠᠯ ᠬᠡᠬᠦᠴᠢᠯᠡᠨ ᠠᠷᠬᠠᠭ ᠡᠪᠡᠳᠴᠢᠨ ᠢᠶᠠᠨ | ᠦᠵᠡᠭᠦᠯᠵᠦ ᠪᠠᠶᠢᠪᠠ᠃ ᠵᠠᠪᠰᠠᠷ ᠲᠤ ᠨᠢ ᠪᠢ ᠲᠡᠭᠦᠨ ᠤ ᠪᠠᠷᠢᠶᠠᠴᠢ ᠶᠠᠪᠤᠬᠰᠡᠨ ᠭᠡᠰᠡᠭ ᠦᠯᠢᠭᠡᠷ ᠵᠤᠭᠤᠭ ᠠᠴᠠ ᠨᠢ | ᠬᠤᠪᠢᠶᠠᠯᠴᠠᠵᠦ᠂ ᠠᠵᠢᠯ ᠠᠮᠢᠳᠤᠷᠠᠯ ᠤᠨ ᠬᠢᠨᠢ ᠪᠠᠶᠢᠳᠠᠯ ᠢ ᠤᠶᠢᠯᠠᠭᠠᠯᠠ᠃ ᠨᠠᠰᠤᠳᠠᠨ ᠮᠠᠰᠢ ᠦᠭᠡᠳᠡᠷᠬᠡᠭ | ᠰᠡᠳᠬᠢᠯ ᠲᠠᠢ᠂ ᠶᠠᠷᠢᠶᠠ ᠬᠦᠬᠡᠷᠦᠬᠡ ᠲᠠᠢ ᠬᠦᠮᠦᠨ ᠪᠠᠶᠢᠵᠦ᠂ ᠦᠬᠡ ᠶᠠᠷᠢᠶᠠ ᠨᠢ ᠶᠦᠮᠦᠷᠯᠢᠭ ᠰᠤᠨᠤᠰᠪᠦᠷᠢᠳᠠᠢ | ᠪᠠᠶᠢᠯᠠ᠃ | ᠦᠨᠢᠷ ᠭᠤᠸᠠᠢ᠄ ︽ᠪᠢ ᠴᠢᠨᠢ ᠮᠠᠯᠴᠢᠨ ᠬᠦᠮᠦᠨ᠃ ᠶᠠᠰᠦ ᠪᠠᠷᠢᠶᠠᠴᠢ ᠶᠢᠨ ᠠᠵᠢᠯ ᠢ ᠵᠢᠷᠠᠭᠠᠳ ᠵᠢᠯ | ᠬᠢᠴᠢᠬᠡᠯᠠ᠃ ᠪᠡᠶᠢᠰᠡ ᠶᠢᠨ ᠰᠦᠮᠠ ᠶᠢᠨ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ ᠪᠠᠷᠢᠶᠠᠴᠢ ᠡᠮᠴᠢ ᠪᠠᠷ ᠠᠷᠪᠠᠭᠠᠳ | ᠵᠢᠯ ᠠᠵᠢᠯᠯᠠᠵᠠᠢ᠃ ᠭᠠᠴᠠᠭᠠᠨ ᠳᠠᠷᠤᠭᠠ᠂ ᠱᠦᠵᠢ ᠭᠡᠳ ᠭᠠᠴᠠᠭᠠᠨ ᠤ ᠠᠵᠢᠯ ᠢ 28 ᠵᠢᠯ ᠬᠢᠵᠦ᠂ ᠮᠠᠯ ᠤᠨ | ᠡᠮᠴᠢ ᠶᠢᠨ ᠠᠵᠢᠯ ᠢ ᠪᠠᠰᠠ ᠬᠢᠵᠦ ᠪᠠᠶᠢᠬᠰᠡᠨ᠃ ᠬᠤᠰᠢᠭᠤ᠂ ᠠᠶᠢᠮᠠᠭ ᠤᠨ ᠳᠡᠰ ᠤᠨ ᠬᠦᠳᠡᠯᠮᠦᠷᠢ ᠶᠢᠨ ᠵᠢᠱᠢᠶᠡᠴᠢ᠂ | ᠰᠢᠯᠢᠳᠡᠭ ᠨᠠᠮ ᠤᠨ ᠭᠡᠰᠢᠭᠦᠨ ᠢᠶᠠᠷ ᠤᠯᠠᠨ ᠤᠳᠠᠭᠠ ᠬᠦᠬᠢᠭᠦᠯᠦᠭᠳᠡᠵᠦ᠂ ᠰᠤᠮᠤ᠂ ᠬᠤᠳᠠ ᠶᠢᠨ ᠠᠷᠠᠳ ᠤᠨ | ᠲᠦᠯᠦᠭᠡᠯᠡᠭᠴᠢ ᠪᠤᠯᠵᠦ᠂ ᠪᠠᠰᠠ ᠲᠦᠪ ᠷᠠᠳᠢᠤ᠋ ᠶᠢᠨ ᠮᠤᠩᠭᠤᠯ ᠬᠡᠯᠡᠨ ᠤ ᠭᠡᠯᠳᠡᠰ ᠪᠠᠶᠢᠭᠤᠯᠤᠬᠳᠠᠬᠰᠡᠨ 50 ᠵᠢᠯ ᠤᠨ | ᠤᠢ ᠶᠢᠨ ᠪᠠᠶᠠᠷ ᠲᠤ ᠠᠶᠢᠮᠠᠭ ᠠᠴᠠ ᠪᠠᠨ ᠴᠣᠷ ᠤᠨ ᠭᠠᠭᠴᠠ ᠮᠠᠯᠴᠢᠨ ᠲᠦᠯᠦᠭᠡᠯᠡᠭᠴᠢ ᠪᠠᠷ ᠰᠤᠩᠭᠤᠬᠳᠠᠵᠦ᠂ | ᠨᠡᠶᠢᠰᠯᠡᠯ ᠪᠡᠭᠡᠵᠢᠩ ᠳᠤ ᠬᠦᠷᠴᠦ ᠪᠡᠯᠭᠡᠯᠡᠬᠦ ᠠᠵᠢᠯᠠᠯᠭᠠ ᠳᠤ ᠨᠢ ᠤᠷᠤᠯᠴᠠᠵᠦ ᠪᠠᠶᠢᠯᠠ᠃ ᠤᠳᠤ ᠬᠦᠳᠡᠭᠡ ᠪᠠᠨ | ᠬᠦᠭᠰᠢᠨ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠬᠡᠤᠬᠡᠳ᠂ ᠤᠮᠪᠤᠯᠤ ᠲᠤᠮᠪᠤᠯᠤ ᠶᠢᠨ ᠢᠶᠠᠨ ᠳᠡᠷᠭᠡᠳᠠ᠂ ᠮᠠᠯ ᠠᠬᠤᠢ ᠳᠤ ᠨᠢ | ᠵᠢᠭᠠᠵᠦ ᠳᠤᠬᠢᠨ᠂ ᠵᠠᠷᠢᠮ ᠳᠤ ᠪᠠᠨ ᠰᠢᠯᠢ ᠶᠢᠨ ᠬᠤᠳᠠ ᠳᠤ ᠢᠷᠡᠵᠦ ᠶᠠᠰᠤ ᠪᠠᠷᠢᠵᠦ᠂ ᠵᠠᠷᠢᠮ ᠳᠤ ᠪᠠᠨ ᠭᠡᠷ ᠲᠤ ᠪᠠᠨ | ᠦᠵᠡᠨᠠ᠃ ᠤᠳᠤ ᠴᠢᠨᠢ ︿ᠲᠡᠮᠦᠷ ᠴᠢᠬᠢ﹀ ᠲᠠᠢ ᠪᠤᠯᠬᠤᠷ ᠬᠦᠮᠦᠰ ᠨᠠᠮᠠ ᠶᠢ ᠬᠠᠮᠢᠭᠠ ᠠᠴᠠ ᠴᠦ ᠡᠷᠢᠭᠡᠳ | ᠤᠯᠴᠢᠬᠠᠨᠠ︾ ᠭᠡᠵᠦ ᠢᠨᠢᠶᠡᠨ ᠶᠠᠷᠢᠬᠰᠡᠨ ᠢᠶᠠᠨ ᠵᠠᠯᠭᠠᠭᠠᠳ ︽ᠤᠳᠤ ᠪᠣᠯ ᠶᠠᠰᠦ ᠪᠠᠷᠢᠵᠦ᠂ ᠦᠶᠠ ᠨᠤᠬᠤᠯᠬᠤ | ᠨᠠᠰᠦ ᠪᠢᠰᠢ ᠪᠤᠯᠵᠠᠢ᠃ ᠭᠡᠪᠴᠦ ᠬᠦᠮᠦᠰ ᠡᠪᠡᠳᠴᠦ ᠰᠢᠨᠠᠯᠤᠭᠠᠳ ᠢᠷᠡᠬᠦ ᠳᠤ ᠦᠵᠡᠭᠡᠳ ᠲᠦᠪᠳᠡᠬᠦ ᠦᠬᠡᠢ᠂ | ᠦᠭᠡᠢ ᠭᠡᠵᠦ ᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠤᠯᠬᠤᠷ ᠮᠦᠨ ᠦᠵᠡᠵᠦ ᠯᠠ ᠪᠠᠶᠢᠨᠠ᠃ ᠮᠢᠨᠤ ᠦᠬᠢᠨ᠂ ᠬᠤᠶᠠᠷ ᠵᠢᠭᠡ | ᠤᠮᠪᠤᠯᠤ ᠪᠦᠷ ᠶᠠᠰᠤ ᠪᠠᠷᠢᠨᠠ᠃ ᠪᠢ ᠪᠠᠰᠠ ᠠᠷᠪᠠᠭᠠᠳ ᠱᠠᠪᠢ ᠬᠦᠮᠦᠵᠢᠭᠦᠯᠵᠠᠢ᠃ ᠬᠦᠮᠦᠨ ᠰᠤᠷᠤᠶᠠ ᠮᠡᠳᠡᠶᠠ | ᠭᠡᠳ ᠵᠤᠷᠢᠵᠦ ᠢᠷᠡᠬᠦ ᠳᠤ᠂ ᠠᠪᠤᠷᠠᠵᠦ ᠳᠤᠰᠠᠯᠠᠬᠤ ᠮᠡᠷᠭᠡᠵᠢᠯ ᠪᠤᠯᠬᠤᠷ ᠢᠯᠡᠭᠦᠦ ᠨᠢᠭᠡ ᠬᠦᠮᠦᠨ ᠰᠤᠷᠪᠠᠯ ᠢᠯᠡᠭᠦᠦ | ᠨᠢᠭᠡ ᠡᠪᠡᠳᠴᠢᠳᠡᠨ ᠢ ᠡᠳᠡᠭᠡᠵᠦ ᠳᠤᠰᠠᠯᠠᠨᠠ᠂ ᠡᠶᠢᠮᠦ ᠠᠴᠠ ᠰᠤᠷᠬᠤ ᠪᠠᠷ ᠢᠷᠡᠭᠰᠡᠨ ᠬᠡᠤᠬᠡᠳ ᠲᠤ ᠪᠣᠯ ᠵᠢᠭᠠᠭᠠᠳ | ᠦᠭᠳᠡᠭ᠃ ᠮᠢᠨᠤ ᠠᠵᠢᠯ ᠴᠢᠨᠢ ᠨᠠᠮ ᠤᠨ ᠤᠨᠤᠯ ᠢᠶᠠᠷ ᠪᠣᠯ ᠠᠷᠠᠳ ᠲᠦᠮᠡᠨ ᠳᠤ ᠦᠢᠯᠡᠴᠢᠯᠡᠨᠠ᠂ ᠪᠤᠷᠬᠠᠨ ᠤ | ᠦᠵᠡᠯ ᠢᠶᠠᠷ ᠪᠣᠯ ᠪᠤᠶᠠᠨ ᠦᠢᠯᠡᠳᠦᠨᠠ︾ ᠭᠡᠵᠦ ᠶᠦᠮᠦᠷᠯᠢᠭ ᠬᠡᠯᠡᠨᠠ᠃ | ᠨᠠᠰᠤᠳᠠᠨ ᠶᠡᠷᠦᠨᠢ ᠡᠶᠢᠮᠤ ᠯᠠ ᠲᠠᠶᠢᠪᠤᠩ ᠳᠦᠯᠭᠡᠨ ᠵᠠᠩ ᠠᠭᠠᠰᠢ᠂ ᠱᠤᠭ ᠶᠦᠮᠦᠷᠯᠢᠭ ᠦᠭᠡ ᠶᠠᠷᠢᠶᠠ ᠲᠠᠢ᠂ | ᠳᠤᠰᠠᠴᠢ ᠪᠤᠶᠠᠨᠰᠠᠭ ᠰᠡᠳᠬᠢᠯ ᠲᠠᠢ ᠬᠦᠮᠦᠨ ᠪᠢᠯᠡ᠃ ᠨᠠᠶᠠᠨ ᠳᠠᠪᠤ ᠶᠢᠨ ᠦᠨᠳᠦᠷ ᠨᠠᠰᠤᠨ ᠬᠤᠳᠤᠭ | ᠵᠣᠭᠤᠭᠯᠠᠭᠠᠴᠢᠬᠠᠭᠠᠳ ᠪᠠᠰᠠ ᠰᠠᠨᠠᠭᠠ ᠰᠠᠷᠠᠭᠤᠯ᠂ ᠪᠡᠶᠠ ᠲᠡᠩᠭᠡᠯᠡᠭᠦᠨ᠂ ᠬᠦᠮᠦᠨ ᠵᠤᠨ ᠳᠤ ᠪᠠᠨ ᠳᠤᠰᠠ ᠪᠤᠯᠵᠦ᠂ | ᠤᠯᠠᠨ ᠤ ᠪᠠᠨ ᠪᠢᠰᠢᠷᠡᠯ ᠬᠦᠨᠳᠤᠳᠭᠡᠯ᠂ ᠬᠠᠯᠠᠭᠤᠨ ᠤᠬᠳᠤᠯᠭᠠ ᠶᠢ ᠤᠯᠵᠦ ᠶᠠᠪᠤᠨᠠ᠃ | ᠦᠨᠢᠷ ᠨᠠᠰᠤᠳᠠᠨ ᠤ ᠱᠠᠪᠢ ᠰᠤᠶᠤᠯᠴᠡᠴᠡᠭ᠄ ︽ᠮᠠᠨ ᠤ ᠪᠠᠭᠰᠢ ᠪᠢᠳᠡᠨ ᠳᠤ ᠮᠡᠳᠡᠯᠭᠡ ᠮᠡᠷᠭᠡᠵᠢᠯ ᠢᠶᠠᠨ | ᠬᠠᠷᠠᠮ ᠦᠭᠡᠢ᠂ ᠬᠠᠯᠠᠰᠢᠷᠠᠯ ᠦᠭᠡᠢ ᠵᠢᠭᠠᠵᠦ ᠵᠢᠯᠤᠭᠤᠳᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠬᠦᠮᠦᠨ ᠪᠤᠯᠬᠤ ᠶᠤᠰᠤ | ᠤᠴᠢᠷ ᠢ ᠴᠦ ᠦᠷᠭᠦᠯᠵᠢ ᠵᠢᠭᠠᠵᠦ᠂ ᠪᠡᠶᠠ ᠪᠠᠷ ᠢᠶᠠᠨ ᠬᠡᠪ ᠳᠦᠷᠢᠮ ᠦᠵᠡᠭᠦᠯᠵᠦ ᠪᠠᠶᠢᠳᠠᠭ᠃ ︿ᠬᠦᠮᠦᠨ ᠤ ᠡᠳ᠋ | ᠶᠠᠭᠤᠮᠠ ᠶᠢ ᠦᠵᠡᠵᠦ ᠡᠮᠴᠢᠯᠡᠵᠦ ᠵᠠᠰᠠᠵᠦ ᠪᠤᠯᠬᠤ ᠦᠭᠡᠢ᠂ ᠶᠡᠭᠤ ᠴᠦ ᠦᠭᠡᠢ ᠬᠦᠮᠦᠨ ᠳᠤ ᠴᠦ ᠶᠠᠰᠦ ᠶᠢ ᠨᠢ | ᠪᠠᠷᠢᠵᠦ ᠵᠠᠰᠠᠵᠦ ᠦᠭᠭᠦ ᠬᠡᠷᠡᠭᠳᠡᠢ᠃ ᠬᠦᠮᠦᠨ ᠪᠠᠶᠠᠷᠯᠠᠭᠠᠳ ᠬᠠᠯᠠᠭᠤᠨ ᠭᠠᠷ ᠠᠳᠬᠤᠵᠦ ᠲᠠᠯᠠᠷᠬᠠᠬᠤ ᠳᠤ ᠯᠠ | ᠬᠠᠷᠢᠭᠤ ᠨᠢ ᠭᠡᠵᠦ ᠪᠤᠳᠤ﹀ ᠬᠡᠮᠡᠨ ᠵᠠᠬᠢᠳᠠᠭ︾ ᠭᠡᠵᠦ ᠳᠤᠬᠳᠤᠯᠤᠨ ᠶᠠᠷᠢᠵᠦ ᠪᠠᠶᠢᠯᠠ᠃ | ᠶᠠᠰᠤ ᠪᠠᠷᠢᠬᠤ ᠦᠢᠯᠠ ᠶᠢᠨ ᠳᠤᠮᠤᠬᠯᠢᠭ ᠡᠬᠢᠯᠡᠯᠳᠠ | ᠦᠨᠢᠷ ᠭᠤᠸᠠᠢ ᠶᠢᠨ ᠡᠪᠦᠭᠡ ᠠᠪᠤ ᠨᠢ ᠰᠠᠶᠢᠨ ᠡᠮᠴᠢ ᠪᠠᠶᠢᠵᠠᠢ᠃ ᠡᠪᠦᠭᠡ ᠠᠪᠤ ᠶᠢᠨ ᠬᠢᠨᠢ ᠡᠷᠳᠡᠮ ᠮᠡᠷᠭᠡᠵᠢᠯ᠂ | ᠡᠪᠡᠳᠴᠢᠳᠡᠨ ᠳᠤ ᠦᠢᠯᠡᠴᠢᠯᠡᠬᠦ ᠤᠪᠤᠷ ᠰᠤᠷᠳᠠᠯ ᠨᠢ ᠲᠡᠭᠦᠨ ᠢ ᠶᠡᠬᠡᠪᠡᠷ ᠨᠦᠯᠦᠭᠡᠯᠡᠵᠢ᠃ ᠲᠡᠭᠦᠨ ᠤ ᠶᠠᠭ ᠶᠠᠰᠤ | ᠪᠠᠷᠢᠬᠤ ᠮᠡᠷᠭᠡᠵᠢᠯ ᠰᠤᠷᠴᠦ ᠡᠬᠢᠯᠡᠭᠰᠡᠨ ᠨᠢ ᠬᠠᠷᠢᠨ ᠨᠢᠭᠡ ᠳᠤᠮᠤᠬᠯᠢᠭ ᠦᠯᠢᠭᠡᠷ ᠲᠠᠢ ᠪᠠᠶᠢᠳᠠᠭ᠃ ᠦᠨᠢᠷ | ᠭᠤᠸᠠᠢ ᠶᠢᠨ ᠭᠠᠯ ᠵᠠᠯᠠᠭᠤ ᠬᠤᠷᠢᠨ ᠨᠢᠭᠡ ᠲᠠᠢ ᠵᠢᠯ ᠤᠨ ᠬᠢᠨᠢ ᠡᠪᠦᠯ᠂ ᠲᠡᠳᠡᠨ ᠤ ᠲᠠᠢ ᠨᠤᠳᠤᠭ ᠤᠶᠢᠷᠠᠯᠴᠠᠭᠠ | ᠰᠠᠭᠤᠳᠠᠭ ᠨᠡᠷᠡᠳᠦ ᠡᠮᠴᠢ᠂ ᠪᠠᠷᠢᠶᠠᠴᠢ᠂ ᠮᠡᠷᠭᠡᠨ ᠯᠠᠮᠠ ᠳ᠋ᠠᠨᠳᠠᠷ ᠨᠠᠰᠤᠳᠠᠨ ᠲᠡᠭᠦᠨ ᠤ ᠭᠠᠷ ᠢ ᠪᠠᠷᠢᠵᠦ ᠦᠵᠡᠭᠡᠳ᠄ | ︽ᠴᠢ ᠬᠤᠵᠢᠮ ᠨᠢᠭᠡ ᠨᠡᠷᠡᠳᠡᠢ ᠡᠮᠴᠢ ᠡᠰᠡᠬᠦᠯᠠ ᠰᠠᠶᠢᠨ ᠶᠠᠰᠤ ᠪᠠᠷᠢᠶᠠᠴᠢ ᠪᠤᠯᠵᠦ ᠪᠤᠶᠠᠨ ᠦᠢᠯᠡᠳᠬᠦ ᠶᠤᠮ ᠪᠠᠶᠢᠨᠠ | ︾ ᠭᠡᠵᠦ ᠬᠡᠯᠡᠬᠦ ᠳᠤ᠂ ᠲᠡᠷᠠ᠄ ︽ᠪᠢ ᠰᠤᠷᠤᠬᠰᠡᠨ ᠴᠦ ᠦᠭᠡᠢ ᠶᠤᠮ ᠴᠢᠨᠢ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠬᠠ᠂ ᠮᠠᠯ ᠢᠶᠠᠨ | ᠮᠠᠯᠵᠢᠬᠰᠡᠨ ᠨᠢ ᠳᠡᠭᠡᠷᠠ ᠪᠠᠶᠢᠯᠭᠦᠢ︾ ᠭᠡᠭᠦ ᠳᠤ ᠳ᠋ᠠᠨᠳᠠᠷ ᠮᠠᠮᠠ᠄ ︽ᠴᠢᠨᠤ ᠰᠠᠨᠠᠬᠰᠡᠨ ᠢᠶᠠᠷ ᠪᠤᠯᠬᠤ ᠦᠭᠡᠢ᠂ ᠬᠢᠭᠰᠡᠨ | ᠴᠦ ᠬᠢᠨᠠ᠂ ᠦᠭᠡᠢ ᠭᠡᠰᠡᠨ ᠴᠦ ᠬᠢᠨᠠ ᠳ᠋ᠠ︾ ᠭᠡᠵᠦ ᠵᠦᠩᠨᠡᠨ ᠬᠡᠯᠡᠵᠦ ᠭᠡᠨᠠ᠃ ᠮᠦᠨ ᠡᠨᠡᠬᠦ ᠵᠦᠩᠨᠡᠯ ᠢᠶᠠᠷ ᠨᠢ | ᠪᠤᠯᠤᠯᠠ ᠭᠡᠬᠦ ᠤᠤ᠂ ᠳᠠᠷᠠᠭᠠ ᠡᠪᠦᠯ ᠨᠢ ᠨᠤᠳᠤᠭ ᠤᠨ ᠬᠢᠨᠢ ᠪᠠᠰᠠ ᠨᠢᠭᠡ ᠳ᠋ᠠᠨᠳᠠᠷ ᠭᠡᠳᠡᠭ ᠨᠡᠷᠠ ᠲᠠᠢ ᠨᠠᠰᠤᠳᠠᠨ | ᠲᠡᠭᠦᠨ ᠢ ᠳᠠᠭᠤᠳᠠᠭᠠᠳ᠄ ︽ᠴᠢᠮᠠ ᠶᠢ ᠳ᠋ᠠᠨᠳᠠᠷ ᠮᠠᠮᠠ ᠰᠠᠶᠢᠨ ᠪᠠᠷᠢᠶᠠᠴᠢ ᠪᠤᠯᠤᠨᠠ ᠭᠡᠵᠦ ᠬᠡᠯᠡᠯᠠ ᠭᠡᠰᠡᠨ᠂ ᠪᠢ | ᠲᠡᠮᠡᠭᠡᠨ ᠠᠴᠠ ᠪᠠᠨ ᠤᠶᠢᠴᠢᠭᠠᠳ ᠬᠠᠪᠢᠷᠭᠠ ᠡᠪ ᠦᠭᠡᠢ ᠪᠠᠶᠢᠨᠠ᠃ ᠢᠯᠬᠢ ︵ᠪᠤᠭ ᠮᠠᠯ ᠤᠨ ᠴᠢᠪᠢ ᠤᠷᠴᠢᠮ ᠤᠨ | ᠨᠢᠮᠭᠡᠨ ᠠᠷᠠᠰᠦ︶ ᠬᠠᠶᠢᠴᠢᠯᠠᠵᠦ ᠴᠠᠪᠠᠤ ᠴᠢᠨᠠᠭᠠᠳ ᠪᠡᠯᠡᠳᠭᠡᠴᠢᠭᠰᠡᠨ ᠪᠠᠶᠢᠭᠠ᠂ ᠪᠢ ᠯᠤᠩᠬᠤ ᠦᠯᠢᠶᠡᠶᠠ᠂ ᠴᠢ | ᠢᠯᠭᠢ ᠨᠠᠭᠠ︾ ᠭᠡᠵᠦ ᠳᠤᠰᠢᠶᠠᠪᠠ᠃ ᠦᠨᠢᠷ ᠦᠵᠡᠭᠰᠡᠨ ᠴᠢᠨᠢ ᠭᠤᠷᠪᠠᠨ ᠬᠠᠪᠢᠷᠭᠠ ᠨᠢ ᠬᠤᠭᠤᠷᠠᠭᠠᠳ | ᠬᠤᠳᠤᠯᠵᠠᠵᠦ ᠪᠠᠶᠢᠪᠠ᠃ ᠲᠡᠭᠡᠭᠡᠳ ᠳ᠋ᠠᠨᠳᠠᠷ ᠨᠠᠰᠤᠳᠠᠨ ᠤ ᠬᠡᠯᠡᠭᠰᠡᠨ ᠶᠤᠰᠤᠭᠠᠷ ᠵᠠᠰᠠᠬᠰᠡᠨ ᠳᠤ ᠦᠨᠡᠬᠡᠷ ᠠᠮᠠᠷᠬᠠᠨ | ᠡᠳᠡᠭᠡᠷᠡᠵᠦ ᠭᠡᠨᠠ᠃ ᠳᠡᠭᠦᠨ ᠤ ᠶᠠᠰᠤ ᠪᠠᠷᠢᠬᠤ ᠠᠵᠢᠯ ᠢᠩᠭᠢᠵᠦ ᠡᠬᠢᠯᠡᠭᠰᠡᠨ ᠶᠤᠮ ᠪᠠᠶᠢᠨᠠ᠃ ᠡᠨᠡᠬᠦ ᠶᠠᠪᠤᠳᠠᠯ | ᠨᠢᠭᠡ ᠠᠴᠠ ᠠᠷᠪᠠ ᠳᠤ᠂ ᠠᠷᠪᠠ ᠠᠴᠠ ᠵᠠᠭᠤ ᠳᠤ ᠳᠠᠮᠵᠢᠬᠳᠠᠨ᠂ ᠤᠯᠠᠨ ᠬᠦᠮᠦᠨ ᠰᠤᠷᠠᠭ ᠢᠶᠠᠷ ᠨᠢ ᠦᠵᠡᠭᠦᠯᠵᠦ | ᠡᠳᠡᠭᠡᠷᠡᠭᠰᠡᠭᠡᠷ ᠶᠡᠭᠡ ᠨᠡᠷᠠ ᠭᠠᠷᠴᠠᠢ᠃ ᠢᠩᠭᠢᠭᠡᠳ ᠲᠡᠷᠡᠪᠡᠷ ᠵᠢᠷᠠᠭᠠᠳ ᠵᠢᠯ ᠤᠨ ᠳᠤᠷᠰᠢ ᠰᠢᠷᠭᠠᠭᠤ | ᠴᠠᠷᠮᠠᠶᠢᠯᠭᠠ ᠪᠠᠷ ᠢᠶᠠᠨ ᠳᠠᠮᠵᠢᠭᠠᠳ᠂ ᠤᠳᠤ ᠪᠤᠯᠬᠤ ᠳᠤ ᠶᠠᠰᠤ ᠪᠡᠷᠳᠡᠵᠦ ᠦᠶᠠ ᠮᠤᠯᠳᠤᠷᠬᠤ ᠶᠢ ᠵᠠᠰᠠᠬᠤ ᠪᠠᠷ | ᠪᠠᠷᠠᠬᠤ ᠦᠭᠡᠢ᠂ ᠮᠡᠳᠡᠷᠡᠯ ᠳᠠᠷᠤᠬᠳᠠᠬᠤ᠂ ᠮᠢᠬᠠ ᠰᠢᠷᠪᠦᠰᠦ ᠭᠡᠮᠳᠦᠬᠦ᠂ ᠲᠠᠷᠢᠬᠢ ᠤᠨᠠᠬᠤ ᠵᠡᠷᠭᠡ ᠶᠢ ᠪᠦᠷ ᠵᠠᠰᠠᠵᠦ᠂ | ᠠᠷᠠᠳ ᠤᠯᠠᠨ ᠳᠤ ᠪᠠᠨ ᠦᠢᠯᠡᠴᠢᠯᠡᠨ ᠳᠤᠰᠠ ᠪᠤᠶᠠᠨ ᠪᠤᠯᠵᠦ᠂ ᠤᠯᠠᠮᠵᠢᠯᠠᠯᠳᠦ ᠶᠠᠰᠤ ᠪᠠᠷᠢᠬᠤ ᠮᠡᠷᠭᠡᠵᠢᠯ ᠢᠶᠠᠨ | ᠦᠪᠯᠡᠨ ᠪᠠᠳᠠᠷᠠᠭᠤᠯᠵᠦ ᠶᠠᠪᠤᠨᠠ᠃ | ᠮᠤᠩᠭᠤᠯ ᠤᠯᠤᠰ ᠲᠤ ᠨᠡᠷᠠ ᠮᠠᠨᠳᠤᠵᠦ ᠬᠠᠷᠢ ᠶᠢᠨ ᠬᠦᠮᠦᠨ ᠳᠤ ᠱᠠᠬᠰᠢᠬᠳᠠᠪᠠ | 1993 ᠤᠨ ᠳᠤ᠂ ᠦᠨᠢᠷ ᠭᠤᠸᠠᠢ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠲᠤᠭᠤᠷᠢᠨ ᠰᠤᠷᠤᠯᠴᠠᠬᠤ | ᠪᠦᠯᠬᠦᠮ ᠤᠨ ᠬᠠᠮᠳᠤ ᠤᠯᠠᠨ ᠲᠠᠢ ᠮᠤᠩᠭᠤᠯ ᠤᠯᠤᠰ ᠲᠤ ᠠᠷᠪᠠᠭᠠᠳ ᠡᠳᠦᠷ ᠲᠤᠭᠤᠷᠢᠨ ᠰᠤᠷᠤᠯᠴᠠᠵᠠᠢ᠃ | ᠮᠤᠩᠭᠤᠯ ᠤᠯᠤᠰ ᠤᠨ ᠬᠡᠨᠳᠡᠢ ᠠᠶᠢᠮᠠᠭ ᠤᠨ ᠪᠢᠨᠳᠡᠷᠢᠶᠠ ᠰᠤᠮᠤᠨ ᠳᠤ ᠲᠤᠭᠤᠷᠢᠵᠦ ᠪᠠᠶᠢᠬᠤ ᠳᠤ ᠨᠢᠭᠡ ᠡᠮᠡᠭᠳᠡᠢ | ᠮᠤᠷᠢᠨ ᠳᠤ ᠪᠠᠨ ᠢᠰᠬᠦᠯᠦᠬᠦᠯᠵᠤ᠂ ᠡᠭᠡᠮ ᠬᠠᠪᠢ ᠳᠤ ᠨᠢ ᠬᠠᠪᠢᠷᠭᠠ ᠨᠢ ᠬᠤᠭᠤᠷᠠᠵᠦ᠂ ᠡᠪᠴᠢᠭᠦᠨ ᠤ ᠬᠤᠷᠤᠭᠤ ᠨᠢ | ᠳᠤᠳᠤᠬᠰᠢ ᠤᠷᠤᠵᠦ ᠠᠮᠢᠰᠤᠭᠠ ᠨᠢ ᠳᠠᠪᠬᠤᠴᠠᠨ ᠶᠡᠭᠡ ᠰᠠᠨᠳᠤᠷᠴᠤ ᠪᠠᠶᠢᠵᠠᠢ᠃ ᠲᠡᠳᠡᠨ ᠤ ᠡᠮᠨᠡᠯᠭᠡ ᠶᠢᠨ | ᠬᠤᠷᠢᠶᠠ ᠨᠢ ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠭᠠᠵᠠᠷ ᠠᠴᠠ ᠨᠠᠭᠠᠰᠢ ᠦᠭᠡᠢ ᠪᠤᠯᠬᠤᠷ ᠲᠤᠩ ᠰᠠᠨᠳᠤᠷᠴᠠᠭᠠᠵᠦ᠂ ᠡᠳᠡᠨ ᠤ | ᠪᠦᠯᠬᠦᠮ ᠤᠨ ᠬᠢᠨ ᠠᠴᠠ ᠡᠮᠴᠢ ᠪᠠᠷᠢᠶᠠᠴᠢ ᠰᠤᠷᠠᠬᠯᠠᠬᠤ ᠳᠤ ᠤᠯᠠᠨ ᠢᠶᠠᠷ ᠢᠶᠠᠨ ᠦᠨᠢᠷ ᠭᠤᠸᠠᠢ ᠢ ᠬᠡᠯᠡᠵᠦ ᠦᠭᠴᠡᠢ᠃ | ᠲᠡᠭᠡᠭᠡᠳ ᠦᠨᠢᠷ ᠭᠤᠸᠠᠢ ᠳᠠᠷᠤᠢ ᠳᠤ ᠨᠢ ᠪᠠᠷᠢᠵᠦ ᠦᠭᠭᠦᠭᠡᠳ ᠡᠳᠡᠭᠡᠪᠡ᠃ ᠮᠦᠨ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠪᠠᠰᠠ | ᠨᠢᠭᠡ ᠡᠷᠡᠭᠳᠡᠢ ᠮᠤᠷᠢᠨ ᠠᠴᠠ ᠪᠠᠨ ᠤᠶᠢᠴᠢᠭᠠᠳ ᠬᠠᠪᠢᠷᠭᠠᠨ ᠪᠤᠷᠠᠭᠠ ᠨᠢ ᠭᠠᠷᠴᠢᠬᠠᠭᠠᠳ ᠵᠤᠪᠠᠵᠦ ᠰᠠᠨᠳᠤᠷᠴᠤ | ᠪᠠᠶᠢᠬᠤ ᠳᠤ᠂ ᠲᠡᠷᠠ ᠨᠢᠭᠡ ᠨᠢᠭᠡ ᠪᠠᠷ ᠨᠢ ᠳᠠᠷᠤᠵᠦ ᠤᠷᠤᠭᠤᠯᠵᠦ ᠦᠭᠭᠦᠭᠰᠡᠨ ᠳᠤ ᠮᠠᠷᠭᠠᠰᠢ ᠨᠢ ︽ᠬᠠᠩᠭᠢ | ᠪᠤᠯᠴᠢᠬᠠᠯᠠ︾ ᠭᠡᠵᠦ ᠪᠠᠶᠠᠷᠯᠠᠨ ᠲᠠᠯᠠᠷᠬᠠᠵᠦ ᠪᠠᠶᠢᠬᠰᠡᠨ ᠭᠡᠨᠡ᠃ ᠡᠶᠢᠨᠬᠦ ᠮᠤᠩᠭᠤᠯ ᠤᠯᠤᠰ ᠳᠤ ᠨᠡᠷᠡ ᠭᠠᠷᠴᠦ᠂ | ᠰᠡᠯᠡᠩᠭᠡ ᠠᠶᠢᠮᠠᠭ ᠤᠨ ᠳᠠᠷᠤᠭᠠ ᠪᠡᠶᠠ ᠪᠠᠷ ᠢᠶᠠᠨ ᠲᠡᠭᠦᠨ ᠢ ᠵᠠᠯᠠᠵᠦ᠂ ᠳᠡᠨᠳᠠ ᠭᠤᠷᠪᠠᠨ ᠵᠢᠯ ᠤᠨ ᠬᠤᠭᠤᠴᠠᠭᠠ ᠲᠠᠢ | ᠪᠠᠭᠰᠢᠯᠠᠭᠤᠯᠤᠨ᠂ ᠡᠮᠴᠢᠯᠡᠭᠡ ᠬᠢᠯᠭᠡᠬᠦ ᠪᠠᠷ ᠤᠷᠢᠬᠰᠡᠨ ᠳᠤ᠂ ᠦᠨᠢᠷ ᠭᠤᠸᠠᠢ ᠡᠬᠡ ᠤᠷᠤᠨ᠂ ᠡᠯᠢᠭᠡᠨ ᠰᠠᠳᠤᠨ᠂ | ᠨᠤᠳᠤᠭ ᠤᠰᠤᠨ ᠤ ᠠᠷᠠᠳ ᠤᠯᠠᠨ ᠳᠤ ᠪᠠᠨ ᠦᠢᠯᠡᠴᠢᠯᠡᠬᠦ ᠶᠢ ᠪᠤᠳᠤᠭᠠᠳ ᠲᠠᠯᠠᠷᠬᠠᠯ ᠢᠯᠡᠷᠬᠡᠶᠢᠯᠡᠵᠦ᠂ | ᠤᠷᠢᠯᠭᠠ ᠶᠢ ᠨᠢ ᠬᠦᠯᠢᠶᠡᠵᠦ ᠠᠪᠤᠬᠰᠡᠨ ᠦᠭᠡᠢ ᠪᠠᠶᠢᠵᠠᠢ᠃ | ᠨᠢᠭᠡ ᠠᠮᠧᠷᠢᠺᠡ ᠨᠤᠳᠤᠭ ᠲᠠᠢ ᠵᠢᠭᠤᠯᠴᠢᠯᠠᠭᠴᠢ ᠰᠢᠯᠢ ᠶᠢᠨ ᠬᠤᠳᠠ ᠶᠢᠨ ᠪᠤᠯᠠᠭᠠᠨ ᠰᠤᠮᠤᠨ ᠳᠤ ᠢᠷᠡᠵᠦ ᠵᠤᠭᠠᠴᠠᠵᠦ | ᠪᠠᠶᠢᠭᠠᠳ ᠮᠤᠷᠢᠨ ᠠᠴᠠ ᠪᠠᠨ ᠤᠶᠢᠴᠠᠵᠦ᠂ ᠨᠢᠷᠤᠭᠤᠨ ᠦᠶᠠ ᠨᠢ ᠭᠡᠮᠳᠦᠵᠦ᠂ ᠨᠤᠳᠤᠭ ᠤᠨ ᠪᠠᠷᠢᠶᠠᠴᠢ ᠪᠠᠷ | ᠦᠵᠡᠭᠦᠯᠦᠨᠠ ᠭᠡᠬᠦ ᠳᠤ᠂ ᠦᠨᠢᠷ ᠭᠤᠸᠠᠢ ᠳᠤ ᠦᠵᠡᠭᠦᠯᠵᠡᠢ᠃ ᠦᠨᠢᠷ ᠭᠤᠸᠠᠢ ᠨᠢᠷᠤᠭᠤᠨ ᠦᠶᠠ ᠶᠢ ᠨᠢ | ᠤᠷᠤᠭᠤᠯᠵᠦ ᠪᠠᠷᠢᠵᠦ ᠦᠭᠭᠦᠭᠰᠡᠨ ᠳᠤ᠂ ᠲᠡᠷᠠ ᠬᠦᠮᠦᠨ ᠪᠠᠷᠢᠨ ᠪᠤᠰᠤᠭᠠᠳ ᠲᠤᠩ ᠪᠠᠶᠠᠷᠯᠠᠵᠦ᠄ ︽ᠶᠤᠰᠤᠳᠠᠢ | ᠨᠢᠭᠡ ᠠᠮᠢ ᠤᠷᠤᠯᠠ᠂ ᠪᠡᠶᠠ ᠳᠤ ᠦᠨᠠ ᠪᠡᠨᠠ ᠲᠠᠢ ᠦᠭᠡᠷᠠ ᠶᠠᠭᠤᠮᠠ ᠦᠭᠡᠢ︾ ᠭᠡᠳ ᠠᠯᠳᠠᠨ ᠴᠠᠭ ᠢᠶᠠᠨ | ᠮᠤᠯᠳᠤᠯᠵᠦ ᠦᠭᠭᠦ ᠳᠤ᠂ ᠨᠠᠰᠤᠳᠠᠨ ᠭᠠᠷ ᠰᠠᠵᠢᠭᠠᠳ ᠠᠪᠤᠬᠰᠡᠨ ᠦᠭᠡᠢ ᠭᠡᠳᠡᠭ᠃ | ᠬᠦᠨᠳᠦ ᠪᠡᠷᠳᠡᠯ ᠢ ᠡᠳᠡᠭᠡᠵᠦ ᠬᠦᠮᠦᠨ ᠠᠷᠠᠳ ᠲᠤ ᠪᠠᠨ ᠮᠠᠬᠳᠠᠬᠳᠠᠪᠠ | ᠦᠨᠢᠷ ᠭᠤᠸᠠᠢ᠂ ᠲᠡᠷᠭᠡ ᠤᠨᠤᠭᠠᠨ ᠤ ᠠᠳᠡᠯ ᠰᠢᠷᠬᠠᠳᠤᠯ ᠠᠴᠠ ᠪᠤᠯᠵᠦ ᠬᠦᠨᠳᠦ ᠪᠡᠷᠳᠡᠵᠦ᠂ ᠶᠠᠰᠤ | ᠦᠶᠠ ᠨᠢ ᠭᠡᠮᠳᠦᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠰᠤᠳᠠᠯ ᠮᠡᠳᠡᠷᠡᠯ ᠨᠢ ᠳᠠᠷᠤᠬᠳᠠᠵᠦ᠂ ᠠᠮᠢ ᠨᠠᠰᠤᠨ ᠤ ᠠᠶᠤᠯ ᠳᠤ | ᠤᠴᠠᠷᠠᠵᠦ ᠪᠠᠶᠢᠬᠰᠡᠨ ᠬᠦᠮᠦᠰ ᠢ ᠡᠳᠡᠭᠡᠭᠡᠨ ᠦᠭᠴᠦ᠂ ᠭᠠᠶᠢᠬᠠᠮᠰᠢᠭ ᠡᠭᠦᠳᠴᠦ ᠪᠠᠶᠢᠬᠰᠡᠨ ᠶᠠᠪᠤᠳᠠᠯ ᠤᠯᠠᠨ ᠤ | ᠳᠤᠮᠳᠠ ᠠᠮᠠ ᠳᠠᠮᠵᠢᠨ ᠶᠠᠷᠢᠬᠳᠠᠵᠦ ᠪᠠᠶᠢᠳᠠᠭ᠃ ᠲᠦᠷᠦᠭᠦᠦ ᠬᠤᠶᠠᠷ ᠵᠢᠯ ᠭᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠨᠢᠭᠡ | ᠡᠪᠡᠳᠴᠢᠳᠡᠨ ᠲᠡᠷᠭᠡᠨ ᠠᠳᠠᠯ ᠠᠴᠠ ᠪᠤᠯᠵᠦ᠂ ᠰᠠᠯᠳᠠᠭᠠ ᠶᠠᠰᠤ ᠨᠢ ᠰᠠᠯᠵᠦ᠂ ᠬᠤᠶᠠᠷ ᠨᠢᠷᠤᠭᠤᠨ ᠤ ᠬᠢᠨᠢ ᠦᠶᠠ ᠨᠢ | ᠰᠢᠯᠵᠢᠭᠡᠳ ᠳᠤᠤᠷᠠ ᠪᠡᠶᠠ ᠨᠢ ᠮᠡᠳᠡᠷᠡᠯ ᠦᠭᠡᠢ ᠪᠤᠯᠵᠦ᠂ ᠦᠳᠭᠡᠨ ᠰᠢᠩᠭᠡᠨ ᠮᠦᠷ ᠢᠶᠠᠨ ᠴᠦ ᠭᠠᠷᠭᠠᠵᠦ ᠴᠢᠳᠠᠬᠤ | ᠦᠭᠡᠢ ᠪᠤᠯᠤᠭᠠᠳ᠂ ᠳᠤᠬᠠᠢ ᠶᠢᠨ ᠭᠠᠵᠠᠷ ᠲᠤ ᠪᠠᠨ ᠦᠵᠡᠭᠦᠯᠵᠦ ᠴᠦᠬᠦᠷᠡᠭᠡᠳ ᠦᠨᠢᠷ ᠭᠤᠸᠠᠢ ᠶᠢ ᠵᠠᠯᠠᠵᠦ | ᠠᠪᠠᠴᠢᠵᠠᠢ᠃ ᠡᠨᠠ ᠳᠤᠬᠠᠢ ᠪᠠᠨ ᠦᠨᠢᠷ ᠭᠤᠸᠠᠢ᠄ ︽ᠪᠢ ᠤᠴᠢᠭᠠᠳ ᠦᠵᠡᠬᠦ ᠳᠤ ᠨᠢᠷᠤᠭᠤᠨ ᠤ ᠬᠢᠨᠢ ᠨᠤᠭᠤᠰᠦ᠂ | ᠮᠡᠳᠡᠷᠡᠯ ᠳᠠᠷᠤᠬᠳᠠᠵᠦ ᠶᠡᠭᠡ ᠠᠶᠤᠯ ᠲᠠᠢ ᠪᠠᠶᠢᠪᠠ᠃ ᠳᠠᠯᠪᠢᠵᠦ ᠳᠡᠶᠢᠯᠪᠡᠯ ᠨᠢᠭᠡ ᠭᠠᠷᠠᠭ ᠲᠤ ᠡᠳᠡᠭᠡᠨᠠ᠂ ᠳᠡᠶᠢᠯᠬᠦ | ᠦᠭᠡᠢ ᠪᠣᠯ ᠠᠮᠢ ᠨᠠᠰᠤᠨ ᠤ ᠠᠶᠤᠯ ᠲᠠᠢ ᠪᠠᠶᠢᠭᠠ ᠪᠠᠶᠢᠳᠠᠯ ᠢ ᠭᠡᠷ ᠪᠦᠯᠢ ᠳᠤ ᠨᠢ ᠬᠡᠯᠡᠵᠦ ᠦᠭᠭᠦᠭᠰᠡᠨ ᠳᠤ᠂ ᠳᠡᠳᠠ | ᠬᠠᠰᠢ ᠯᠠ ᠵᠠᠰᠠᠭᠤᠯᠬᠤ ᠶᠢ ᠵᠤᠷᠢᠯᠠ᠃ ᠲᠡᠭᠡᠭᠡᠳ ᠪᠢ ᠢᠯᠢᠵᠦ ᠦᠭᠭᠦᠭᠰᠡᠨ ᠳᠤ ᠲᠡᠷᠡ ᠬᠡᠳᠦᠨ ᠬᠤᠨᠤᠭ ᠲᠤ | ᠡᠳᠡᠭᠡᠷᠡᠭᠰᠡᠨ ᠲᠤᠯᠠ ᠲᠤᠩ ᠪᠠᠶᠠᠷᠯᠠᠵᠦ ︿ᠠᠮᠢ ᠨᠠᠰᠦ ᠶᠢ ᠳᠠᠬᠢᠵᠦ ᠤᠯᠭᠤᠬᠰᠡᠨ ᠠᠴᠢᠳᠦ ᠬᠦᠮᠦᠨ﹀ ᠭᠡᠳ | ᠨᠠᠮᠠ ᠶᠢ ᠪᠠᠰᠠ ᠡᠷᠭᠢᠵᠦ ᠦᠵᠡᠵᠦ ᠪᠠᠶᠢᠬᠰᠡᠨ︾ ᠭᠡᠵᠦ ᠶᠠᠷᠢᠵᠦ ᠪᠠᠶᠢᠯᠠ᠃ | ᠰᠢᠯᠢ ᠶᠢᠨ ᠬᠤᠳᠠ ᠶᠢᠨ ᠪᠠᠶᠠᠨᠪᠤᠯᠠᠭ ᠰᠤᠮᠤᠨ ᠤ ᠨᠢᠭᠡ ᠬᠦᠮᠦᠨ ᠲᠡᠷᠭᠡᠨ ᠠᠳᠠᠯ ᠠᠴᠠ ᠪᠤᠯᠵᠦ᠂ ᠦᠭᠡ | ᠶᠠᠷᠢᠵᠦ ᠴᠢᠳᠠᠬᠤ ᠠᠴᠠ ᠪᠤᠰᠤ ᠳᠦᠷᠪᠡᠨ ᠮᠦᠴᠢ ᠨᠢ ᠪᠦᠷ ᠮᠡᠳᠡᠷᠡᠯ ᠦᠭᠡᠢ ᠪᠤᠯᠤᠭᠠᠳ ᠲᠡᠭᠦᠨ ᠢ ᠵᠠᠯᠠᠵᠠᠢ᠃ | ᠦᠨᠢᠷ ᠭᠤᠸᠠᠢ ᠤᠴᠢᠵᠦ ᠦᠵᠡᠭᠡᠳ᠄ ︽ᠬᠦᠵᠦᠭᠦᠨ ᠤ ᠮᠡᠳᠡᠷᠡᠯ ᠳᠠᠷᠤᠬᠳᠠᠬᠰᠡᠨ ᠮᠠᠶ᠋ᠢᠬᠳᠠᠢ᠃ ᠬᠡᠷᠪᠡ ᠲᠡᠶᠢᠮᠦ | ᠪᠣᠯ ᠨᠤᠬᠤᠯᠵᠦ ᠦᠭᠭᠦᠭᠰᠡᠭᠡᠷ ᠳᠤᠯᠤᠭᠠᠨ ᠡᠳᠦᠷ ᠲᠤ ᠮᠡᠳᠡᠷᠡᠯ ᠤᠷᠤᠨᠠ᠂ ᠡᠨᠡ ᠡᠮᠴᠢᠯᠡᠭᠡ ᠵᠤᠬᠢᠷᠠᠪᠠᠯ ᠮᠠᠷᠭᠠᠰᠢ | ᠪᠠᠷᠠᠭᠤᠨ ᠭᠠᠷ ᠨᠢ ᠬᠦᠳᠦᠯᠦᠨᠠ᠂ ᠦᠭᠡᠢ ᠪᠤᠯ ᠨᠠᠮᠠ ᠶᠢ ᠪᠤᠤ ᠡᠷᠢ ᠭᠡᠰᠡᠨ ᠶᠤᠮ᠃ ᠲᠡᠭᠡᠭᠦ ᠳᠤ ᠲᠡᠷᠠ ᠤᠷᠤᠢ ᠨᠢ | ᠭᠠᠷ ᠨᠢ ᠬᠦᠳᠡᠯᠦᠭᠡᠳ ᠵᠠᠯᠭᠠᠵᠦ ᠵᠠᠰᠠᠭᠠᠳ ᠡᠳᠡᠭᠡᠭᠰᠡᠨ︾ ᠭᠡᠵᠦ ᠨᠠᠰᠤᠳᠠᠨ ᠪᠠᠶᠠᠷᠳᠠᠢ ᠶᠠᠷᠢᠨᠠ᠃ ᠬᠤᠶᠠᠷ ᠵᠢᠯ ᠤᠨ | ᠡᠮᠦᠨᠠ ᠨᠢᠭᠡ ᠡᠪᠡᠳᠴᠢᠳᠠᠨ ᠤ ᠬᠦᠵᠦᠭᠦᠦ ᠨᠢᠷᠤᠭᠤᠨ ᠤ ᠬᠢᠨᠢ ᠮᠡᠳᠡᠷᠡᠯ ᠳᠠᠷᠤᠬᠳᠠᠵᠦ ᠴᠢᠭᠤᠯᠤᠯᠳᠦ ᠬᠠᠭᠠᠯᠭᠠ ᠶᠢᠨ | ᠶᠡᠭᠡ ᠡᠮᠨᠡᠯᠭᠡ ᠳᠤ ᠪᠠᠭ᠋ᠠᠨ ᠡᠮᠨᠡᠭᠦᠯᠦᠭᠡᠳ ᠪᠤᠯᠤᠬᠰᠡᠨ ᠦᠭᠡᠢ ᠨᠠᠰᠤᠳᠠᠨ ᠢᠶᠠᠷ ᠵᠠᠰᠠᠭᠤᠯᠤᠭᠠᠳ ᠬᠤᠭ ᠦᠭᠡᠢ | ᠡᠳᠡᠭᠡᠷᠡᠵᠦ᠂ ᠳᠠᠬᠢᠨ ᠪᠠᠶᠢᠴᠠᠭᠠᠯᠳᠠ ᠶᠢᠨ ᠰᠡᠭᠦᠳᠡᠷ ᠵᠢᠷᠤᠭ ᠢᠶᠠᠨ ᠡᠮᠴᠢ ᠳᠤ ᠪᠠᠨ ᠠᠪᠠᠴᠢᠵᠤ ᠦᠵᠡᠭᠦᠯᠦᠭᠰᠡᠨ ᠳᠤ | ᠡᠮᠴᠢ ᠲᠤᠩ ᠭᠠᠶᠢᠬᠠᠵᠦ᠂ ᠦᠨᠢᠷ ᠭᠤᠸᠠᠢ ᠳᠤ ᠳᠤᠰᠬᠠᠶᠢᠯᠠᠨ ᠤᠳᠠᠰᠦ ᠢᠷᠡᠵᠦ ᠠᠷᠭᠠ ᠮᠡᠷᠭᠡᠵᠢᠯ ᠢ ᠨᠢ ᠠᠰᠠᠭᠤᠵᠦ | ᠰᠤᠷᠠᠬᠤ ᠶᠢᠨ ᠬᠠᠮᠳᠦ ᠨᠢᠭᠡ ᠠᠭᠤᠯᠵᠠᠵᠦ ᠶᠠᠷᠢᠯᠴᠠᠬᠤ ᠶᠢ ᠬᠦᠰᠡᠭᠰᠡᠨ ᠪᠠᠶᠢᠵᠠᠢ᠃ | ᠡᠬᠡ ᠪᠠᠶᠢᠭᠠᠯᠢ ᠯᠤᠭᠠ ᠶᠢᠨ ᠡᠨᠡᠭᠰᠢᠯ | ᠦᠳᠠ ᠶᠢᠨ ᠬᠤᠶᠢᠨᠠ ᠨᠠᠰᠤᠳᠠᠨ ᠢ ᠬᠦᠳᠡᠭᠡ ᠭᠡᠷ ᠳᠤ ᠨᠢ ᠬᠦᠷᠭᠡᠵᠦ ᠤᠴᠢᠬᠤ ᠳᠤ᠂ ᠰᠠᠷᠠᠡᠭᠡᠷᠡᠯ ᠡᠵᠢ | ᠤᠯᠠᠭᠠ ᠪᠤᠲᠠᠷᠠᠬᠰᠡᠨ ᠰᠠᠶᠢᠬᠠᠨ ᠴᠠᠢ ᠴᠢᠨᠠᠵᠦ᠂ ᠬᠡᠨᠵᠠ ᠬᠤᠷᠠᠭᠠ ᠢᠰᠢᠭᠡ ᠪᠠᠨ ᠤᠬᠵᠢᠭᠠᠳ ᠶᠠᠭᠠᠷᠠᠵᠦ ᠪᠠᠶᠢᠯᠠ᠃ | ᠨᠠᠰᠤᠳᠠᠨ ᠨᠠᠶᠠ ᠰᠢᠬᠠᠵᠦ ᠪᠠᠶᠢᠭᠠ ᠪᠤᠯᠪᠠᠴᠦ ᠵᠦᠭᠡᠷ ᠰᠠᠭᠤᠵᠦ ᠴᠢᠳᠠᠳᠠᠭ ᠦᠭᠡᠢ ᠪᠤᠯᠬᠤᠷ ᠶᠠᠭᠠᠷᠠᠵᠦ ᠯᠠ ᠪᠠᠶᠢᠬᠤ | ᠳᠤᠷᠠᠳᠠᠢ᠃ ᠤᠤᠯ ᠠᠴᠠ ᠪᠠᠨ ᠦᠨᠢᠷ ᠭᠤᠸᠠᠢ ᠭᠠᠴᠠᠭᠠᠨ ᠤ ᠠᠵᠢᠯ᠂ ᠪᠠᠷᠢᠶᠠᠴᠢ ᠶᠢᠨ ᠠᠵᠢᠯ ᠭᠡᠳ ᠭᠠᠳᠠᠬᠰᠢ | ᠶᠠᠭᠠᠷᠠᠵᠦ ᠶᠠᠪᠤᠬᠤ ᠳᠤ᠂ ᠰᠠᠷᠠᠡᠭᠡᠷᠡᠯ ᠭᠤᠸᠠᠢ ᠬᠡᠵᠢᠶᠡᠳᠠ ᠭᠡᠷ ᠭᠠᠳᠠᠨᠠ ᠶᠢᠨ ᠠᠵᠢᠯ ᠢᠶᠠᠨ ᠵᠠᠪᠳᠤᠭᠤᠯᠤᠭᠠᠳ | ᠪᠠᠶᠢᠳᠠᠭ᠃ ᠡᠳᠡᠨ ᠤ ᠳᠤ ᠤᠷᠤᠬᠤ ᠲᠠᠢ ᠵᠡᠷᠭᠡ ᠬᠠᠶᠢᠴᠢᠨ ᠵᠢᠭᠦᠷ ᠲᠠᠢ ᠬᠠᠷᠢᠶᠠᠴᠠᠢ ᠮᠦᠷᠦ ᠱᠦᠷᠬᠦᠭᠡᠮᠡ ᠤᠷᠤᠵᠦ | ᠭᠠᠷᠤᠨ ᠨᠢᠰᠦᠯᠳᠤᠨᠠ᠃ ᠳᠡᠭᠡᠭᠰᠢ ᠬᠠᠷᠠᠬᠤ ᠳᠤ᠂ ᠭᠡᠷ ᠤᠨ ᠠᠳᠠᠷ ᠲᠤ ᠨᠢ ᠲᠠᠪᠤᠨ ᠬᠠᠷᠢᠶᠠᠴᠠᠢ ᠶᠢᠨ ᠡᠭᠦᠷ ᠪᠠᠶᠢᠵᠦ | ᠂ ᠳᠤᠤᠷᠠ ᠨᠢ ᠪᠦᠷ ᠪᠠᠨᠰᠠ ᠬᠠᠳᠠᠵᠤ ᠪᠠᠬᠢᠯᠡᠭᠡᠳ ᠡᠭᠦᠳᠡᠨ ᠤ ᠳᠡᠭᠡᠷᠠ ᠲᠠᠯᠠ ᠳᠤ ᠪᠠᠨ ᠳᠤᠰᠬᠠᠶᠢᠯᠠᠨ ᠪᠠᠭᠠ | ᠴᠤᠩᠬᠤ ᠭᠠᠷᠭᠠᠵᠦ ᠪᠠᠶᠢᠩᠭᠤ ᠨᠡᠭᠡᠭᠡᠵᠦ᠂ ᠤᠷᠤᠵᠦ ᠭᠠᠷᠬᠤ ᠳᠤ ᠨᠢ ᠳᠦᠭᠦᠮ ᠪᠤᠯᠭᠠᠬᠰᠡᠨ ᠪᠠᠶᠢᠪᠠ᠃ ᠦᠨᠢᠷ | ᠭᠤᠸᠠᠢ᠄ ︽ᠡᠳᠡᠨᠤᠰ ᠴᠢᠨᠢ ᠮᠠᠨ ᠤ ᠭᠡᠷ ᠤᠨ ᠰᠢᠪᠠᠭᠤ ᠰᠢᠳᠠ᠂ ᠵᠢᠯ ᠵᠢᠯ ᠢᠷᠡᠵᠦ ᠡᠭᠦᠷᠢᠯᠡᠭᠡᠳ ᠦᠨᠳᠡᠭᠡ | ᠵᠤᠯᠵᠠᠭᠠ ᠪᠠᠨ ᠲᠦᠷᠦᠵᠦ ᠦᠰᠭᠡᠭᠡᠳ ᠳᠠᠭᠠᠭᠤᠯᠵᠦ ᠶᠠᠪᠤᠳᠠᠭ︾ ᠭᠡᠵᠦ ᠡᠨᠡᠷᠢᠩᠭᠦᠢ ᠳᠦᠷᠢ ᠪᠠᠷ ᠬᠡᠯᠡᠨᠠ᠃ | ᠨᠠᠰᠤᠳᠠᠨ ᠤ ᠭᠡᠷ ᠤᠨ ᠪᠠᠷᠠᠭᠤᠨ ᠡᠮᠤᠨᠠ ᠨᠢᠭᠡ ᠭᠡᠰᠡᠭ ᠨᠤᠭᠤᠭᠠᠨ ᠤᠢ ᠪᠠᠷᠠ ᠲᠠᠢ ᠬᠠᠷᠠᠬᠳᠠᠬᠤᠯᠠᠷ ᠤᠴᠢᠷ ᠢ ᠨᠢ | ᠯᠠᠪᠯᠠᠪᠠᠯ᠂ ᠨᠠᠰᠤᠳᠠᠨ᠄ ︽ᠡᠨᠡ ᠴᠢᠨᠢ ᠮᠢᠨᠤ 1978 ᠤᠨ ᠠᠴᠠ ᠡᠬᠢᠯᠡᠵᠦ ᠲᠠᠷᠢᠬᠰᠡᠨ ᠮᠤᠳᠤ ᠰᠢᠤ᠂ | ᠳᠤᠬᠠᠢ ᠶᠢᠨ ᠵᠢᠯ ᠤᠳ ᠲᠤ ᠶᠡᠭᠡ ᠴᠠᠰᠦ ᠤᠷᠤᠵᠦ᠂ ᠰᠢᠭᠤᠷᠭᠠᠨ ᠭᠠᠷᠤᠬᠰᠠᠭᠠᠷ ᠬᠤᠳᠳᠤᠭ ᠤᠰᠤ ᠪᠦᠷ | ᠳᠠᠷᠤᠬᠳᠠᠭᠠᠳ ᠡᠷᠢᠵᠦ ᠤᠯᠬᠤ ᠪᠠᠨ ᠪᠠᠶᠢᠴᠢᠬᠠᠳᠠᠭ᠃ ᠲᠡᠭᠡᠭᠡᠳ ᠵᠢᠭᠠᠬᠠᠨ ᠨᠦᠮᠦᠷᠢ ᠪᠤᠯᠤᠭ ᠭᠡᠵᠦ ᠲᠠᠷᠢᠬᠰᠡᠨ | ᠶᠤᠮ︾ ᠭᠡᠵᠦ ᠬᠡᠯᠡᠬᠦ ᠶᠢᠨ ᠳᠠᠭᠠᠤ ᠪᠢᠳᠡᠨ ᠢ ᠲᠠᠭᠠᠭᠤᠯᠤᠨ ᠲᠤᠭᠤᠷᠢᠯᠠ᠃ ᠮᠤᠳᠤᠨ ᠤ ᠬᠦᠷᠢᠶᠡᠨ ᠳᠤ ᠨᠢ | ᠤᠷᠤᠬᠤ ᠳᠤ ᠰᠡᠩᠳᠡᠩ ᠮᠤᠳᠤ ᠨᠢ ᠴᠡᠴᠡᠭ ᠳᠡᠯᠭᠡᠷᠡᠭᠡᠳ᠂ ᠬᠦᠷᠢᠶᠠ ᠳᠦᠭᠦᠷᠡᠩ ᠰᠠᠶᠢᠬᠠᠨ ᠦᠨᠦᠷ ᠠᠩᠭᠢᠯᠤᠨᠠ᠃ | ᠦᠨᠢᠷ ᠭᠤᠸᠠᠢ᠄ ︽ᠵᠢᠯ ᠵᠢᠯ ᠨᠡᠮᠡᠭᠰᠡᠭᠡᠷ ᠪᠠᠶᠢᠭᠠᠳ ᠲᠠᠪᠢᠭᠠᠳ ᠮᠤ᠋ ᠬᠦᠷᠴᠡᠢ᠂ ᠤᠳᠠ᠂ ᠤᠯᠢᠶᠠᠰᠦ᠂ ᠬᠠᠶᠢᠯᠠᠰᠦ᠂ | ᠪᠤᠷᠭᠠᠰᠦ᠂ ᠰᠡᠩᠳᠡᠩ ᠮᠤᠳᠤ᠂ ᠭᠦᠢᠯᠡᠰᠦᠨ ᠮᠤᠳᠤ᠂ ᠢᠨᠳᠤᠤᠷ ᠤᠨ ᠮᠤᠳᠤ ᠭᠡᠳ ᠠᠷᠪᠠᠭᠠᠳ ᠲᠦᠷᠦᠯ ᠤᠨ ᠮᠤᠳᠤ | ᠪᠠᠶᠢᠨᠠ᠂ ᠲᠤᠮᠤ ᠨᠢ ᠠᠯᠢ ᠬᠡᠳᠦᠶᠢᠨ ᠠᠰᠢᠬᠯᠠᠯᠳᠠ ᠳᠤ ᠤᠷᠤᠴᠢᠬᠠᠭᠰᠠᠨ᠃ ᠤᠷᠭᠠ ᠬᠢᠬᠦ᠂ ᠬᠠᠳᠠᠬᠰᠠᠨ | ᠮᠤᠳᠤ ᠪᠠᠷ ᠢᠶᠠᠨ ᠳᠦᠭᠦᠮ ᠮᠠᠯ ᠤᠨ ᠬᠠᠰᠢᠶᠠ ᠪᠠᠷᠢᠬᠤ᠂ ᠲᠦᠯᠡᠰᠢ ᠬᠢᠬᠦ ᠵᠡᠷᠭᠡ ᠳᠤ ᠪᠦᠷ ᠵᠠᠷᠤᠵᠦ ᠪᠠᠶᠢᠨᠠ︾ ᠭᠡᠵᠦ | ᠪᠠᠶᠠᠷᠳᠠᠢ ᠨᠢ ᠠᠷᠭᠠ ᠦᠭᠡᠢ ᠶᠠᠷᠢᠨᠠ᠃ | ᠦᠨᠢᠷ ᠭᠤᠸᠠᠢ ᠶᠢᠨ ᠶᠠᠰᠤ ᠪᠠᠷᠢᠬᠤ ᠮᠡᠷᠭᠡᠵᠢᠯ ᠦᠶᠠ ᠳᠠᠮᠵᠢᠨ ᠤᠯᠠᠮᠵᠢᠯᠠᠭᠳᠠᠨᠠ᠂ ᠦᠨᠢᠷ ᠭᠤᠸᠠᠢ ᠶᠢᠨ | ᠤᠢ ᠮᠤᠳᠦ ᠦᠨᠢ ᠡᠭᠦᠷᠢᠳᠠ ᠴᠡᠯᠡᠭᠡᠷᠡᠨᠡ᠃ ᠬᠤᠶᠠᠷ ᠨᠠᠰᠤᠳᠠᠨ ᠠᠴᠠ ᠠᠶᠠᠷᠠᠯᠠᠵᠦ ᠶᠠᠪᠤᠬᠤ ᠳᠤ ᠭᠠᠶᠢᠬᠠᠬᠤ᠂ | ᠪᠢᠰᠢᠷᠡᠬᠦ᠂ ᠬᠦᠨᠳᠦᠳᠭᠡᠬᠦ ᠰᠡᠳᠬᠢᠯᠭᠡ ᠵᠡᠷᠭᠡ ᠲᠦᠷᠦᠭᠳᠡᠵᠦ᠂ ᠦᠨᠡᠬᠡᠷ ᠦᠭᠡ ᠬᠡᠯᠡ᠂ ᠦᠰᠦᠭ ᠪᠢᠴᠢᠭ ᠢᠶᠠᠷ | ᠢᠯᠡᠳᠭᠡᠬᠦᠶᠠ ᠪᠡᠷᠬᠡ ᠰᠠᠨᠠᠬᠳᠠᠯᠠ᠃ | | | | ᠨᠠᠶᠢᠷᠠᠭᠤᠯᠤᠭᠴᠢ᠄ ᠢᠷᠭᠤᠢ | ᠬᠢᠨᠠᠭᠴᠢ᠄ ᠳᠠᠪᠢᠠᠭᠤᠷᠪᠠ | ᠶᠡᠷᠦᠩᠭᠡᠢ ᠬᠢᠨᠠᠭᠴᠢ᠄ ᠠ᠊ · ᠤᠷᠠᠨᠠ |